Медициналык кызматкер ооруканада бейтаптар менен

Бир суткада коронавирустан 275 бейтап айыкса, кайра 101 адам жуктуруп алды

178
(жаңыланган 11:31 27.08.2020)
Россиянын окумуштуулары коронавирустун үчүнчү толкуну болушу мүмкүн экенин айтып, жай турмушка кийинки жылдын орто ченинде гана кайтабыз деп божомолдоду.

БИШКЕК, 27-авг. — Sputnik. Кыргызстанда өткөн суткада коронавирусту 275 бейтап жеңсе, кайра 101 адам аны илештирип алды. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек — 115;
  • Ош шаары — 12;
  • Чүй облусу — 17;
  • Ош облусу — 23;
  • Талас облусу — 15;
  • Нарын облусу — 8;
  • Ысык-Көл облусу — 24;
  • Жалал-Абад облусу — 28;
  • Баткен облусу — 33.

Бир сутка ичинде коронавирус жуктуруп алгандар:

  • Бишкек — 32;
  • Ош — 1;
  • Чүй облусу — 7;
  • Ош облусу — 10;
  • Талас облусу — 4;
  • Нарын облусу — 5;
  • Ысык-Көл облусу — 18;
  • Жалал-Абад облусу — 16;
  • Баткен облусу — 8.

Кыргызстан боюнча стационарда 854 бейтап дарыланып жатат. Ал эми амбулатордук дарыланууда 4680 бейтап бар экени айтылды.

Коронавирустун үчүнчү толкуну качан болушу мүмкүн. Окумуштуунун божомолу

Мындан сырткары, бир сутка ичинде эки медик коронавирус жуктуруп алганы маалым болду. Анын бирөө Баткен облусунан болсо, экинчиси Жалал-Абаддан. Ошол эле учурда жети медицина кызматкери ооруканадан айыгып чыкты. Ал эми үй карантининен 12 медик сакайды. Ак халатчандар арасында коронавирус жуктурган жалпы 3116 учур катталып, анын 2409у илдетти жеңген. 

Жалпысынан алганда өлкөдө коронавирус инфекциясы 43 459 адамдан табылса, анын ичинен 37 492 бейтап ооруну жеңген. 

178
Белгилер:
статистика, бейтап, оору, коронавирус, Кыргызстан
Тема:
Кыргызстандагы коронавирус жуктуруп алгандар (1317)
Тема боюнча
Россияда коронавирус менен грипптен бирдей коргоочу уникалдуу вакцина жасалууда
Манас эпосу. Архив

"Манас" эпосунун казак тилиндеги жаңы котормосу чыкты. Өзгөчөлүгү

2
(жаңыланган 21:43 24.09.2020)
Автор буга чейин Казакстанда басылып чыккан төрт томдук котормо эл арасында сейрек кездешерин жана балдарга анча түшүнүксүз экенин айткан.

БИШКЕК, 24-сен. — Sputnik. Белгилүү манасчы Баянгали Алимжанов "Манас" эпосунун казакча котормосунун жаңы версиясын тартуулады. Бул тууралуу "Казинформ" жазды.

Ага ылайык, 40 жылдан бери манас айтып келген Алимжановдо эпосту өз версиясында которуу идеясы былтыр жаралган.

Анын айтымында, казак жазуучусу Мухтар Ауэзовдун жетекчилиги алдында басылып чыккан төрт томдук котормо эл арасында сейрек кездешет жана балдарга анча түшүнүксүз.

Жолдошов: "Манас" кара сөз менен жазылса 500-600 китеп топтому чыкчудай

Алимжанов 100 миң сапты түшүнүү окурманга оңой эмес экенин белгилеген. Ошондой эле Кыргызстанда балдар үчүн "Манастын" бир томдугу чыкканын айта кеткен.

"Мен "Манасты" 67 күндүн ичинде толугу менен которуп бүттүм. Китептин өзгөчөлүгү — эпостун эң күчтүү, көркөм, поэтикалык үзүндүлөрү Манастын рухун чагылдырган прозада баяндалган. Эпосту кыскача, келечек муундарга түшүнүктүү тилде бергим келди. Манасты ар бир манасчы өзүнчө айтат. Эпостун сюжети бирдей болгону менен түрдүүчө берилет", — деген Алимжанов.

Китептин бет ачары Нур-Султандагы Достук үйүндө өткөн.

2
Белгилер:
котормо, Манас эпосу, Кыргызстан, Казакстан
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты
Талаада жайылган койлор. Архив

Жумага карата аба ырайы

8
(жаңыланган 21:03 24.09.2020)
Жумага караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-сен. — Sputnik. Жума күнү, 25-сентябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Ысык-Көл жана Нарын жергесинде +18...+23, Таласта +17...+22, Ош, Жалал-Абад, Баткен облустарында +22...+27 градуска жылыйт.

Күндүн табы борбор калаа Бишкекте +20...+22, Ош шаарында +22...+24 градусту көрсөтөт.

8
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Табият албууттанганда. Кыргызстандагы жүрөк үшүн алган жаратылыш кырсыктары