Профессионалдар арасында бокс боюнча дүйнөнүн 7 жолку чемпиону, СССРдин эмгек сиңирген спорт чебери, атактуу мушкер Орзубек Назаров. Архивдик сүрөт

Мухаммед Алиге жолугуп кеңешин уккан. Орзубек Назаров жөнүндө 9 факты

289
(жаңыланган 18:20 30.08.2020)
Бүгүн профессионалдар арасында бокс боюнча дүйнөнүн 7 жолку чемпиону, СССРдин эмгек сиңирген спорт чебери, атактуу мушкер Орзубек Назаров 54 жашка толду.

Sputnik Кыргызстан агенттиги 22 жыл дүйнөнү түрө кыдырып, эгемен өлкөнүн желегин эл аралык аренада биринчилерден болуп желбиреткен спортчу жөнүндө кызыктуу фактыларды сунуштайт.

Бейбаштыкты жойгон спорт. Орзубек Назаров 1966-жылы 30-августта Кант шаарында туулуп, балалыгы ошол шаарда өткөн. Атасы автобус айдап үй-бүлөсүн баккан. Болочоктогу атактуу спортчу мектепте окуп жүргөндө тентек балдардын катарын толуктап, далай жоруктардын ана башында турчу. Ошондон улам апасы Жорохан аны он жашында спорт залга алып барган. Алгачкы жолу беттешке 12 жашында 28 килограмм салмак менен чыгып атаандашын утуп алган. Ошол окуядан кийин өспүрүм спортко бел байлап, машыктыруучусун өз атасындай көрүп калган.

Күчүн пайдалана албай койгонбуз... Олимпиада чемпиону Мелентьев жөнүндө 6 факты

Күжүрмөн эмгектин жемиши. 16 жашында өспүрүмдөр арасында СССРдин чемпиону болуп, 18 жашында Эл аралык класстагы спорт чебери даражасына жетишкен. Спорт сүйүүчүлөрүнүн арасында СССРдин жаштар арасындагы мелдешинин төрт жолку жеңүүчүсү, Европанын эки жолку, СССРдин үч жолку чемпиону, Дүйнө чемпиондугунун үч жолку байге ээси аталган. 1987-жылы Европанын эң мыкты мушкери болгон. Профессионалдык рингде Япониянын беш, Азия менен Океаниянын алты жолку, дүйнөнүн жети жолку чемпиондугу ыйгарылган. Спорт сүйүүчүлөрүнүн арасында 165 жолу рингге чыгып, 153 ирет жеңишке жетишкен. Профессионалдык рингде 28 беттеш өткөрүп, анын 27син уткан (23 нокаут менен). Сологой боксчу атаандаштарын боорго көбүрөөк муштаганы менен айырмаланчу. 

Боксеры Орзубек Назаров (СССР) и Ромаллис Эллис (США)
© Sputnik / Борис Бабанов
Мушкер Орзубек Назаров (СССР) жана анын каршылашы Ромаллис Эллис (АКШ)

Бөтөн элде бааланган Назаров. 1989-жылы Японияга келишим менен кетип, 90-жылдардын башында кыргызстандыктарга караганда япон калкына таанымал эле. Радио, телевидениеге чыгып, жарнамаларга байма-байма тартылып турган. 1998-жылы Орзубек Назаров чемпиондук кур үчүн кезектеги атаандашы франциялык мушкер Жан-Батист Менди менен рингге чыгып, 3-раундда атаандашынын спорттук кол кабы жаза тайып, баш бармагы Назаровдун көзүн жабыркатып алган. Бул окуя мушкердин спорттук карьерасына чоң зыянын тийгизип, ал рингден биротоло кетүүгө аргасыз болот. Кыргызстанга кайтып келген Назаров эч кимге кереги жок экенин сезип отуруп калган.

13 жашында намыска жараган волейболчу. Окумуштуу Кайып Оторбаев жөнүндө 7 факты

Бир ажалдан калган. 1997-жылы ноябрда Алматы шаарында достору менен аэропортко баратканда аларга куралдуу кол салуу болуп, мушкердин эки досу көз жумган. Назаров акырекке ок жеп, аман калат, кылмышкерлер из жашырып кеткен. Ал окуядан эки ай өткөн соң Францияда дүйнө чемпионатында күч сынашкан. 

