Бишкек ЖЭБине барган премьер-министр Кубатбек Боронов

Боронов Бишкек ЖЭБдин иши менен таанышып, көмүр келе электигин сындады

126
(жаңыланган 11:25 28.08.2020)
Алдыдагы сезонго өтүү үчүн борбор калаанын ЖЭБине 1 миллион 110 миң тонна көмүр керек. Анын көбү жергиликтүү өндүрүштөн, калганы сырттан алынып келинет.

БИШКЕК, 28-авг. — Sputnik. Бишкек ЖЭБине барган премьер-министр Кубатбек Боронов көмүрдү сырттан ташып келүүгө катышкан мамлекеттик органдарды сынга алды. Бул тууралуу өкмөттүн маалымат кызматы кабарлады.

Өкмөт башчы Бишкек жылуулук электр борборунун күз-кыш мезгилине даярдыгы менен таанышкан. Ал калкты, анын ичинде социалдык жана башка объектилерди үзгүлтүксүз электр энергиясы жана жылуулук менен камсыз кылуу — өкмөттүн артыкчылыктуу багыты экендигин белгилеген.

"Улуттук энергохолдинг" компаниясынын маалыматы боюнча, алдыдагы сезонго өтүү үчүн борбор калаанын ЖЭБине 1 миллион 110 миң тонна көмүр керек. Анын 760 миң тоннасы жергиликтүү өндүрүштөн, 350 миңи сырттан ташып келиниши керек. Кара-Кече көмүрүн жеткирүү иштери план боюнча аткарылып жатса, импорт отуну боюнча тендер жүрүп жатат.

Боронов импорттолуучу көмүрдү  ташып келүү боюнча тармактык мамлекеттик органдардын ишин сынга алган.

  • Премьер-министр Кыргызской Республики Кубатбек Боронов во время ознакомления с подготовкой к отопительному-зимнему периоду ТЭЦ в Бишкеке
    Бишкек ЖЭБине барган премьер-министр Кубатбек Боронов көмүрдү сырттан ташып келүүгө катышкан мамлекеттик органдарды сынга алды.
    © Фото / пресс-служба правительства / Алишер Алиев
  • Премьер-министр Кыргызской Республики Кубатбек Боронов во время ознакомления с подготовкой к отопительному-зимнему периоду ТЭЦ в Бишкеке
    Өкмөт башчы Бишкек жылуулук электр борборунун күз-кыш мезгилине даярдыгы менен таанышкан.
    © Фото / пресс-служба правительства / Алишер Алиев
1 / 2
© Фото / пресс-служба правительства / Алишер Алиев
Бишкек ЖЭБине барган премьер-министр Кубатбек Боронов көмүрдү сырттан ташып келүүгө катышкан мамлекеттик органдарды сынга алды.

"Импорт боюнча март-апрель айларында эле тендерлерди өткөрүп, келишимдерди түзүү иштери башталыш керек эле. Биз ар кандай күтүлбөгөн кырдаалдарга даяр туруп, аларды ыкчам чечүүбүз зарыл. Бишкек шаарынын тургундарын күз-кыш мезгилинде жылуулук менен камсыз кылууга энергетикалык объектилердин жетекчилери жооптуу", — деп Боронов тийиштүү жетекчилерге катуу эскертүү берген.

Премьер-министр Бишкек ЖЭБинин көмүр кампасы, диспетчердик пункту жана жүргүзүлүп жаткан пландуу оңдоо иштеринин жүрүшүн көргөн.

Баатырбеков: күз-кышта ооруканалардын жылуу болушуна өзгөчө көңүл бурулууда

Белгилүү болгондой, от казандарды жана турбогенераторлорду оңдоо белгиленген мөөнөтүндө аткарылып жатат.

"Оңдоо жумуштарынын мөөнөттөрүнө эле эмес, иштин сапатын да өзгөчө көңүл буруу керек. Кыш мезгилинде энергетикалык тутумга көп күч келерин эске алып, андан туруктуу өтүүнү камсыздоо үчүн белгиленген иштер дыкат жүзөгө ашырылууга тийиш", — деген өкмөт башчы.

