Sputnik Кыргызстан маалымат агенттиги жана радиосунун жетекчиси Елена Череменина. Архив

Sputnik Кыргызстандын жетекчиси "Россиянын медиа-менеджери" сыйлыгына татыды

95
(жаңыланган 15:11 28.08.2020)
"Россиянын медиа-менеджери" XX юбилейлик сыйлыгын тапшыруу аземи бейшемби күнү Москва шаарында болуп өттү.

БИШКЕК, 28-авг. — Sputnik. Sputnik Кыргызстан маалымат агенттиги жана радиосунун жетекчиси Елена Череменина "Россия аймагынан тышкары орус тилдүү ЖМКны өнүктүрүүгө кошкон салымы" номинациясында "Россиянын медиа-менеджери" сыйлыгына ээ болду.

© Sputnik / Кирилл Каллиников
Жеңүүчүлөрдү аныктоодо калыстар тобу элдин добуш берүүсүн жана адистердин пикирин эске алган.

Череменинадан тышкары бул сыйлыкка "Россия сегодня" эл аралык маалымат агенттигинин башкы редакторунун орун басары Дмитрий Горностаев, "ТОК" ("Россия сегодня") интернет басылмасынын башкы редактору Ольга Анисимова ээ болду.

Кызматкерлерге кыйкыруу — эскинин иши. Sputnik Кыргызстандын жетекчиси менен маек

Жеңүүчүлөрдү аныктоодо калыстар тобу элдин добуш берүүсүн жана адистердин пикирин эске алган.

© Sputnik / Кирилл Каллиников
Сыйлык жыл сайын ар кайсы номинацияда өз тармагында мыкты экенин далилдей алган жетекчилер менен уюштуруучуларга ыйгарылат.

Улуттук "Россиянын медиа-менеджери" сыйлыгы медиабизнес, жарнама жана коммуникация тармагындагы жетишкендиктерди даңазалап туруу максатында негизделген.

Ал жыл сайын ар кайсы номинацияда өз тармагында мыкты экенин далилдей алган жетекчилер менен уюштуруучуларга ыйгарылат. Негиздөөчүлөрү — "МедиаБизнес" басма үйү жана "Новости СМИ" журналы.

Sputnik – ондогон өлкөдө жайгашкан мультимедиалык маалымат хабдары бар маалымат агенттиги жана радиосу. Sputnik өзүнө 33 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт. Sputnik агенттигинин жаңылык түрмөгү күнү-түнү араб, англис, испан жана кытай тилдеринде жарык көрөт. Бишкектен Кишиневго чейин, Пекинден Монтевидеого чейин 24 редакциялык борбордо ондогон улуттагы миңден ашуун адам эмгектенет.

95
Белгилер:
жетекчи, сыйлык, Елена Череменина, Россия, Кыргызстан
Тема боюнча
Спорт агенттиги журналисттерге төш белги жана Ардак грамота ыйгарды. Сүрөт
Бишкектин камера коюлган көчөдө бараткан унаа. Архивдик сүрөт

Жол эрежесин бузуп камерага түшүп, айып төлөбөй жүргөндөргө көрүлчү чаралар

203
(жаңыланган 21:11 23.09.2020)
Жол эрежесин бузуп "Коопсуз шаардын" камерасына түшүп калган айдоочулардын арасында айып пулун көптөн бери төлөбөй жүргөндөр болсо керек.

Sputnik Кыргызстан агенттиги "Жол эрежеси" рубрикасынын алкагында мындай учурда айдоочуга кандай чаралар көрүлүп, кантип жазалана турганын билип көрдү. Аларды ЖКККББнын маалымат кызматынын жетекчиси Тилек Исаев айтып берди.

Айып пулду канча убакытка чейин төлөш керек?

Жол эрежесин бузгандыгы тууралуу айып пулдун кагазы келген күндөн тарта автоунаа ээси (автокөлүк кимге катталган болсо, айып кагаз ошол адамга жиберилет) аны жарым айдын ичинде төлөшү керек. Башкача айтканда, 15 календарлык күндүн ичинде төлөгөн учурда айып пулдардын көлөмдөрү 50 пайызга азайтылат. Эгер ал убакыттан ашып кетсе, анда айыпты толук төлөөгө туура келет. Айтор, мыйзам боюнча айдоочу бул милдеттен бир айдын ичинде кутулушу керек.

Жол кырсыгы болгон жерге эмнеге инспектор чакыруудан качышат? Эреже, кеңештер

Белгилей кетсек, жол эрежесин одоно, адам өмүрүнө коркунуч жаратып бузгандар, мисалы, жол кырсыгына себепкер болгондор, машинаны мас абалында башкаргандар, автокөлүктүн айнегин караңгылатып айдагандар, жолдун каршы тилкесине чыккандарга 50 пайыздык арзандатуу берилбейт. Алар айып пулду 15 күндүн ичинде болсо дагы толук көлөмдө төлөөгө туура келет. 

Цифровизированный командный центр, который ведет онлайн-видеонаблюдение за столицей
© Sputnik / Табылды Кадырбеков
Санариптештирилген командалык борбор

Бир айдан ашып кетсе, кандай чаралар көрүлөт?