Соревнования по боксу в рамках Игр доброй воли (с 5 по 20 июля 1986 года). Боксер Орзубек Назаров (СССР) (справа) победил Ромаллиса Эллиса (США) в финальной встрече по боксу в весовой категории до 60 кг. Спортивный комплекс Олимпийский.
© Sputnik / Борис Бабанов
Кыргызстан мушкер профессионалдык рингде 28 беттеш өткөрүп, анын 23үн нокаут менен жыйынтыктаган

35 жылдан берки күндөлүк. Анда спорттук жашоосунун тарыхы, маңдай жарыла сүйүнгөн жеңиштери, утулуу ызалары жазылган. Келечекте күндөлүгүн кызыктуу жана таасирлүү китепке айланткысы келет.

Мушкердин ысымын алган Орзубектер. "Жаш мушкерлердин мен келечекте сиздей болгум келет деп айтканы кубандырат. Эсимде, 1990-жылдары ата-энелер балдарынын ысымын менин атыман коюуну тилек кылгандыгы тууралуу көп каттар келчү" деген жайы бар. 

Семикратный чемпион мира по профессиональному боксу Орзубек Назаров во время боя. Архивное фото
© AFP 2020 / JACK GUEZ
Орзубек Назаров 1998-жылы көзүнөн оор жаракат алып биротоло рингден кетүүгө аргасыз болгон

Мухаммед Али менен жолугушуу. Назаров 1996-жылы Японияда жашап, машыгып жүргөндө легендарлуу мушкер Мумаммед Али жумуштары менен Токиого учуп келет. "Ал кезде мен дүйнө чемпиону болчумун, бизди тааныштар жолуктурган. Улуу мушкер ошол кезде катуу ооруп жаткандыгына карабай кеп-кеңешин айтып, тамашалап сүйлөгөн. Кийин ал каза болгондо аябай жаман болдум" деп маектеринин биринде айткан.

Кондучалованын күйөө баласы болгон. Каскадер Үсөн Кудайбергенов тууралуу 8 факты

Саясатка аралашкан спортчу. Япон, англис, орус тилдеринде эркин сүйлөп, кыргыз, өзбек, азербайжан тилдерин түшүнөт. "Даңк" медалынын ээси 2007-жылы ноябрь айында "Ак жол" партиясынын катарында Жогорку Кеңештин IV чакырылышындагы депутаты болуп шайланып, эл өкүлү болуп иштеп калган. 

Получить награду от легендарного боксера Орзубека Назарова для каждого честь
© Sputnik / Табылды Кадырбеков
Дүйнөлүк деңгээлдеги атактуу спортчу мекендешибиз учурда ишкерлик менен алектенип, өзү ачкан спорттук залда жаштарга кеп-кеңеш берип келет.

Үй-бүлөсү. Учурда экинчи жубайы Оксана менен жашайт. Жубайлар Аделина аттуу кызды тарбиялашат. Биринчи жубайынан эки кызы бар. Кыргыз боксунун атасы Орзубек Назаров учурда жеке ишкерлик менен алектенип, өзү ачкан спорттук залда жаштарга кеп-кеңеш берип келет.

289
Белгилер:
факты, бокс, спорт, Орзубек Назаров
Тема:
Кыргыздын көркөм өнөрү, белгилүү инсандары жөнүндө фактылар (364)
Тема боюнча
Кондучалованын күйөө баласы болгон. Каскадер Үсөн Кудайбергенов тууралуу 8 факты
13 жашында намыска жараган волейболчу. Окумуштуу Кайып Оторбаев жөнүндө 7 факты
Күчүн пайдалана албай койгонбуз... Олимпиада чемпиону Мелентьев жөнүндө 6 факты
Украинада аскер учагы кулады

Украинада аскер учагы кулады. 23 адамдын өмүрүн алган кырсыктын видеосу

106
(жаңыланган 01:46 26.09.2020)
Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу.

