Милиция кызматкерлери. Архив

Ошто сабалган 81 жаштагы карыя: милиция окуянын күбөлөрүн издеп жатат

369
Өткөн аптанын аягында социалдык тармакта улгайган карыяны жанында отурган жигит ур-тепкиге алгандыгы тууралуу видео тараган.

БИШКЕК, 24-авг. — Sputnik. Ошто 81 жаштагы карыянын сабалып жатканын көрүп, бирок милицияга кабарлап койбогон күбөлөр изделип жатат. Бул тууралуу Ош облустук ички иштер башкармалыгынын маалымат катчысы Жеңиш Аширбаев Sputnik Кыргызстан агенттигине билдирди.

"Карыяны бейтааныш киши сабап жатканын Matiz автоунаасынын айдоочусу жана аны менен бирге отурган жарандар көргөн. Учурда Кара-Суу райондук ички иштер бөлүмүнүн кызматкерлери окуя болгон дүкөндөгү видеокөзөмөлгө түшүп калган күбөлөрдүн аты-жөнүн тактап, издеп жатат", — деди Аширбаев.

Жатып калган кишини мыкаачылык менен сабады делген киши кармалды

Анын айтымында, алар окуя тууралуу милицияга кабар берген эмес. Бул нерсе кылмышты жашыруу болуп саналат.

Эске салсак, өткөн аптанын аягында социалдык тармакта улгайган карыяны жанында отурган жигит ур-тепкиге алгандыгы тууралуу видео тараган. Көп өтпөй окуя Кара-Суу районунун Савай айыл өкмөтүндө болгону аныкталган. Жабырлануучу алган жараатын аныктоо максатында соттук-медициналык экспертиза дайындалган. Аны себепсиз сабаган киши Кара-Суу шаарынын 36 жаштагы жашоочусу экендиги белгилүү болгон.

369
Белгилер:
күбө, видео, карыя, издөө, милиция, Ош
Тема боюнча
81 жаштагы карыяны көчөдө ур-тепкиге алган жигит изделүүдө. Видео
Пострадавшие в октябрьских событиях на митинге у дома правительства в Бишкеке. 14 июня 2021 года

"Президент, жооп бер"! Өкмөт үйүнүн алдында митинг өтүүдө. Видео

0
(жаңыланган 11:31 14.06.2021)
Нааразычылыкка чыккандар Садыр Жапаровдон 2020-жылы октябрь окуяларында жабыркагандарга көңүл бурууну суранып жатат.

БИШКЕК, 14-июн. — Sputnik. Бишкектеги Өкмөт үйүнүн жанында 30 киши катышкан митинг өтүп жатат.

  • Пострадавшие в октябрьских событиях на митинге у дома правительства в Бишкеке. 14 июня 2021 года
    Митинг пострадавших в октябрьских событиях у дома правительства
    © Sputnik / Табылды Кадырбеков
  • Пострадавшие в октябрьских событиях на митинге у дома правительства в Бишкеке. 14 июня 2021 года
    Митинг пострадавших в октябрьских событиях у дома правительства
    © Sputnik / Табылды Кадырбеков
  • Пострадавшие в октябрьских событиях на митинге у дома правительства в Бишкеке. 14 июня 2021 года
    Митинг пострадавших в октябрьских событиях у дома правительства
    © Sputnik / Табылды Кадырбеков
  • Пострадавшие в октябрьских событиях на митинге у дома правительства в Бишкеке. 14 июня 2021 года
    Митинг пострадавших в октябрьских событиях у дома правительства
    © Sputnik / Табылды Кадырбеков
  • Пострадавшие в октябрьских событиях на митинге у дома правительства в Бишкеке. 14 июня 2021 года
    Митинг пострадавших в октябрьских событиях у дома правительства
    © Sputnik / Табылды Кадырбеков
1 / 5
© Sputnik / Табылды Кадырбеков
Митинг пострадавших в октябрьских событиях у дома правительства

Акцияга чыккандар "Президент, жооп бер!" деп кыйкырышууда. Алар Садыр Жапаровдон 2020-жылы октябрь окуяларында жабыркагандарга көңүл бурууну суранып жатат.

Плакаттарда "Садыр Нургожоевич, берген убадаларды аткарыңыз!", "Кашкар Жунушалиев менен Орозбек Опумбаев (мурдагы ИИМ жана УКМК башчылары — ред.) жоопкерчиликке тартылышы керек" деп жазылган.

Ошондой эле нааразычылыкка чыккандар Сооронбай Жээнбеков экс-президент макамына татыксыз экенин билдиришти.

Белгилей кетсек, 5-6 октябрь күндөрү болгон окуяларда өлкөдө бийлик алмашкан. Саламаттык сактоо министрлиги миңден ашуун киши жаракат алганын билдирген болчу.

Бишкек Садыр Жапаров президент митинг нааразычылык бийлик

0
Bio-KG органикалык кыймыл федерациясынын жетекчиси Искендербек Айдаралиев

Айдаралиев: экспорт менен ЕАЭБде атаандаштык жарата албайбыз

6
Bio-KG органикалык кыймыл федерациясынын жетекчиси Искендербек Айдаралиев өлкөдө өндүрүлгөн продукцияны экспорттоодо көлөм жагынан биримдикте атаандаштык жаратуу кыйын экендигин айтты.

Казакстан, Өзбекстан, Беларусь ЕАЭБ рыногуна ири көлөмдөгү продукция чыгарат. Мындай маалыматты Искендербек Айдаралиев Спутник Кыргызстан радиосунун эфиринде маек куруп жатып билдирди.

Айдаралиев: экспорт менен ЕАЭБде атаандаштык жарата албайбыз

Анын айтымында, ЕАЭБ өлкөлөрүндө кайра иштетүү жолго коюлуп, экономиканын өсүшүнө шарт түзүүдө.

"Өндүрүлгөн продукциянын көлөмү менен ЕАЭБ рыногунда атаандаштык жарата албайбыз. Анткени Казакстан, Өзбекстан, Беларустун экспорту арбын. Мындан тышкары, ал өлкөлөрдө кайра иштетүү жолго коюлуп, экономиканын өсүшүнө шарт түзүүдө. Биздеги жакшы мүмкүнчүлүктөрдүн бири — органикалык, экологиялык таза азык-түлүк, биз ушуну менен алдыга чыксак болот. Бул багытта маалыматтын жеткиликтүүлүгүн камсыз кылып, дыйкандарды окутууга көңүл бурушубуз керек. Чет өлкөлүк кардарлар аз көлөмдө сурабайт. Демек, таза азык-түлүктүн көлөмүнө басым жасоо зарыл. Ал үчүн бул тармактагы системаны өзгөртүү керек. Мисалы, жеке ишканаларды бириктирип, көлөмдү аныктай турган жолун караш керек. Ага байланыштуу "Органикалык аймак" деген долбоорду ишке ашырып жатабыз. Органикалык идеянын айланасында фермерлерди бириктирүүгө мүмкүн болду", — деди Айдаралиев.

Ошондой эле адис туура жер иштетүү боюнча окутууларды уюштуруп, жакшы жыйынтыкка жетсе болорун кошумчалады.

6
Белгилер:
айыл чарба продукциясы, органика
Тема боюнча
Кадыров: биогумус арыктаган жерди 10-15 жылда калыбына келтирет