Дарыканалардын биринде дары-дармектер. Архив

Рак менен ооругандарга дары сатып алуу боюнча кезектеги тендер өттү

37
(жаңыланган 16:51 28.08.2020)
Апрель айында мамлекет онкологиялык оорулуулар үчүн 160 миллион сом бөлгөн. Министрлик андан бери бир нече тендер өткөрүлгөнүн айтат.

БИШКЕК, 28-авг. — Sputnik. Саламаттык сактоо министрлиги онкологиялык илдети барларды дарылоо үчүн дары-дармек сатып алуу боюнча тендер өткөрдү. Бул тууралуу ведомствонун маалымат кызматынан билдиришти.

Препараттар Улуттук онкология жана гематология борборуна, Ош облустар аралык наркология борборуна жана Ош облустар аралык бириккен клиникалык ооруканасына берилмекчи.

Чоңдор үчүн дары-дармектердин тизмесине 46 түрдөгү каражат кошулуп, ага 100 миллион сом жумшоо пландалган. Тендердин жыйынтыгында дарынын 36 түрү 52,4 миллион сомго алынды. Алар жакында Кыргызстанга алып келинет. Эми калган 47,6 миллионго дагы 44 түрдөгү дары сатып алуу боюнча кайрадан тендер жарыяланат", — деп айтылат билдирүүдө.

Исмаилова: эмдиги жумада балдар онкологиясына зарыл болгон дарылар келет

Буга чейин өкмөт тарабынан балдар онкологиясын дарылоо үчүн 60 миллион сом бөлүнгөн. Анын 35 миллион сомуна 37 түрдөгү дары сатып алуу үчүн тендер жарыяланып, 15 миллионуна келишим түзүлгөн. Учурда товарлар өлкө аймагына жеткирилип жатат. Калган кажаратка дагы 57 түрдөгү дары-дармек сатып алуу үчүн кайталап сынак уюштурулганы турат.

Ошондой эле министрликтин Байкоочу кеңешинин чечими менен Улуттук онкология жана гематология борбору (42 миллион сомго) менен Ош облустар аралык бириккен клиникалык ооруканасында  дарыланчу балдарга кан компоненттери (500 миң сомго) сатып алынмак болду. Ал Республикалык кан борборунан алынып, акчасы ошол учурларда төлөнөт.

Онколог суунун ичеги-карынга тийгизген пайдасын айтты

Мындан тышкары, министрлик Улуттук онкология жана гематология борборунун директору Эрнис Тилековдун сөзүнө таянып, химиотерапия бөлүмүндө дарылануу акысыз экенин эске салды.

"Өкмөт тарабынан 160 миллион сом бөлүнгөн. Тендерлер өткөрүлүп, дары-дармек келе баштады. Андыктан бул бөлүмдө дарылынуу акысыз", — деген Тилеков.

Эске салсак, апрель айында эле мамлекет онкологиялык оорулуулар үчүн 160 миллион сом бөлгөн. Ал эми июлда ошол учурудагы вице-премьер Аида Исмаилова онкологиялык оорусу бар балдар үчүн зарыл дары-дармектер, анын ичинде учурда өлкөнүн дарыканаларында жок препараттар бир аптанын ичинде келерин айткан эле.

37
Белгилер:
тендер, дары-дармек, бейтап, онкология, Кыргызстан
Тема боюнча
"Манас" аэропорту ири суммадагы тендер жарыялады. Эмне сатып алат
Талаада жайылган койлор. Архив

Жумага карата аба ырайы

6
(жаңыланган 21:03 24.09.2020)
Жумага караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-сен. — Sputnik. Жума күнү, 25-сентябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Ысык-Көл жана Нарын жергесинде +18...+23, Таласта +17...+22, Ош, Жалал-Абад, Баткен облустарында +22...+27 градуска жылыйт.

Күндүн табы борбор калаа Бишкекте +20...+22, Ош шаарында +22...+24 градусту көрсөтөт.

6
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Табият албууттанганда. Кыргызстандагы жүрөк үшүн алган жаратылыш кырсыктары
Ооруканадагы дарыгер. Архив

Быйыл кыргызстандыктар Түркиядан бекер дарылана алабы? Министрликтин жообу

22
(жаңыланган 20:48 24.09.2020)
Жыл сайын бөлүнгөн квота аркылуу кыргызстандыктар Түркиядан жогорку технологиялык жабдыктар колдонулган операцияларды жасатчу.

