Окуучу атасы менен. Архив

Күндө окушат! 1-класска барчу балдардын ата-энелери үчүн 10 суроого жооп

7370
(жаңыланган 20:54 28.08.2020)
Өлкөдөгү эпидемиологиялык кырдаалдан улам быйылкы окуу жылында 1-класстар гана мектепке барып окумай болду. Билим берүү, Саламаттык сактоо министрликтери алгоритм бекитип, шартын жазышкан. Бирок андан ата-эненин бардыгы кабардар эмес.

Балдары 1-класска барчу ата-энелердин суранычын эске алып, Sputnik Кыргызстан агенттиги пайдалуу материал даярдады. Макалага 1-класстын окуучулары жумасына канча күн, канча сааттан окуй турганы толугу менен камтылган. Бардык суроолорубузга Билим берүү жана илим министрлигинин Мектептик билим берүү башкармалыгынын жетектөөчү адиси Айнура Кусеинова жооп берди.

1-класстын окуучулары жумасына канча күн окушат?

Өлкө боюнча 1-класстын окуучулары жумасына беш күн окушат. Башкача айтканда, дүйшөмбүдөн жумага чейин. Эгер бир класста окуучунун саны 20дан көп болсо, анда түшкө чейин жана түштөн кийин болуп эки тайпага бөлүнүшөт. Мисалы, бир класста 40 окуучу болсо, анын 20сы түшкө чейин, калганы түштөн кийин мектепке барат. Белгилей кетсек, расписаниени ар бир мектеп өз алдынча түзөт.

Бир сабак канча саатка созулат?

Эки тайпага бөлүнүп окуган 1-класстардын бир сабагы 20 мүнөткө созулат. Ошондо күнүнө үч сабак өтүлөт. Ортодо 5-10 мүнөт танапис болот. Мындан сырткары, аларга ысык тамак дагы берилет. Ага 20-25 мүнөт убакыт каралган.

Бир да бала көңүл сыртында калбасын! Министр мугалимдерге кайрылды

Ал эми бир класста 20 же андан аз окуучу болсо, алар экиге бөлүнбөйт. Ошондой эле кадимкидей 40 мүнөттөн окушат. Анткени мугалимдерге 40 мүнөткө эле акы төлөнөт.

Бардык сабактар өтүлөбү?

1-класстын окуучуларына сабактын баары өтүлөт. Дене тарбия, музыка, сүрөт сабактары да кирет. Айрымдарын таза абада өткөрүү сунушталган.

Жеке менчик мектептерде 1-класстар кандай тартипте окуйт?

Алгоритм менчик формасына карабастан баарына бирдей. Эгер бала көп болсо, эки тайпага бөлүнүп 20 мүнөттөн окушат. Ал эми окуучу аз болсо, мектеп түзгөн расписание (убактысы белгиленет) боюнча 40 мүнөттөн билим алышат.

1-класстардын сабагы саат канчада башталат?

1-класстын сабактарынын мөөнөтүн ар бир мектеп өз алдынча бекитет.

Бет капты мектеп береби?

Жок, бет кап менен баланы ата-эне камсыз кылат.

Санитардык талаптар кандай аткарылат?

Окуучу мектепке келгенде дене табынын көрсөткүчү өлчөнүп, атайын журналга жазылат. Айрым аймактарда дарыгерлер жетишсиз болгондуктан бул ишке башка класстардын мугалимдери көмөктөшөт. Андан кийин балдар аралыкты сактап окуу бөлмөлөрүнө киришет. Мугалим аларды ортосун 1,5-2 метрден кылып шахмат түрүндө отургузат. Танапис сайын кабинеттер желдетилет.

1-класстын окуучуларын мектепке жана үйгө ташуу каралууда

Кандай форма кийишет?

Быйылкы окуу жылында бирдей форма кийүү талабы алып салынды. Мындан улам 1-класстын окуучулары үстү ак (көйнөк), алды кара (шым, юбка) болгон классикалык форма кие беришет.

Ата-энелердин милдеттери:

  • Мектеп менен келишим түзүү;
  • Баланын ден соолугу боюнча мугалимге күнүгө маалымат берип туруу;
  • Баланы санитардык-гигиеналык каражаттар менен камсыздоо;
  • Окуучулардын өздүк гигиенасын сактоого үйрөтүү;
  • Баланы мектепке убагында алып келип, убагында алып кетиши керек.

1-сентябрда линейка болобу?

1-сентябрда менчик формасына жана түрүнө карабастан, республиканын бардык билим берүү уюмдарында 1-класстар үчүн салтанаттуу линейка уюштурулбайт. Билим күнүндө салттуу түрдө ийкемдүү графикке ылайык, "Сүйүктүү Кыргызстаным" аттуу биринчи сабак өткөрүлөт.

7370
Белгилер:
мектеп, бала, окуучу, 1-класс, алгоритм, тартип
Тема:
Коронавируска байланыштуу Кыргызстандагы кырдаал (2907)
Тема боюнча
Боронов: окуу башталганда айылдарда интернет жок деген маселе болбосун
Түнкү Бишкек. Архив

Бишкекте бир нече район жарыксыз калды

104
(жаңыланган 21:23 25.10.2021)
Буга чейин "Бишкек сегодня" Telegram тайпасындагылар электр жарыгы жок отурганын айтып нааразы болушкан.

БИШКЕК, 25-окт. — Sputnik. Бишкекте авариялык өчүрүү болуп, 6-11-кичи райондору жана Жумушчулар шаарчасы жарыксыз калды. Бул тууралуу Sputnik Кыргызстан агенттигине "Түндүк электр" ишканасынын маалымат кызматы билдирди.

Буга чейин "Бишкек сегодня" Telegram тайпасындагылар электр жарыгы жок отурганын айтышкан.

"Авариялык өчүрүү Абдыкалыков подстанциясында болжол менен саат 19:30да болгон", — деп айтылат маалыматта.

"Түндүк электр" ишканасы азыркы тапта абоненттердин линиялары башка чубалгыларга кошулуп жатканын белгиледи.

Ал эми Жумушчулар шаарчасында бригада күндүз эле кабелдик чубалгы бузулганын билишкен. Бирок азыр дагы бирөөсүн издеп жатышат. Энергетиктер маселени тезирээк чечүү үчүн болгон аракетин көрүп жатканы кошумчаланды.

104
Белгилер:
Бишкек, электр жарыгы, оңдоо
Тема боюнча
Садыр Жапаров Кыргызстан качан энергетикалык кризистен чыгарын айтты
26-октябрда Бишкектин кайсы бөлүктөрүндө жарык өчөт? Тизме
Парктагы күзгү жалбырактар. Архив

Шейшембиге карата аба ырайы