Кыргызстандын Эгемендүүлүк күнү. Архив

Окуучулар үчүн "Менин сүйүктүү Кыргызстаным" аттуу онлайн-акция өтөт. Шарты

287
(жаңыланган 08:48 28.08.2020)
Акция 27-августтан 1-сентябрга чейин өлкөдөгү мектептердин жана мектептен тышкары кошумча билим берүү уюмдарында окуган окуучулардын арасында өткөрүлөт.

БИШКЕК, 28-авг. — Sputnik. Эгемендүүлүк майрамына карата окуучулар арасында "Менин сүйүктүү Кыргызстаным" аттуу республикалык онлайн-акция өтөт. Бул тууралуу Билим берүү жана илим министрлигинин маалымат кызматы кабарлады.

Билдирмеге ылайык, иш-чаранын максаты — балдарды мекенин сүйүүгө жана аны менен сыймыктанууга үйрөтүү. Аларды патриоттуулукка тарбиялап, Кыргызстандын тарыхы, илим, маданият, салт-санаасы боюнча билимин тереңдетүү болуп саналат.

"Акция 27-августтан 1-сентябрга чейин өлкөдөгү мектептердин жана мектептен тышкары кошумча билим берүү уюмдарындагы окуучулардын арасында өткөрүлөт", — деп айтылат маалыматта.

Токтомаметов: мектептин баарын онлайнга өткөрбөй эркиндик бериш керек эле

Акциянын алкагында уюштурула турчу сынактар:

  • "Жүрөгүмдө Кыргызстан" республикалык интеллектуалдык сынак-викторинасы;
  • "Эмне? Кайда? Качан?" оюну. Бул оюн аралыктан уюштурулат;
  • Компьютердик плакаттардын "Менин сүйүктүү Кыргызстаным" республикалык сынагы;
  • Видеороликтердин "Менин сүйүктүү Кыргызстаным" республикалык онлайн-сынагы;
  • "Кыргызстандын келечеги балдарда!" бий марафону.

Аталган сынактардын баарынын жобосу министрликтин сайтында жайгаштырылган. Акциянын жыйынтыгы 1-2-сентябрда чыгарыла турганы кошумчаланды.

Маалымат үчүн байланыш телефондору: (312) 38 32 60, (312) 3I-58-47, 3I-58-74.

287
Белгилер:
акция, онлайн, сынак, окуучу, билим берүү
Тема боюнча
Мугалимдерге онлайн окутуу боюнча вебинарлар өткөрүлөт. Убактысы жана дареги
Бишкектеги жаштар аллеясы. Архив

Дүйшөмбүгө карата аба ырайы

49
(жаңыланган 21:23 27.09.2020)
28-сентябрда түнкүсүн Чүй облусунун кээ бир райондорунда жамгыр, тоолуу аймактарында кар жаайт, калган өрөөндөрдө жаан-чачын күтүлбөйт.

БИШКЕК, 27-сен. — Sputnik. Дүйшөмбү күнү, 28-сентябрда күндүз республиканын тоо этектеринде жамгыр, тоолуу райондорунда жаан, кар, бийик тоолуу жерлеринде кар жаайт. Ал эми өрөөндөрдө жана Талас облусунда күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден Ысык-Көл, Нарын облустарынын кээ бир райондорунда 15-20 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жергесинде +14...+19, Ош, Жалал-Абад облустарында +20...+25, Баткенде +19...+24, Ысык-Көл аймагында +13...+18 градус болот.

Күндүн табы борбор калаа Бишкекте +17...+19, Ош калаасында +23...+25 градуска жетет.

