Ооруканадагы дарыгер. Архив

Кечээ 60 кишиден COVID аныкталса, 190 адам ооруну жеңип чыкты. Статистика

111
(жаңыланган 11:32 01.09.2020)
Бактыга жараша күн сайын жуктургандарга караганда сакайгандардын саны көп болууда. Бирок кечээ Бишкек шаарында бир бейтап вирустан каза тапты.

БИШКЕК, 1-сен. — Sputnik. Кыргызстанда өткөн суткада коронавирустан 190 бейтап айыкса, 60 кишиден вирус табылды. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

Бир сутка ичинде COVID-19дан сакайып чыккандар, пневмонияны эсепке алганда:

  • Бишкек шаары – 106;
  • Ош шаары – 18;
  • Чүй облусу – 5;
  • Ош облусу – 14;
  • Талас облусу – 9;
  • Ысык-Көл облусу – 6;
  • Жалал-Абад облусу – 19;
  • Баткен облусу – 13.

Бир сутка ичинде коронавирус жуктурган жаңы учурлар:

  • Бишкек шаары — 13;
  • Ош шаары – 1;
  • Чүй облусу – 2;
  • Ош облусу — 7;
  • Талас облусу – 3;
  • Нарын облусу – 1;
  • Ысык-Көл облусу – 3;
  • Жалал-Абад облусу – 14;
  • Баткен облусу – 16.

Ал эми Бишкек шаарында өткөн суткада бир бейтап ооруну жеңе албай көз жумду. Кыргызстанда вирус жалпы 1 060 адамдын өмүрүн алган.

Ушуну менен өлкөдө коронавирус 43 958 адамдан табылса, анын 38 649у ооруну жеңди.

Кечээ Баткен облусунда эки, Чүй облусунда бир медик коронавирус жуктуруп алды. Ошол эле учурда 10 медицина кызматкеринин илдеттен айыкканы маалым болду.

Азыркы тапта коронавирус жуктурган 704 бейтап стационарларда, 4 856 адам үйүнөн дарыланып жатат.

 

111
Белгилер:
өлүм, статистика, коронавирус, Кыргызстан
Тема:
Кыргызстандагы коронавирус жуктуруп алгандар (1324)
Тема боюнча
Дүйнөдө коронавирус жуктургандардын саны 25 миллиондон ашты
Балдарга жабышкан Кавасаки синдрому. Дарыгер оорунун белгилерин айтты
COVID: Россияда эң күчтүү иммунитет 13 жашка чейинки балдардан аныкталды
Медициналык кызматкерлер ооруканада иш учурунда. Архив

COVID: абал курчугандан кийин медициналык мекемелерде 8 жетекчи иштен алынды

3
(жаңыланган 12:27 28.09.2020)
Министрдин орун басары айрым жетекчилерге административдик чараларды колдонууга да туура келгенин белгиледи.

БИШКЕК, 28-сен. — Sputnik. Өлкөдөн эпидемиологиялык кырдаал курчугандан кийин ишинде кемчилик кетиргени үчүн медициналык мекемелерде сегиз жетекчи кызматтан алынды. Бул туурасында саламаттык сактоо министринин орун басары Нурболот Үсөнбаев маалымат жыйын учурунда билдирди.

Брифингде июлдагы апааттан кийин кандай кадрдык алмашуулар болгону туурасында суроо берилген.

КРде бир нече аптадан бери алгачкы өлүм катталды. COVID боюнча статистика

"Кемчиликтери аныкталууда, эскертүү берилүүдө, тилекке каршы, административдик чараларды колдонууга да туура келип жатат. Эпидемиялык кырдаал курчуган убактан бери медициналык мекемелерде сегиз жетекчи кызматтан алынды, дагы сегиз жетекчиге катуу сөгүш берилди", — деди Үсөнбаев.

Ошондой эле ал мындай административдик көзөмөл ар дайым жүргүзүлүп турарын белгиледи.