Премьер-министр алдыдагы жылуулук сезонуна өтүүдө бир катар конкреттүү тапшырмаларды берген.

126
Белгилер:
даярдык, жылуулук, өкмөт башчы, Кубатбек Боронов, ЖЭБ
Тема боюнча
Газдаштырууну тездетели. Өкмөт Бишкектин абасын тазартуу жолдорун талкуулады
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

20
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

20
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны
Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды

Москвада көпүрө кырсыгында жабыркаган кыргызстандыктардын абалы айтылды. Сүрөт

42
(жаңыланган 22:47 01.10.2020)
Кыргызстандын Россиядагы элчиси көпүрө кырсыгында жабыркаган кыргызстандыктардын абалынан кабар алды.

БИШКЕК, 1-окт. — Sputnik. Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды. Бул тууралуу дипломатиялык өкүлчүлүктүн маалымат кызматы билдирди.

  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Эске салсак, 27-сентябрь күнү Россиянын Москва облусундагы "FM LOGISTIC" (кампа комплекси) логистикалык ишканасында жөө адамдар өтүүчү көпүрө урап, андан 51 кыргыз жараны жабыркаган
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Анын 22си медициналык кароодон кийин үйүнө жиберилген
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Каза болгондор катталган эмес
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    29 адам ооруканага жактырылган, бирөөнүн абалы өтө оор, дагы эки мекендештин абалы оор деп айтылган.
    © Фото / пресс-служба посольства Кыргызстана в России
1 / 5
© Фото / пресс-служба посольства Кыргызстана в России
Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды

Эске салсак, 27-сентябрь күнү Россиянын Москва облусундагы "FM LOGISTIC" (кампа комплекси) логистикалык ишканасында жөө адамдар өтүүчү көпүрө урап, андан 51 кыргыз жараны жабыркаган. Анын 22си медициналык кароодон кийин үйүнө жиберилген. Каза болгондор катталган эмес. 29 адам ооруканага жаткырылган, бирөөнүн абалы өтө оор, дагы эки мекендештин абалы оор деп айтылган. Үч адамга операция жасалган. Ооруканага жаткырылгандардын арасында 16 жаштагы кыргызстандык бар.

“Домодедово ооруканасынын башкы дарыгери мээсине кан кетип, катуу жабыркаган 24 жаштагы Ч.К. аттуу жаранды дарылоого өзгөчө көңүл буруларына ишендирди. Анын абалы туруктуу оор. Жандандыруу бөлүмүнөн өзгөчө ыңгайлуу палатага которулган. Элчилик учурда анын апасын жана карындашын Россияга алып келүү боюнча иштеп жатат. Алардын жолго кеткен чыгымы жумуш берген компаниянын эсебинен болот”, — деп айтылат элчиликтин билдирүүсүндө.

Россияда көпүрө кырсыгынан жабыркаган кыргызстандыктардын саны 51ге жетти

Балдар хирургиясынын бөлүм башчысы 16 жаштагы М.А. аттуу жаранды дарылоо үчүн зарыл болгон бардык аракеттер көрүлгөнүн, учурда ал өзүн жакшы сезип калганын билдирген. Анын билеги жана жамбаш сөөгү сынып ооруканага түшкөн. Операция ийгиликтүү жасалып, өспүрүмдүн абалы канааттандырарлык экени айтылды. Кеткен медициналык чыгымдарды жумуш берген компания төлөгөн.

Элчи жабыркагандардын баарына кенемте төлөтүү боюнча жүргүзүлгөн сүйлөшүүлөрдүн жыйынтыгын айткан. Анын билдиришинче, россиялык компания жабыркагандарды дарылоого кеткен чыгымды төлөөгө кепилдик кат жазып берген. Мындан сырткары, элчилик менен жабыркаган мигранттар үзгүлтүксүз байланышта болуусу үчүн соцтармакта жалпы топ түзүлгөн.

42
Белгилер:
Кыргызстан, мигранттар, Подмосковье, Россия, кырсык, көпүрө
Тема боюнча
Элчилик: компания көпүрө урап жабыркаган КР жарандарынын бүт чыгымын төлөйт