49
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов

Романов: сибирь жарасынын инкубациялык мөөнөтү 3-4 күн

31
(жаңыланган 21:11 27.09.2020)
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов ооруган малдын этин пайдаланганга болбой турганы байма-бай айтылганына карабай адамдар аны союп, этин таратып салган учурлар болуп жатканын айтты.
Романов: сибирь жарасынын инкубациялык мөөнөтү 3-4 күн

Ооруган малдын этин бышырып, көпкө кайнатып, кууруса деле сибирь жарасы сырткы чөйрөгө туруктуу болгондуктан илдет жуктуруп алуу коркунучу жогору. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ат-Башы: сибирь жарасы менен ооруган уйдун эти элге тарап, эки киши жабыркады

Анын айтымында, Кыргызстанда жылына сибирь жарасына кабылган 2-3 учур аныкталат.

"Микроб териге кирген жерде алгач кызыл так пайда болот, андан кийин томпоюп шишимик тартат. Кийинчерээк ал ыйлакчага айланып, сууга, бир аздан кийин ириңге толуп, бат эле жарага айланат. Ал эми өпкөдөн же ичеги-карындан кармаган күйдүргү өмүргө коркунучтуу. Бактыга жараша, бизде мындай формада кармаган учур каттала элек. Оору сасык тумоого кабылгандай эле башталып, бактерия тез көбөйүп, канга өтүп кетет. Сибирь жарасынын инкубациялык мөөнөтү 3-4 күн. Диагнозду өз убагында коюп, дарылабаса оорулуу 2-3 күндүн ичинде эле өлүмгө учурашы мүмкүн. Клиникалык белгилери температура көтөрүлүп, ичи өтүп, жөтөлгөндө кан аралаш какырык чыгат, тамак шишип кетет", – деди Романов.

Адис быйыл сибирь жарасы малдан жана топурактан эки, ал эми адамдардан үч учур катталганын кошумчалады.

31
Белгилер:
дарылоо, сибирь жарасы
Тема боюнча
Дене ууланат. Малдан адамга жуккан күйдүргүдөн кантип сактануу керек
Беларусь президенти Александр Лукашенко. Архив

Лукашенко президенттиктен кетүүнү сунуштаган Макронго жооп кайтарды

0
(жаңыланган 23:58 27.09.2020)
Лукашенко Париждин көчөлөрүнө чыккан “Сары кемселчендерди” Макрондун эсине салып, аны жетиле элек саясатчы катары сыпаттады.

БИШКЕК, 27-сен. – Sputnik. Беларусь президенти Александр Лукашенко француз кесиптеши Эммануэль Макронду жетиле элек саясатчы деп атады. Бул тууралуу РИА Новости жазды.

Белгилей кетсек, бүгүн эртең менен Макрон Лукашенкого президенттик постунан кетүүнү сунуштаган. Буга Беларусь башчысы жооп кайтарды.

“Эгер Макрондун логикасына таяна турган болсок, анда ал өзү дагы эки жыл мурун эле, “Сары кемселчендер” Париждин көчөлөрүнө чыкканда кызматынан кетиши керек болчу”, – деген Лукашенко.

Ал ошондой эле Black Lives Matter кыймылынын жана Марсель менен Лиондогу мусулмандардын каршылык акцияларын эске салып, Минск ошол кыймылдын мүчөлөрү менен Макрондун сүйлөшүүлөрүнө аянтча болуп берүүгө даяр экенин белгиледи.

Лукашенко анын француз кесиптеши Беларустагы шайлоого өтө эле көп көңүл буруп жатканын кошумчалаган.

Евробиримдик жана АКШ: Беларусь менен көйгөйлөрүн Польша өзү чечип алсын

Эске салсак, 9-августта Беларуста президенттик шайлоо өткөн. БШКнын эсеби боюнча, өлкөнүн учурдагы башчысы Александр Лукашенко добуштардын 80,1 пайызына ээ болсо, экинчи орунду 10,12 пайыз менен Светлана Тихановская ээлеген. Ал эми оппозиция шайлоонун жыйынтыгын тааныбай, Тихановская Литвага чыгып кеткен.

0
Белгилер:
Эммануэль Макрон, Александр Лукашенко, Беларусь
Тема:
Беларустагы нааразылык акциялары
Тема боюнча
Лукашенко расмий түрдө президенттик кызматына киришти