КТРКнын алгачкы жетекчиси Сатыбалды Жээнбеков. Архив

Өлүмү азыркыга чейин сыр. Депутат, диктор Сатыбалды Жээнбеков тууралуу 8 факты

5097
(жаңыланган 11:14 01.09.2020)
Сатыбалды Жээнбеков "1980-90-жылдары бул ысым теледен, саясаттан, элдин, өлкөнүн алдыңкы адамдарынын оозунан түшчү эмес" деп эскеришет аны санаалаштары. Тилекке каршы, шум ажал саясий ишмерди 44 жашында алып тынган.

Sputnik Кыргызстан агенттиги кезинде жылдызы жанып, коңур үнү, принципиалдуулугу, акыйкат жана чыгаан инсан катары өлкө тарыхында калган Сатыбалды Жээнбеков тууралуу кызыктуу фактыларды чогултту.

Ал тууралуу маалыматтар уулу Кайрат Сатыбалдиевден, үй-бүлөлүк архивден жана жакын санаалаштарынан алынды.

Диктор, первый генеральный директор КТРК Сатыбалды Жээнбеков
© Фото / из личного архива Кайрата Сатыбалдиева
Кыргызстан 1991-жылы эгемендүүлүктү алып, көз карандысыз мамлекет болгондон кийин КТРК кайра түзүлүп, Улуттук телерадио корпорация деп аталат. Ага жетекчи болуп 1991-жылы Сатыбалды Жээнбеков дайындалган.

24 жашында мектеп жетекчиси болгон. Сатыбалды Жээнбеков 1952-жылы 13-июнда Жалал-Абад облусунун Сузак районуна караштуу Багыш айылында көп балалуу үй-бүлөдө төрөлгөн. Мектепти аяктагандан кийин Бишкекке келип, чыгармачыл инсан болууну көздөп, филармониянын алдындагы окуу жайга тапшырат. Бирок атасы ал тандоосуна каршы чыгып, кайра айылына чакыртып алган. Кийин Москвадагы Мичурин атындагы педагогикалык институтуна тапшырып, ал жактан орус тили жана адабияты факультетин аяктаган. Окууну бүтүп келери менен мурда өзү билим алып кеткен Сузак районундагы Пушкин атындагы мектепке мугалим болуп орношот. Көп өтпөй 24 жашында ошол мектепке жетекчи болуп дайындалган. Азыркы тапта аталган окуу жайга Сатыбалды Жээнбековдун ысымы ыйгарылган.

Телеге байланган тагдыр. 30 жашында Сатыбалды Жээнбеков телеге дикторлорду тандоо жүрүп жатканын угуп, өз күчүн сынап көрүүнү чечет. Коңур үндүү, эки тилде так сүйлөгөн адам сынактан дароо өтүп, мамлекеттик каналда диктор болуп иштеп калган. Учурунда бирге иштеген кесиптештери белгилегендей, ал кезде эки тилде Жээнбековдой так сүйлөгөн диктор жокко эсе болчу. Андан кийин кесиптештеринин сунушу менен профсоюздук уюмдун төрагасы болуп шайланган. Жээнбеков дикторлуктан өз каалоосу менен кетип, кийин саясий-экономикалык программаларды алып бара баштаган.

Диктор, первый генеральный директор КТРК Сатыбалды Жээнбеков с коллегой
© Фото / из личного архива Кайрата Сатыбалдиева
Кесиптештер — Сатыбалды Жээнбеков жана Гүлшан Молдоева.

Ош коогалаңын курч чагылдырган кабарчы. Сатыбалды Жээнбеков 1990-жылдагы Ош коогалаңын кабарчы катары чагылдырууга өз каалоосу менен барган. Санаалаштары аны окуяны ачык-айкын, курч чагылдырып турган үлкөн журналисттердин катарында болгон деп эскеришет. Кийин ал легендарлуу парламентте синхрондук котормочу да болуп иштей калып, саясатты ийне-жибине чейин өздөштүргөнү айтылды.

КТРКнын алгачкы жетекчиси. Кыргызстан 1991-жылы эгемендүүлүктү алып, көз карандысыз мамлекет болгондон кийин КТРК кайра түзүлүп, Улуттук телерадио корпорациясы деп аталат. Ага жетекчи болуп 1991-жылы Сатыбалды Жээнбеков дайындалган. Аны менен бирге иштешкен кесиптеш, санаалаштары Жээнбеков бийликтин артынан ээрчибеген, өзүнүн принциби бар демократ жетекчи болгон деп баалашат. Кезинде ал ГКЧПнын август айындагы окуясын (путч) теледен эч кимден коркпой, ачык-айкын көрсөтүп турган. Бирок бул кызматта ал көпкө кармалган эмес. 1992-жылы жетекчилик кызматтан кетип, "Кабар" мамлекеттик агенттигинин директорунун орун басары болуп дайындалган. Кийин 1993-жылдан 1994-жылга чейин эмгек жана социалдык коргоо министринин орун басары да болуп эмгектенген. Кесиптештери белгилегендей, ошол мезгилде Жээнбеков "Молдокара"деген псевдоним менен публицистикалык макалаларды жазып баштаган.

