Кафедеги завтрак. Архив

Ботко эле жей бербегиле! Эртең мененки тамак кандай болушу керектиги айтылды

450
(жаңыланган 09:06 24.08.2020)
Ботко углеводдон гана тургандыктан, эртең менен ага белоктуу тамактарды аралаштыруу сунушталды. Жалпысынан түн уйкудан кийинки азыктануу тоюмдуу болушу керектиги белгиленди.

БИШКЕК, 24-авг. — Sputnik. Эртең менен бир гана ботко менен тамактанган болбойт, организмде тең салмактуулук болушу үчүн башка дагы азыктарды кошуу керек. Бул тууралуу Sputnik радиосуна диетолог Елена Чигия айтып берди.

Адистин айтымында, көпчүлүк эртең мененкисин ботко жегенди адатка айланткан. Себеби ал тез даярдалып, бат сиңет. Анткен менен ботконун курамы бир гана углеводдон турат.

"Кашадан баш тарткыла дебейбиз. Болгону ага сыр, жумуртка же башка белоктуу тамак кошуу керек. Ошондой эле клетчатка — мөмө жана жер-жемиш болгону жакшы. Деги эле эртең менен күчтүү тамак ичүү керек. Жадагалса эттүү тамак жегиле", — деген диетолог.

Күн сайын гречка жесе организмде кандай өзгөрүү болот? Адистин пикири

Ал ошондой эле боткону сууга эмес, сүткө кайнатып жасоону сунуштаган.

"Курамы аминокычкыл боюнча бирдей болбогондуктан дан азыктарына, ошол эле боткого белок көп сиңбейт. Данда белоктор өздөштүрүлүшү үчүн лизин аминокислотасы көп делген сүткө бышырыш керек. Же гречка боткосун быштак менен жасоо сунушталат", — деди Чигия.

Адис негизи эле дан азыктарын сүт белогу менен колдонуу керектигин белгилеген.

450
Белгилер:
белок, Сүт, тамак, диетолог
Тема боюнча
Диетолог: ак нан, колбаса, тез татымдан баш тарткан оң
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

13
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

13
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео
Карды тартып аткан адамдар. Архивдик сүрөт

Жекшембиге карата аба ырайы

32
24-январга караган түнү туруксуз аба ырайы күтүлүп, көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүү коркунучу бар. Бул тууралуу Кыргызгидромет билдирди.

БИШКЕК, 23-янв. — Sputnik. Жекшембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас, Ысык-Көл облустарында -1…-6, Ош, Жалал-Абад, Баткен аймактарында -4…+1, Нарын өрөөнүндө -7…-12 градусту көрсөтөт.

Бишкекте жана Ошто кар жаайт. Термометрдин көрсөткүчү борбордо -2…-4, Ош шаарында 0…-2 градуска жетет.

32
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди