Микрорайондо турак үйдүн курулушу. Архив

МИК жеңилдик менен ипотека алуунун оңой жолун иштеп чыкты

(жаңыланган 19:07 28.08.2020)
Жеңилдетилген ипотека үчүн арыз берген бюджеттик кызматкерлердин саны 5 миңден ашып, анын суммасы 8 миллиард сомду түзгөнү айтылат.

БИШКЕК, 28-авг. — Sputnik. Мамлекеттик ипотекалык компания турак жай алуу процедурасы жөнөкөйлөштүрүлгөнүн билдирди.

Компания азыркы учурда жеңилдик ипотекасын алуу үчүн арыз берген бюджеттик кызматкерлердин саны 5 миңден ашып, анын суммасы 8 миллиард сомду түзгөнүн айтат. Бирок быйыл мамлекеттик ипотеканы каржылоого бюджеттен 500 миллион сом гана бөлүнгөн.

Алардын ичинен 700 адам арызын эки же андан көп жолу жазып жатат. Себеби мурда тапшырылган анкета бир жыл гана юридикалык күчкө ээ болуп келген. Андан соң жарандар кайрадан документ чогултуп, башынан жаңылап арыз жазчу. Мындан ары ал норма жоюлду.

Абжапарова: ипотека алган 200гө чукул кардарга жеңилдик берилди

Ошондой эле буга чейин ипотека тиешелүү документтерди биринчи чогултуп, баштапкы суммасын төгүп жана сатып ала турган турак жайын тапкандарга берилген.

Жаңы электрондук портал ачык-айкындуулукту камсыздоо менен кезек күтүүнүн эрежеси сакталышы үчүн ачылганы белгиленет.

"Азыр бизге келип түшкөн каражат жаңы процедураны киргизгенге чейин кабыл алынган арыз ээлерине жана эки же андан көп ирет арыз менен кайрылгандарга берилет", — деп айтылат маалыматта.

Ошондой эле МИК кошумча каражат тартып келүү боюнча донорлор менен активдүү сүйлөшүүлөр жүрүп жатканын кошумчалады.

Белгилер:
турак-жай, каражат, ипотекалык насыя, Мамлекеттик ипотекалык компания, жеңилдик
Тема:
Мамлекеттик ипотекалык насыя берүү (63)
Тема боюнча
Медиктер менен мугалимдерге мамлекеттик ипотека берилет. Каражат булагы айтылды
Мамлекеттик ипотекалык насыянын пайызы төмөндөй турган болду
Укол даярдап жаткан дарыгер. Архив

Вице-премьер Кыргызстан өзүн кантип вакцина менен камсыздай турганын айтты

(жаңыланган 19:19 19.04.2021)
Вице-премьерге Кыргызстанда вакцина өндүрүүгө же "Ысык-Көл тамыры" кайнатмасын даярдоого каражат бөлүнөр-бөлүнбөсү тууралуу дагы суроо узатылды.

БИШКЕК, 19-апр. — Sputnik. Кыргызстан вакцинаны гуманитардык жардам линиясы аркылуу алууну жана өндүрүүнү пландап жатат. Бул тууралуу вице-премьер, экономика жана финансы министри Улукбек Кармышаков Sputnik Кыргызстан агенттигинин мультимедиалык маалымат борборунда өткөн брифингде билдирди.

Вице-премьерге элди вакцина менен толук камсыздоо үчүн мамлекеттин акчасы жетеби деген суроо узатылган.

"Толук камсыздоого каражат, албетте, жетпейт. Көпчүлүк бөлүгүн гумжардам түрүндө алабыз. Буга чейин Sinopharm препаратынын 150 миң дозасы келген. Бирок эки миллион адамды эмдеш керек. Бул маселе боюнча Саламаттык сактоо министрлиги Россия жана Казакстан менен иш алып барууда. Себеби Караганда фармацевтикалык заводунда "Спутник V" вакцинасы менен кошо казак өндүрүшүндөгү препарат чыгарылууда. Биз коронавирус менен күрөшүүгө эки миллиард сом бөлгөнүбүз менен ал жетишсиз", — деди финансы министри.

Ага ошондой эле Кыргызстанда вакцина өндүрүүгө же "Ысык-Көл тамыры" кайнатмасын даярдоого каражат бөлүнөр-бөлүнбөсү тууралуу дагы суроо узатылды.

"Бул маселе кечээ жакында президент менен жолугушууда каралган. Биз вакцина чыгарууга шарт түзүп беришибиз керек. Адистер буга мүмкүнчүлүктүн бар-жогун анализдеп жатышат. Бул маселени президент койгон", — деди ал.

Вице-премьер мамлекет башчы менен жолуккан кезде дары чөп кайнатмасын өндүрүү жөнүндө сөз болбогонун кошумчалады.

Белгилер:
Улукбек Кармышаков, президент, вакцина, Кыргызстан
Тема:
Коронавируска каршы эмдөө
Тема боюнча
Кыргызстанда канча адам коронавируска каршы вакцина алганы айтылды
Кыргызстанга жакында 30 миң доза "Спутник V" вакцинасы алып келинет
Дарыгер. Архив

COVID: дарылануунун жаңы протоколу чыкты, уу коргошун да жазылганбы?

(жаңыланган 19:12 19.04.2021)
Коронавирустан дарылануунун жаңы протоколу 245 беттен турат. Буйрукка 16-апрелде кол коюлганы белгилүү болду.

БИШКЕК, 19-апр. — Sputnik. Саламаттык сактоо жана социалдык өнүктүрүү министри Алымкадыр Бейшеналиев коронавирусту аныктоо жана дарылоо боюнча бешинчи протоколду бекитти.

Буйрукка 16-апрелде кол коюлган. 38 пункттан турган документте коронавирустун эпидемиясын, этиологиясын жана патофизиологиясын аныктоо, диагноз коюу, бейтаптардын айрым топторун дарылоо боюнча сунуштарды карап чыгуу жана башкалар камтылган. Ошондой эле коронавирустун мутацияланып кетиши мүмкүндүгү да жазылган.

Кыргызстандын президенти Садыр Жапаров. Архив
© Пресс-служба президента КР / Султан Досалиев
Мындан сырткары, протоколдо бейтаптарга далилденбеген дары-дармектерди, ошондой эле ооруну жеңил жана орточо көтөргөндөргө антибиотиктерди бербеш керектиги сунушталган. Анда антикоагулянттарды колдонуунун да жол-жобосу жазылганы айтылды.

Документте аконитти (Ысык-Көл тамыры, уу коргошун) колдонуу тууралуу жазылган эмес. Протоколдун электрондук версиясы менен министрликтин сайтынан таанышууга болот.

Белгилей кетсек, саламаттык сактоо министри Алымкадыр Бейшеналиев коронавирусту уу коргошун менен дарылоону сунуштады. Бул дары чөптү президент Садыр Жапаров өзү кайнатып жасап жатканы белгилүү болгон. Президент менен министрдин дарылоо ыкмасы коомчулукту таң калтырып, түрдүү пикирлерди жаратууда.

Белгилер:
протокол, дарылоо, уу коргошун, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Эки окуучудан COVID-19 табылды. Ошто №20 мектеп карантинге жабылды
Кыргызстандын аэропортторуна чектөөлөр киргизилүүдө