Кыргыз Республикасынын биометрикалык паспорттары. Архив

"Инфоком" документ түйшүгүн жеңилдеткен электрондук система иштеп чыкты

123
(жаңыланган 14:19 27.08.2020)
Жаңы системанын алкагында президенттин алдындагы жарандык маселелер боюнча комиссиянын, УКМК, ТИМдин Консулдук кызмат департаментинин маалыматтары бирдиктүү электрондук базага бириктирилет.

БИШКЕК, 27-авг. — Sputnik. "Инфоком" мамлекеттик ишканасы "Жарандык 2.0" автоматташтырылган маалыматтык системанын (АМС) экинчи этабын иштеп чыкты. Бул тууралуу Мамлекеттик каттоо кызматынан (МКК) билдиришти.

  • Информационная статистика автоматизированной информационной системы «Гражданство 2.0»
    "Жарандык" системасынын биринчи этабын даярдоо 2017-жылы башталып, 2018-жылы ноябрда МККнын бардык паспорт берүү жана калкты каттоо бөлүмдөрүндө ишке киргизилген
    © Фото / пресс-служба ГРС при ПКР
  • Информационная статистика автоматизированной информационной системы «Гражданство 2.0»
    Андан тышкыры, Кыргызстандын 38 чет өлкөдөгү мекемесинде "Паспорт", "ЗАГС" жана "Жарандык" автоматташтырылган маалыматтык системасы жүзөгө ашырылган
    © Фото / пресс-служба ГРС при ПКР
  • Информационная статистика автоматизированной информационной системы «Гражданство 2.0»
    Бул мекендештерге 15-20 күндүн ичинде паспорт алууга шарт түзөт. Мурда бул үчүн үч айдан бир нече айга чейинки убакыт талап кылынчу
    © Фото / пресс-служба ГРС при ПКР
1 / 3
© Фото / пресс-служба ГРС при ПКР
"Жарандык" системасынын биринчи этабын даярдоо 2017-жылы башталып, 2018-жылы ноябрда МККнын бардык паспорт берүү жана калкты каттоо бөлүмдөрүндө ишке киргизилген

"Жарандык" системасынын биринчи этабын даярдоо 2017-жылы башталып, 2018-жылы ноябрда МККнын бардык паспорт берүү жана калкты каттоо бөлүмдөрүндө ишке киргизилген. Мындан тышкыры, Кыргызстандын 38 чет өлкөдөгү мекемесинде "Паспорт", "ЗАГС" жана "Жарандык" автоматташтырылган маалыматтык системасы жүзөгө ашырылган. Бул мекендештерге 15-20 күндүн ичинде паспорт алууга шарт түзөт. Мурда бул үчүн үч айдан бир нече айга чейинки убакыт талап кылынчу.

Кыргызстанда ID-картанын баасы кымбаттайт. Себеби

Ал эми "Жарандык 2.0" системасынын экинчи этабында президенттин алдындагы жарандык маселелер боюнча комиссиянын, УКМК, ТИМдин Консулдук кызмат департаментинин маалыматтары электрондук базага бириктирилет.

"Бул система Кыргызстан калкынын бирдиктүү мамлекеттик реестринин курамдык бөлүгү жана МККнын маалыматтык системасын бир жерге топтойт. Жарандыктан чыгуу жана кабыл алуу боюнча маалымат алууга кызыкдар мамлекеттик органдарга "Түндүк" системасы аркылуу жеткиликтүү болот. Ал эми жарандык алуу же андан чыгуу боюнча арызды, сүрөтүн жана кол тамгасын электрондук түрдө жөнөтө алат. Бул тейлөөнү тездетип, документтерди жеткирүүгө кеткен чыгымды азайтып, так отчет түзүлүүсүн шарттайт. Ошондой эле шайлоочулардын тизмесин иретке келтирет", — деп айтылат маалыматта.

АКШнын санкциясын эске алып. Кыргызстанда жаңы паспорт кантип жасалууда

Алдыда "Жарандык 2.0" системасы жарандык алуу жана андан чыгуу боюнча президенттин жарлыгына кол коюуну электрондук түрдө жүргүзүүнү карап жатат. Ал эми арыз бергендер үчүн жарандык макамы боюнча иштин жүрүшүнө мобилдик тиркеме аркылуу байкоо салууга мүмкүнчүлүк түзүү пландалууда.

Эгемендүүлүк жылдары 33 523 адам Кыргызстандын жарандыгынан чыгарылса, 18 607 киши алган.

123
Белгилер:
жарандык, электрондук каттоо, Мамлекеттик каттоо кызматы
Тема боюнча
Өлкө бюджети өзгөчө номерлерди сатуудан 2,4 млн сом пайда көрдү
Кыргызстанда кызмат көрсөтүү боюнча эки уникалдуу тиркеме иштелип чыкты
Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак

Мэрия: Маданият министрлигине кайра айып салынды

28
(жаңыланган 18:39 29.09.2020)
Жарандардан Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак кароосуз калып, таштанды көбөйгөнү боюнча арыздар келип түшкөн.