БИШКЕК, 26-сен. — Sputnik. Украинанын Харьков облусунда Ан-26 деп аталган аскер учагы кулады. Андан каза болгондор жана жабыркагандар бар. Бул тууралуу РИА Новости Украинанын аскер-аба күчтөрүнүн маалыматына таянып кабарлады.

Кырсыктын видеосу басылманын Telegram -каналына жарыяланган.

​"25-сентябрь күнү кечинде Харьков облусунда Украинанын аскер-аба күчтөрүнө тиешелүү болгон АН-26 учагы кырсыктады. Учак жерге коноюн деп жатканда кулаган. Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу. Арасында каза болгондор, жабыркагандар бар. Маалымат такталып жатат", — деп айтылат билдирмеде.

Ички иштер министрлиги билдиргендей, учак кырсыгынан 23 адам каза болуп, эки адам оор абалда ооруканага жеткирилген. Акыркы маалыматтар боюнча жеринде куткаруучулар, өрт өчүрүүчүлөр иштөөдө.

Украинанын президенти Владимир Зеленский кырсык болгон жерге чыгып кеткени кабарланды.

106
Белгилер:
өрт, кырсык, учак, Харьков, Украина
Тема боюнча
Бразилияда учак автожолго кулап, талкаланып калды. Видео
14 киши көз жумду. Индияда учак экиге бөлүнүп кетип, кырсыктаган видео
Ош облусунун жашоочулары. Архивдик сүрөт

Аймактарда коронавирус көп катталууда. Себебин жергиликтүү дарыгерлер түшүндүрдү

119
(жаңыланган 23:25 25.09.2020)
Коронавирус боюнча статистиканын төмөндөгөнүнөн бир ай өтпөй өлкөдө кайра илдет илештирген жаңы учурлардын саны өсүп баштады. Азыркы тапта коронавирус көп аныкталып жаткан аймактарда абал кандай экенин Sputnik Кыргызстан агенттиги билип көрдү.

Акыркы эки күндүн ичинде Кыргызстанда коронавирус жуктургандардын саны кескин өсүп кетти. Кечээ 127 адамдан COVID аныкталса, бүгүн Республикалык штаб 175 адам вирус жуктуруп алганын кабарлады. Статистикада жазылгандай, ооругандардын басымдуу бөлүгү аймактарда.

Sputnik Кыргызстан агенттигинин кабарчысы коронавирус көп катталып жаткан аймактардагы абалды билип, жергиликтүү дарыгерлер менен сүйлөштү.

Ош облусу

Өткөн суткаларда коронавирус Кыргызстандын түштүк аймактарында көп катталган. Алсак, 25-сентябрга карата Ошто 50 кишиден вирус табылды. 31-август менен салыштыра турган болсок, ал күнү аталган аймакта алты гана кишиден коронавирус табылган.

Ош облусунун Ноокат аймактык ооруканасынын жетекчиси Асамидин Марипов коронавирустун белгилери менен ооруканага кайрылгандардын саны көбөйгөнүн белгиледи.

Директор Ноокатской территориальной больницы Асамидин Марипов
© Фото / Пресс-служба Министерства Здравоохранения КР
Ош облусунун Ноокат аймактык ооруканасынын жетекчиси Асамидин Марипов
"Акыркы жумада кайрылгандардын саны өстү. Биз болжонуп жаткан экинчи толкунга оорукананы даярдап, дары-дармектин корун камдадык. Бирок маселе башкада. Азыр мурдагыдай алгоритм жок. Анда эпидиликтөө жүргүзүлүп, оорулуу менен байланышта болгондун баарын таап, обсервацияга жаткырчу. Мындай жол менен илдеттин жайылышын аз да болсо алдын алганбыз. Азыр оорулуу менен байланышта болгондор табылган күндө деле үйдө изоляцияга жөнөтүлүүдө. Бирок аны канчасы аткарып жатканын кайдан билебиз. Айрымдар эрежелерди эске алып да койгон жок", — деди Марипов.