Султан Жумагулов тууралуу кызыктуу 7 факты

Диктор, первый генеральный директор КТРК Сатыбалды Жээнбеков
© Фото / из личного архива Кайрата Сатыбалдиева
Учурунда бирге иштеген кесиптештери белгилегендей, ал кезде эки тилде Жээнбековдой так сүйлөгөн диктор жокко эсе болчу.

Бут тосуулар, ЖК депутаты. 1995-жылы "ЭрК"партиясынын атынан Сатыбалды Жээнбеков Жогорку Кеңешке депутаттыкка аттанат. Бирок үзөңгүлөштөрүнүн айтымында, анын эл өкүлү болушуна кезинде бут тосуулар көп болгон. Жээнбеков депутаттыкка Сузак округунан көрсөтүлгөн. Чагымчыл аракеттерге карабастан Сузак районунун эли саясий ишмерди бир добуштан колдоп берген. Ал мандатты да кеч алганы айтылат. Убагында Сатыбалды Жээнбеков 2000-жылы президенттик шайлоого катышат деген да кептер айтылган. Өзү да чогуу жүргөн адамдарына "балким даяр болуп калса,м президенттик шайлоого катышып калышым мүмкүн" деп айтканы бар.

Сырдуу өлүм. Коомдук жана саясий ишмердин өлүмү али күнгө чейин белгисиз, ачыла элек сыр бойдон. Сатыбалды Жээнбеков 1996-жылы май айында кырчындай 44 жашында дүйнө салган. Анын эмнеден каза болгонун үй-бүлөсү да, дос, кесиптештери да так билишпейт.

"Атам өзү деле эмне болуп ооруканага түшүп калганын билбей калыптыр. Анда биз кичинекей болчубуз. Апам туугандардын бири каза болуп ошол жакка кеткен. Атам белгилүү бир себептерден улам барбай калган экен. Ага көңүл айтабыз деп үйгө эки киши келип чогуу отуруп арак ичишет. Алар кеткенден кийин көп өтпөй атам өзүн начар сезип Тез жардам чакыртышкан. Ал да дароо келген эмес, ошол мезгилде телефон линиябыз да үзүлгөнү маалым. Ошентип ооруканага кеч жетип, ошол жактан үзүлгөн. Дарыгерлер атамдын ичеги-карыны тешилип, эзилип кеткенин айтышкан. Ага "уу берип коюшкан" деген да божомолдор бар. Бирок үйгө ким келгени, атам эмнеден көз жумганы али күнгө чейин белгисиз бойдон калды", — деди уулу Кайрат.

Диктор, первый генеральный директор КТРК Сатыбалды Жээнбеков (справа) с коллегами
© Фото / из личного архива Кайрата Сатыбалдиева
1995-жылы "ЭрК"партиясынын атынан Сатыбалды Жээнбеков Жогорку Кеңешке депутаттыкка аттанат. Бирок үзөңгүлөштөрүнүн айтымында, анын эл өкүлү болушуна кезинде бут тосуулар көп болгон.

Сатыбалды Жээнбеков менен үзөңгүлөш болуп жүргөндөр анын бийликтен коркпогонун, кемчиликтерин жашырбай бетке айтканын, эр жүрөк адам болгонун буга чейинки маектеринде бир нече ирет айтышкан.

Москваны багындырган мугалим Кондучалова. Легендарлуу министр жөнүндө 8 факты

Көп кырдуу талант. Сатыбалды Жээнбеков саясаттан тышкары мыкты аткаруучу, обончу болгон. Бир нече ырга обон жараткан. Мындан сырткары, ал бир катар документалдык тасмаларды дубляждаган.

Супруга и дети диктора, первого генерального директора КТРК Сатыбалды Жээнбекова
© Фото / из личного архива Кайрата Сатыбалдиева
Сатыбалды Жээнбековдун үй-бүлөсү. Солдон оңго кичүү уулу Кайрат. Анын жанында саясий ишмердин жубайы. Ортосунда экинчи уулу Азат жана келинчеги.

Улуу баласы жол кырсыгынан көз жумган. Сатыбалды Жээнбеков үч уулдун атасы. Тилекке каршы, улуу баласы Самат жол кырсыгынан көз жумган. Ал эми экинчи баласы Азат учурда Жер-Үй алтын кенинде иштесе, үчүнчү баласы Кайрат Казакстанда эмгектенет.