БИШКЕК, 29-сен. — Sputnik. Маданият, маалымат жана туризм министрлигине Эреже бузуулар жөнүндөгү кодекстин 293-беренеси ("Ыйгарым укуктуу органдын чечимдерин, аныктамаларын, тескемелерин же талаптарын аткаруу тартибин бузуу") боюнча протокол түзүлдү. Бул тууралуу Бишкек мэриясынан билдиришти.

Дайверлер Ысык-Көлдүн түбүнөн бир тоннадан ашык таштанды алып чыгышты. Сүрөт

Мусор в парке имени Кычана Джакыпова на пересечении улиц Ю. Абдрахманова и Мичурина в Бишкеке
© пресс-служба мэрии города Бишкек
Жарандардан Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак кароосуз калып, таштанды көбөйгөнү боюнча арыздар келип түшкөн.

Айып Санитардык-экологиялык инспекциясы тарабынан салынган. Маалыматка караганда, көпчүлүк жарандардан Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак кароосуз калып, таштанды көбөйгөнү боюнча арыздар келип түшкөн. 

Мусор в парке имени Кычана Джакыпова на пересечении улиц Ю. Абдрахманова и Мичурина в Бишкеке
© пресс-служба мэрии города Бишкек
Айып Санитардык-экологиялык инспекциясы тарабынан салынган.
"Санитардык инспекциянын өкүлдөрү жерине барып парктын аймагы чын эле каралбай калганына күбө болушкан. Буга байланыштуу министрликке карата эскертүү берилген. Бирок коомдук жай дагы деле иретке келтирилген жок. Ошондуктан 293-берене боюнча протокол түзүлдү", — деп айтылат маалыматта.

Мэрия элди таштанды ыргытпоого чакырып, ишканасынын, үйүнүн айланасын таза кармоону суранды.

28
Белгилер:
Маданият министрлиги, тазалык, Бишкек мэриясы
Тема боюнча
Бишкекте жаңы конуштун тургундары мектептин жанына таштанды үйүп салышкан
Суу өчүрүү убагында. Архив

Бишкектеги эки конушта 1-октябрь күнү суу болбойт

37
(жаңыланган 17:09 29.09.2020)
Калаа тургундары суу боюнча суроолор жаралса бирдиктүү 1533 номерине чала алышат. Мындан сырткары, мэриянын 1840 жана 1850 линиясы иштеп жатат.

БИШКЕК, 29-сен. – Sputnik. Кышка даярдык көрүү үчүн суу түтүктөрү оңдолуп жаткандыктан 1-октябрда Бишкектеги Ынтымак менен Арча-Бешик конуштарында суу өчүрүлөт. Бул тууралуу мэриядан билдиришти.

Маалыматка караганда, ичүүчү суу эртең мененки саат 9.00дөн кечки саат 18.00гө чейин болбойт. Белгилей кетчү жагдай, Арча-Бешик конушунун биринчи көчөсүнөн жетинчи көчөсүнө чейинки гана бөлүгүндө суу жок болуп, башка жактарында үзгүлтүккө учурабайт.

Кезекке турсаңыз болот! Бишкектин чок ортосуна жаңы бала бакча ачылды. Сүрөт

Калаа тургундары суу боюнча суроолор жаралса бирдиктүү 1533 номерине чала алышат. Мындан сырткары, мэриянын 1840 жана 1850 линиясы иштеп жатат. Көйгөйлөр боюнча сүрөт, видеолорду 0554 182-185 WhatsApp номерине жөнөтүүгө болот.

37
Белгилер:
жаңы конуштар, таза суу, Бишкек мэриясы
Тема боюнча
Мамкаттоо айдоочуларга ыңгайлуу шарт түзгөн жаңы сервис иштеп чыкты
Жол кырсыгынан жабыркаган унаа. Архив

Бишкекте төрт машина кагышты. Видео

0
(жаңыланган 19:39 29.09.2020)
Төрт машина кагышкан жол кырсыктан жабыркагандар жок. Окуя шаардын түндүк тарабында, Элебесов көчөсүндө болгон.

БИШКЕК, 29-сен. – Sputnik. Бишкекте бүгүн төрт жеңил унаа кагышканын Кайгуул милициясынан билдиришти.

Жол кырсыгынын видеосу Telegram-каналынын “Короче” тайпасына жарыяланды.

Окуя Фере жана Элебесов көчөлөрүнүн кесилишинде болгон. Күбөлөрдүн айтымында, кырсыктын айынан Баялинов көчөсүнө чейин тыгын жаралган.

Милициядан билдиришкендей, жабыркагандар жок.

0
Белгилер:
жол кырсык, Бишкек
Тема боюнча
Анжиянда кыргызстандык айдоочу эки кызды коюп, өзү кошо көз жумду