Анын айтымында, райондогу оору жуктургандардын үчтөн эки бөлүгү үйдөн дарыланып жатышат. Калгандары ооруканага жаткырылууда. Марипов мамлекет үй карантинине жиберилгендерди көзөмөлдөө үчүн бийлик натыйжа берген ыкмаларды ойлоп табышы керектигин кошумчалады.

Өпкө жабыркай баштаганда алгач кандай белги берет? Адистин жообу

Жалал-Абад облусу

Өткөн сутканын ичинде Жалал-Абад облусунда 22 кишиден коронавирус аныкталган. Ошол эле мезгилде 10 киши дартты жеңгени айтылды. Белгилей кетсек, март айында өлкө ичинде биринчилерден болуп дал ушул аймактан коронавирус катталган.

Саламаттык сактоо министрлигинин аталган аймактагы координатору Замира Чойбекова бийлик азыр стационарлар менен мобилдик бригадалардын ишин кайра жандантуу боюнча маселени карап жатканын билдирди.

"22 учурдун 10у лабораториялык жактан такталды. Бактыга жараша, алардын ичинен тогузунун абалы орто жана жеңил формада өтүүдө. Бир бейтап болсо ооруканадан дарыланып жатат. Пневмонияга кабылган 12 адам дагы ооруканага жаткырылды. Азыр базар, дүкөндөр иштеп, тойлор башталгандыктан, адамдар вирусту кайдан жуктуруп алганын билбей калып жатышат", — деди Чойбекова.

Ал коронавирус жуктуруп үйлөрүнө дарыланууга кеткен бейтаптарга дарыгерлер бардык инструкцияны түшүндүрүп жатканын айтып, бирок аларды дайыма көзөмөлдөп турууга мүмкүнчүлүк жок экенин кошумчалады.

"Оорунун очогу деле боло элек. Ар кайсы айылдан бирден-экиден кишиде вирус табылып жатат. Эгер алардын үй-бүлөсүндөгү бирөө жарымдан вирус чыкса, анда алар изоляция эрежесин сактабай эле жүргөндөн кабар берет", — деди министрликтин аймактагы координатору.

Баткен облусу

Эгер Баткен облусундагы калктын саны менен карай турган болсок, кооптуу кырдаал дал ушул аймакта байкалууда. Анткени бир сутканын ичинде эле Баткенде 41 кишиден коронавирус табылганы маалымдалды.

Экинчи толкун башталдыбы? COVID боюнча дүйнөдөгү азыркы абал

Баткендеги санитардык-эпидемиологиялык көзөмөл борборунун башчысы Асел Кошбаеванын айтымында, аймакта коронавирус менен ооругандар көп.

"Облус боюнча ар бир короону текшерип жатабыз. Мисалы, Кадамжайда 1 202 киши медициналык кароодон өткөрүлүп, анын 27синин дене табы жогору экени аныкталды. Коронавирустун белгилери байкалганда ооруканага өздөрү кайрылгандар бар, айрымдар үйлөрүнөн эле дарыланып жатат. Оорулуу адамдар менен байланышта болгондордун арасынан да коронавирус табылып жатат. Буга чейин биз бийликке ири базарларды жабуу сунушун киргизгенбиз, бирок ал аткарылган жок",— деди Кошбаева.

Ал эпидемиологдор азыркы кырдаалды эске алып, облусту карантиндик зоналарга бөлүп, чектешкен жерлерине блокпостторду коюуну көздөп жатканын кошумчалады.

Бишкек мэриясы: эки гипермаркет шаардыктардын жашоосуна коркунуч жаратууда

Өлкөдө коронавирус боюнча кырдаал начарлай баштаганына байланыштуу, Ысык-Көл облусунун бийлиги бет кап тагынуу режимин күчөтүү чечимин кабыл алды. Бишкекте да санитардык көзөмөл күчөгөнүн мэрия жар салды.

Мындан сырткары, коронавирус жуктурган жаңы учурлар көп каттала баштагандыктан бүгүн Республикалык штаб шашылыш жыйын өткөрдү.

119
Белгилер:
экинчи толкун, статистика, дарт, оору, аймак, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде пневмония кайрадан баш көтөрүүдө. Акыркы суткадагы сандар