Премьер-министр Кубатбек Боронов

Өкмөт башчы Кара-Кече кенине барчу жолду тез арада ачууну тапшырды

85
(жаңыланган 15:27 28.08.2020)
Буга чейин катуу жааган жаан-чачындан улам Дыйкан — Кара-Кече унаа жолунун тилкесине таш кулап, кен казуучу жайга бара турчу жер жабылган.

БИШКЕК, 28-авг. — Sputnik. Премьер-министр Кубатбек Боронов Дыйкан айылы менен Кара-Кече кенинин ортосундагы убактылуу жолду ачууну кыска мөөнөттө чечүүнү тапшырды. Бул тууралуу өкмөттүн маалымат кызматы кабарлады.

Премьер аталган маселе боюнча кеңешме өткөргөн. Анда Транспорт жана жолдор министрлигине Кара-Кече көмүр кенинен көмүр ташууну өз учурунда камсыздоо үчүн унаа каттамын тезирээк калыбына келтирүү тапшырылган.

Боронов "Ак-Жол" чек ара пункту кандай оңдолуп жатканын көрүп келди. Сүрөт

Мындан тышкары, "Улуттук энергетикалык холдинг" компаниясына аз убакытта көмүр кенине электр энергиясын берүүчү түркүктөрдү калыбына келтирүү тапшырмасы коюлганы айтылды.

Эске сала кетсек, жакын арада эле жааган жаан-чачындан улам Дыйкан — Кара-Кече унаа жолунун тилкесине таш кулап, 300 миң метр куб көлөмүндөгү шиленди пайда болгон. Анын кесепетинен электр түркүктөрү жабыркап, Кара-Кече көмүр кенинин борбордук кен казуучу жериндеги жол жабылган.

85
Белгилер:
тапшырма, жол, кен, Кара-Кече, Кубатбек Боронов
Тема боюнча
Боронов Бишкек ЖЭБдин иши менен таанышып, көмүр келе электигин сындады
Укол даярдап жаткан дарыгер. Архив

Кыргызстанда 100 миңден ашуун киши сасык тумоого каршы вакцина алды

2
(жаңыланган 09:37 30.09.2020)
Өлкөнүн бардык аймактарындагы ооруканаларда тобокел тобуна киргендерге жана социалдык аялуу катмардагы адамдарга сасык тумоого каршы акысыз вакцинация жасалууда.

БИШКЕК, 30-cен. — Sputnik. Кыргызстанда сасык тумоого каршы сатып алынган вакцина толук колдонулганын Республикалык штаб кабарлады.

Ага ылайык, биринчи этап менен препараттын 119 643 миң дозасы сатып алынып, аймактарга бөлүштүрүлгөн:

  • Бишкек шаары — 27 000 доза;
  • Чүй облусу — 24 000;
  • Ош шаары — 5 000;
  • Ош облусу — 18 000;
  • Жалал-Абад облусу — 17 643;
  • Баткен облусу — 9000;
  • Ысык-Көл облусу — 9000;
  • Нарын облусу — 5000;
  • Талас облусу — 5 000.

Учурда вакцинанын 118 682 дозасы же 99,2 пайызы колдонулду. Октябрь айында сасык тумоого каршы вакцинанын дагы 770 миң дозасы келери күтүлүп жатат.

COVID жайылып баратат, бет кап тагынгыла! Штаб сактануу чараларын күчөттү

Эскерте кетсек, республиканын бардык Үй-бүлөлүк медицина борборлорунда жана фельдшердик-акушердик пункттарында тобокел тобуна киргендерге, ошондой эле социалдык аялуу катмардагы адамдарга сасык тумоого каршы акысыз вакцинация жасалууда.

2
Белгилер:
вакцина, эмдөө, сасык тумоо
Тема боюнча
Министрлик базарды хлордогондон кийин вирус күчөөдө дегендерге жооп кайтарды
Модель көргөзмө учурунда. Архив

60 жаштагы модель жаштык сырлары менен бөлүштү

41
(жаңыланган 09:03 30.09.2020)
Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн билдирген. Ошондон бери ал өзүн модель катары көрсөтүп келет.

БИШКЕК, 30-сен. — Sputnik. 60 жаштагы англиялык ишкер аял, интерьер дизайнери жана модель Шери Дэвенпорт Daily Mail агенттигине жаштык сырлары менен бөлүшкөн. Бул тууралуу РИА Новости кабарлады.

Маалым болгондой, Шери этек кири биротоло токтогондон кийин тамактануу рационун өзгөртүп, тамак-аш кошулмаларын колдоно баштаган. Ошондой эле дене тарбия көнүгүүлөрүн жасоону таштаган эмес.

"Азыр өзүмдү 50 жаштагыдан да жакшы сезем. Мен гормон алмаштыруу терапиясынан баш тартып, анын жөнөкөй жолун таптым. Тагыраагы, өсүмдүк экстрактынан жасалган дарыларды колдоно баштадым. Мындан сырткары, кофеин, ичимдик, кумшекерди рациондон чийип салгам. Кызыл эт, тоок этин да жебейм, балыкты гана пайдаланам. Косметологго барып, сапаттуу гана косметикаларды колдоном. Сөөк, муундар бекемдесин деп тамак-аш кошулмаларын алам. Ар таңда медитация жасап, андан кийин спорт менен машыгам. Сальса дагы бийлейм", — деген ал.

Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн кошумчалаган. Ошондон бери ал өзүн модель катары көрсөтүп келет.

Ишкер аялдын учурда башы бош. Ал бир баланын апасы, эки неберенин чоң энеси. Уулу 39 жашта.

41
Белгилер:
дизайнер, сыр, сулуулук, жаштык, модель, Англия
Тема боюнча
Жаштык жана сулуулукту көпкө сактоочу азык айтылды