3
Белгилер:
кызматтан алуу, жетекчи, Нурболот Үсөнбаев
Тема:
Коронавируска байланыштуу Кыргызстандагы кырдаал
Тема боюнча
COVID: Кыргызстанда 13 киши өтө оор абалда реанимацияда жатат
Коронавирустун белгилери байкалса кайда кайрыласыз? Министрликтин жообу
Блокпост. Архив

Баткенге кайрадан чектөө киргизилип, коомдук транспорт токтоду. Тизме

17
(жаңыланган 12:21 28.09.2020)
Соңку жумада өлкөнүн Баткен облусунда ооруга чалдыккандардын саны көбөйгөнү байкалууда. Илдетти мындан ары жайылтпаш үчүн аймактын штабы кошумча эрежелерди киргизди.

БИШКЕК, 28-сен. — Sputnik. Баткен облусунда эпидемиологиялык кырдаал курчуп жаткандыктан облустук штабдын чечими менен дагы бир нече чектөөлөр кабыл алынды. Бул тууралуу Республикалык штаб кабарлады.

КРде бир нече аптадан бери алгачкы өлүм катталды. COVID боюнча статистика

Ага ылайык, аталган аймакта төмөнкү чектөөлөр киргизилди:

  • 28-сентябрдан тарта облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулду;
  • мал базарлардын иши убактылуу токтотулду;
  • мечиттерде жамаат менен жума намаздарын окуу убактылуу токтотулду, күндөлүк беш убак жана жума намаздарын үй шартында окуу сунушталат;
  • облуска катуу көзөмөлдөгү бет кап режими киргизилди;
  • Баткен облусунун аймагына чек арадан өтүп жаткан Өзбекстан жана Тажикстандын жарандарын акыркы үч күндө алынган ПЦР-анализинин терс жыйынтыгы менен киргизүү чечими кабыл алынды;
  • базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жүргүзүү жана дезинфекциялоо иштерин күчөтүү тапшырылды. Ал эми баш ийбегендерге чара көрүүнү район жана шаар башчыларына милдеттендирилди;
  • шайлоого карата үгүт иштерин жүргүзүүдө, партиялардын санитардык эрежелерди, маска режимин, социалдык аралыкты сактоону көзөмөлдү күчөтүү, ал эми белгиленген талаптарды бузгандарга чара көрүү тапшырмасы берилди.
17
Белгилер:
чектөө, штаб, Баткен
Тема:
Коронавируска байланыштуу Кыргызстандагы кырдаал
Тема боюнча
ДССУ: бардык өлкөлөрдүн өкмөттөрү катаал карантин киргизүүгө даяр турушу керек
АКШ президенти Дональд Трамп. Архивдик сүрөт

Саясат таануучу: Трамптын Навальный жөнүндөгү "чуулуу окуяга" аралашкысы жок

0
(жаңыланган 12:26 28.09.2020)
Америкалык сенаторлордун тобу Алексей Навальный кабылган окуядан улам Россияга каршы санкция киргизүү жөнүндөгү мыйзам долбоорун алып чыкты. Sputnik радиосунун эфиринде саясат таануучу Владимир Можегов бул демилгени "абаны чайкоо" деп атап, себебин түшүндүрдү.

Америкалык сенаторлордун тобу Алексей Навальный боюнча окуядан улам Россияга каршы мыйзам долбоорун алып чыкканын республикачы сенатор Марко Рубионун сайтында жарыяланган.

Авторлордун пикири боюнча, документте "эл аралык укукту көз көрүнөө бузууга", анын ичинде Навальныйдын "ууланышына" тиешеси бар россиялык расмий адамдарга каршы чектөөлөрдү киргизүү да каралат.