5097
Белгилер:
диктор, саясий ишмер, саясат, факты
Тема:
Кыргыздын көркөм өнөрү, белгилүү инсандары жөнүндө фактылар (365)
Тема боюнча
Кайран элге күйгөн, Tico айдаган Доке. Дооронбек Садырбаев тууралуу 7 факты
Первоклассник во время уроке в школе-гимназии №24 в Бишкеке в первый день учебы. 1 сентября 2020 года

5-октябрдан тарта башталгыч класстар мектепке барып окуйбу? Расмий жооп

0
Буга чейин министр Каныбек Исаков президент Сооронбай Жээнбековго октябрдан тарта окуучуларды мектепке тартууну сунуштаган.

БИШКЕК, 28-cен. — Sputnik. Билим берүү жана илим министрлиги 5-октябрдан тарта окуучулар мектепке барып салттуу режимде окуй баштайт деген маалыматты төгүнгө чыгарды.

Sputnik Кыргызстан агенттигине окурмандар кайрылып, мессенжерлерде 5-октябрдан тарта салттуу режимде окуу баштала тургандыгы боюнча министрликтин буйругу тарап жатканын айтышкан.

Буйрук "Билим берүү уюмдарында 2-6-класстардын окуучуларын реалдуу шартта окутууга даярдык көрүү боюнча" деп аталат.

Билим берүү жана илим министрлигинин маалымат кызматы бул буйрукту министрлик чыгарбаганын айтып, документ реалдуу окууга даярдык боюнча гана район деңгээлинде жасалганын билдирди.

"Мындай маселени министрлик чечпейт, буйруктун бизге тиешеси жок. Чечимди өлкөдөгү эпидемиологиялык кырдаалды карап көрүп, алгач Республикалык штаб кабыл алат. Андан кийин гана министрлик буйрук чыгарат", — деди министрликтин маалымат кызматынын өкүлү.

Буга чейин министр Каныбек Исаков президент Сооронбай Жээнбековго октябрдан тарта окуучуларды мектепке тартууну сунуштаган. https://sputnik.kg/society/20200915/1049623763/prezident-ministr-mektep-okuu.html

Бирок кийинчерээк билим берүү жана илим министринин орун басары Надира Жусупбекова баары эпидемиологиялык кырдаалдан көз каранды экенин айтып, балдардын качан мектепке барары белгисиз экенин билдирген. https://sputnik.kg/society/20200921/1049689039/mektep-okuu-realduu-rezhim.html

Инжект: Балага мектепте басмырлоо болуп жатканын кантип билсе болот. Адистин кеңеши

Дагы: https://sputnik.kg/society/20200928/1049754083/balaga-mektepte-basmyrloo-kantip-bilse-bolot.html

Теги: окуу мектеп бөбөк сабак министрлик буйрук

0
Премьер-министр Кубатбек Боронов. Архив

Боронов РФте көпүрө урап жабыркаган мекендештерге жардам берүүнү тапшырды

40
(жаңыланган 10:25 28.09.2020)
Кечээ Москва облусундагы логистикалык ишканада жөө адамдар өтүүчү көпүрө урап, андан ондогон кыргызстандык жабыркаган.

БИШКЕК, 28-cен. — Sputnik. Премьер-министр Кубатбек Боронов Кыргызстандын Россиядагы элчиси Аликбек Жекшенкулов менен телефон аркылуу сүйлөшүп, көпүрөнүн урашынан жаракат алган мекендештерге жардам көрсөтүүнү тапшырды. Бул тууралуу өкмөттүн маалымат кызматы кабарлады.

Россияда кыргызстандыктар жабыркаган кырсыктын болжолдуу себеби айтылды

Эске салсак, 27-сентябрь күнү Россиянын Москва облусундагы FM LOGISTIC  логистикалык ишканасында (кампа комплекси) жөө адамдар өтүүчү көпүрө урап, андан кыргыз жарандары жабыркаганы айтылган. Соңку маалыматтар боюнча, 51 кыргызстандык ар кандай жаракат алган

"Өкмөт башчы элчи Алибек Жекшенкуловго кырсыктан жабыр тарткан мекендештерге медициналык жардам көрсөтүүнү жана аларды ооруканаларга жайгаштырууну тапшырды. Ошондой эле мекендештердин дарылануусун жеке көзөмөлүнө алышы керектигин белгиледи", — деп айтылат маалыматта.

Боронов муну менен катар Жекшенкуловго кырсыктын келип чыгышын иликтеген Россиянын укук коргоо органдарынан маалыматтарды байма-бай алып турууну жана алар менен биргеликте иш жүргүзүшү керектигин айткан.

40
Белгилер:
тапшырма, жардам, мекендештер, Аликбек Жекшенкулов, Кубатбек Боронов, Россия, Кыргызстан
Тема боюнча
Россияда мекендештерди чек арадан өткөрөм деп алдап кеткен шылуун изделүүдө