Айып пул бир айдын ичинде төлөнбөсө, ага бир күндө бир пайыздык туум чыга баштайт. Мисалы, бир күнгө 10 сом. Эгер айып пулдун көлөмү 1000 сом болсо, үч айдын ичинде ага 1000 сом кошулуп, 2000ге жетет. Же болбосо айып пулдун өлчөмү 5500 сом болсо, ага үч айда ушундай эле сумма кошулуп 11 000 сомго көтөрүлүп кетет. Башкача айтканда, туум үч айдын ичинде айып пулдун өзүнүн көлөмүнө жетет.

Туумдун көлөмү айып пулдун өзүнүн көлөмүнө жеткен күндө, башкача айтканда, үч айдан кийин ЖКККББ тиешелүү кагаздарды чогултуп ишти сотко өткөрөт. Бул учурда соттун дагы өз укуктары бар. Алар айдоочуга ар кандай чектөөлөрдү коюшу мүмкүн. Мисалы, мамлекеттик органдардан паспорт же маалымат кат алууда чектөө коет. Иш сотко өткөндө автоунааны сатуу да кыйын болуп калат. Башкача айтканда, айып пулду төлөмөйүн айдоочу темир тулпарын сата  да албай, башкага каттай да албай алат. Мындан сырткары, эгер айып пул төлөбөгөн айдоочу мамлекеттик кызматтарда эмгектенсе, иштеген мекемесине эскертүү кагаздарын жибериши мүмкүн. Мындай айдоочулар айып пулдан кутулмайын чет өлкөгө да чыга албай калышы толук ыктымал. 

Сотрудники патрульной милиции на оцепленном квадрате между улицами Жукеева-Пудовкина, Ахунбаева, Медерова и набережной в Бишкеке
© Sputnik / Табылды Кадырбеков
ЖКККББнын Кайгуул кызматынын өкүлү айдоочуну токтотууда

Айып пул төлөбөгөнүн кайгуул кызматы кантип биле алат?

ЖКККББнын Кайгуул кызматынын өкүлдөрү айып пул төлөбөгөн айдоочуну тез эле аныктап кое алышат. Азыр алар "Коопсуз шаар" долбоору туташтырылган электрондук планшеттер менен иштейт. Рейд учурунда, мындай күндөрү деле автоунаанын артынан кетип бара жатып анын номерин терип айып пулунун мөөнөтү өткөн-өтпөгөнүн планшеттин жардамы менен текшерип коюшат.

Айдоочуларга айып пул төлөтүүдө кандай тоскоолдуктар бар экени айтылды

Эгер автоунаага жазылган айып пулдун тууму бар болсо, инспекторлор айдоочусун жолдун чекесине токтотуп, Эреже бузуулар кодексинин 31-беренесине таянып машинаны айып короого киргизип коюуга толук укугу бар. Айдоочу жол эрежесин бузгандыгы үчүн айыпты төлөмөйүн анын автокөлүгү чыгарылбайт.

203
Белгилер:
автоунаа, айдоочу, айып пул, Коопсуз шаар
Тема боюнча
Баланын жолдогу коопсуздугу. Ата-энелерге жол эрежеси боюнча 9 кеңеш
Ылдамдыкты азайтып, фара күйгүзүүнү унутпаңыз! Көлгө бара жаткандагы жол эрежелери
Айдоочу ГБРдин автоунаасына жол бошотуп берүүгө милдеттүүбү? Эрежелер
Балыкчы шаарындагы үйлөр. Архивдик сүрөт

Бейшембиге карата аба ырайы

28
(жаңыланган 21:02 23.09.2020)
24-сентябрда түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 23-сен. — Sputnik. Бейшемби күнү, 24-сентябрда, күндүз республика боюнча күн ачык болот. Бул тууралуу Кыргызгидромет маалымдады.

Табият албууттанганда. Кыргызстандагы жүрөк үшүн алган жаратылыш кырсыктары

Абанын температурасы Чүйдө +19...+24, Талас, Ысык-Көл жана Нарын аймактарында +18...+23, Ош, Жалал-Абад, Баткен облустарында +23...+28 градус болору айтылды.

Термометрдин көрсөткүчү борбор калаа Бишкекте +21...+23, Ош калаасында +26...+28 градуска көтөрүлөт.

28
Тема боюнча
Кыштын илеби жакындап... Октябрь айына карата аба ырайы
Бир рубль монетасы жана долларлык монета жана купюрасы. Архив

Россияда доллардын баасы кескин кымбаттап кетти

0
(жаңыланган 00:14 24.09.2020)
Доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

БИШКЕК, 23-сен. — Sputnik. Россияда апрель айынан бери биринчи жолу доллар 77 рублге чыгып, кескин кымбаттады. Бул тууралуу РИА Новости жазды.

Москва биржасынын маалыматына караганда, бир доллар Бишкек убактысы боюнча саат 20:24тө 77,07 рублди түздү (96 тыйынга кымбаттады). Ал эми евро 80 тыйынга кымбаттап, 89,93 рубль болду.

Белгилей кетсек, доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

0
Белгилер:
баа, доллар, Россия
Тема боюнча
Россияда евронун баасы рекорддук көрсөткүчкө жетти. Кыргызстанда абал кандай?