Германия Алексей Навальныйды үн катпоого мажбурлайт. Саресеп

Мыйзам долбоору америкалык бийликтен Россиянын президенти Владимир Путин жана анын айланасындагылардын каржылары жөнүндө эмне белгилүү болсо, конгрессте отчет берүүнү талап кылат. Мындан тышкары, ал Ак үйдөн химиялык жана биологиялык куралды пайдаланууга тыюу салган АКШнын мыйзамдарын бузган-бузбаганына жооп берүүгө милдеттендирет.

Марко Рубиодон сырткары, документти республикачы сенатор Митт Ромни, ошондой эле демократтар Крис Кунс, Бен Кардин жана Крис Ван Холлен да кубаттайт. Мыйзам долбоорунун кабыл алынышы үчүн аны сенат жана өкүлдөр палатасы колдоп, АКШ президенти кол коюуга тийиш.

Sputnik радиосунун эфиринде саясат таануучу Владимир Можегов сенаторлордун демилгеси боюнча оюн мындайча билдирди: "Бул коомдук иш. Кандай отчеттор болсун? Таптакыр болбогон нерселер. Булардын баары шайлоо алдындагы шыкактоо. Анан да Навальныйдын иши демократтардын күн тартибинде. Республикачылар буга кыйылып жатып кошулушкан. Менимче, мындан ары колдошпойт. Кандай болгон күндө да мунун баарына Трамп өтө этияттык менен алып келди. Мамлекеттик катчы Майк Помпео окуянын бардык фактылары белгилүү болгондо гана реакция кылуу керектигин айткан, азырынча эмне болуп жатканы анча так эмес", —дейт Владимир Можегов.

Россия Германияга кол суна албайт. Учурдагы жагдайга сереп

Анын пикиринде, америкалыктар Навальный жөнүндө маалыматтарды немецтерден ала алышмак, бирок алардан өтүнүч түшө элек.

"Бул санкциялар үчүн кандайдыр бир негиз болмок, бирок андай өтүнүчтөр али түшө элек. Ошол себептен мунун баары мага абаны чайкоо болуп сезилүүдө... Бул кандайдыр күңүрт окуя, ошондуктан Трамп ага аралашкысы, демократтардын алдамчылыгына илешкиси жок. Менимче, демократтар бул теманы пиар кылууну күчөтүшөт, ал эми Трамп булардын баарынан оолак турат", – деп эсептейт саясат таануучу.

Алексей Навальный учакта абалы начарлап, Омскиде 20-августта ооруканага жаткырылган. Врачтар зат алмашуусу бузулганын, андан улам канда канттын көлөмү кескин түшүп кеткенин аныкташкан. Ага эмне себеп болгону азырынча белгисиз, бирок Навальныйдын каны жана заарасынан уулуу зат табылган эмес. Кийинчерээк аны Германияга которушкан.

Сентябрдын башында немец өкмөтү россиялык жаран "Новичок" деп аталган согуштук заттардын субстанциясы менен ууландырылганын жарыялашкан. Москва берлиндик лабораториянын анализдеринин жыйынтыгы тууралуу толугураак маалымат сурап кайрылган, бирок жооп болгон эмес.

Россия ТИМи Берлиндин Навальный тууралуу билдирүүсүнө үн катты

Ошону менен бирге эле германиялык BND чалгын кызматынын 1990-жылдардан бери "Новичокту" алууга мүмкүнчүлүгү бар экени белгилүү. Андан сырткары, 20 батыш өлкөсү, атап айтканда, Улуу Британия, АКШ, Швеция, Чехия аны изилдеп келген.

Россия 1992-жылы, президенттин жарлыгына ылайык, химиялык курал чөйрөсүндөгү иштеп чыгууларын токтоткон, ал эми 2017-жылы андай заттардын бардык запасын жок кылган. Муну Химиялык куралга тыюу салуу боюнча эл аралык уюм да тастыктаган.

0
Белгилер:
өтүнүч, санкциялар, Россия, АКШ, Дональд Трамп