БИШКЕК, 24-сен. — Sputnik. Түркия кыргызстандыктардын бекер дарылануусу үчүн квота берүүнү белгисиз мөөнөткө жылдырды, ошондой эле быйыл жарандар мындай мүмкүнчүлүккө ээ болбой турганы так белгилүү болду. Бул тууралуу Sputnik Кыргызстан маалымат агенттигине Саламаттык сактоо министрлигинин алдындагы Эл аралык кызматташуу бөлүмүнүн жетекчиси Осмон Масалиев билдирди.

Белгилей кетсек, Түркия өкмөтү жыл сайын кыргызстандык бейтаптарга оор операцияларды жасатуу үчүн 150 квота бөлүп берет. Жазында коронавируска байланыштуу мамлекеттер авиакаттамдарын токтоткон болчу. Эпидемиологиялык абал турукташып келе жатканына байланыштуу Кыргызстан менен Түркия августтун орто ченинде кайрадан аба байланыштарын жандантты.

Түркия берген квотага кезек күткөндөрдүн саны көп экендиги белгилүү. Буга байланыштуу Sputnik агенттиги быйыл кыргызстандыктар ал жактан дарылана алар-албастыгын сурады.

Түркия Кыргызстандагы парламенттик шайлоого 100 миң доллар бермей болду

Министрликтин Эл аралык кызматташуу бөлүмүнүн жетекчиси Осмон Масалиевдин айтымында, Түркия бул маселе боюнча эки ирет жооп кайтарган. Биринчисинде 19-мартта аталган өлкө Бишкектеги элчилиги аркылуу КР ТИМине нота жиберип, коронавируска байланыштуу квота берүү макулдашуусу белгисиз убакытка токтотулганын билдирген. Ошондой эле 24-августта түрк тилдүү мамлекеттердин кеңешинин онлайн жолугушуусунда бул боюнча кеп козголгон.

"Ал жыйында оорулуулар квотаны күтүп жатат, жандантсаңар жакшы болот эле, биз үчүн бул маанилүү деп айттык. Бирок Түркия коронавирустун болжолдуу экинчи толкунуна байланыштуу ушул жылы Кыргызстанга гана эмес, башка мамлекеттерге дагы бекер дарыланууга шарт түзүп бере албай турганын билдирди", — деди Масалиев.

Ошондой эле министрликтин өкүлү азырынча кийинки жылы макулдашуу жанданары белгисиз экендигин кошумчалады.

КРге квота бөлүп берген жалгыз өлкө — Түркия

Саламаттык сактоо министрлигинин билдиришинче, Кыргызстан татаал операцияга муктаж жарандарды чет мамлекетте акысыз дарылатуу максатында бир нече өлкө менен жолугушуу уюштуруп, бирок майнап чыккан эмес. Себеби мамлекеттер көп чыгымга учурай турганын билдиришкен.

2014-жылы Түркия кыргызстандыктарды бекер дарылоого кол сунган. Башында жыл сайын 100 квота, ал эми былтыртан баштап 150гө чейин көбөйткөн. Өкмөттүн токтому боюнча, 50 бейтап Саламаттык сактоо министрлиги тарабынан, ал эми дагы 100 бейтап Түркиянын Бишкек шаарындагы элчилиги тарабынан тандалат.

Квота боюнча Кыргызстандын бейтапканаларында жасаганга мүмкүн болбогон жана жогорку технологиялык жабдыктардын жардамы менен ишке аша турган операциялар жасалат. Министрликте кайсы ооруга квота берсе болот же болбойт деген тизме жок. Ар бир бейтаптын арызы жекече каралат. Жаш курак чектелбейт.

Кыргызстандагы эң кымбат 10 операция! Акчасы жана жасала турчу органдар

Квотанын алкагында абдан шашылыш жардам көрсөтүүнү талап кылган оорулар (инсульт, жаракат алуу), реабилитациялык жана узак мөөнөттүү дарылоону талап кылган илдеттер каралган эмес.

Түркиянын мамлекеттик бейтапканаларында дарылоо акысыз жүргүзүлөт. Бирок жол кире, мейманкана, тамак-аш, күнүмдүк чыгым, медициналык камсыздандыруу, медициналык кагаздарды англис жана түрк тилдерине которуу, ошондой эле котормочу жалдоо үчүн каражат бейтап тарабынан төлөнөт. Органын алмаштырам (трансплантация) деген бейтаптын донору, ага тиешелүү медициналык изилдөөдөн өткөн кагаздары даяр болушу керек.

Квота аркылуу дарыланууну көздөгөн бейтаптар Саламаттык сактоо министрлиги менен Түркиянын КРдеги элчилигине кайрылат.

22
Белгилер:
бейтап, коронавирус, квота, дарылоо, Түркия, Кыргызстан
Тема боюнча
Эки ай дешти. Ак канга чалдыккан наристесине жардам сурап карайлаган атанын маеги