Бирдиктүү терезе аталышындагы мамлекеттик кызмат көрсөтүүнүн кошумча борборлору ачылды

Караколго келип убара болбойт. Көлдүн райондорунда "Бирдиктүү терезе" ачылды

73
(жаңыланган 12:18 02.09.2020)
Эми тургундар тийиштүү иш кагаздарын алуу үчүн облустун борбору Каракол шаарына келип, убарагерчилик тартышпайт.

БИШКЕК, 2-сен. — Sputnik. Ысык-Көл облустук ички иштер башкармалыгында (ОИИБ) "Бирдиктүү терезе" аталышындагы мамлекеттик кызмат көрсөтүүнүн кошумча борборлору ачылды. Бул тууралуу облустук милициянын маалымат кызматы билдирди.

  • В Иссык-кульской области открылись Центры предоставления государственных услуг МВД КР в режиме Единого окна
    Ысык-Көл облустук ички иштер башкармалыгында (ОИИБ) "Бирдиктүү терезе" аталышындагы мамлекеттик кызмат көрсөтүүнүн кошумча борборлору ачылды
    © Фото / пресс-служба УВД Иссык-кульской области
  • В Иссык-кульской области открылись Центры предоставления государственных услуг МВД КР в режиме Единого окна
    Бул тууралуу облустук милициянын маалымат кызматы билдирди
    © Фото / пресс-служба УВД Иссык-кульской области
  • В Иссык-кульской области открылись Центры предоставления государственных услуг МВД КР в режиме Единого окна
    Облус тургундарынын арасында коронавирус илдетинин жайылышына жол бербөө жана карантиндик режимди сактоо максатында Тоӊ, Ысык-Көл, Жети-Өгүз райондук ички иштер бөлүмдөрүндө жана Балыкчы шаардык милициясынын базаларында "Бирдиктүү терезе" принцибинде иштеген мамлекеттик кызмат көрсөтүүнүн кошумча борборлору ачылды
    © Фото / пресс-служба УВД Иссык-кульской области
1 / 3
© Фото / пресс-служба УВД Иссык-кульской области
Ысык-Көл облустук ички иштер башкармалыгында (ОИИБ) "Бирдиктүү терезе" аталышындагы мамлекеттик кызмат көрсөтүүнүн кошумча борборлору ачылды

Облус тургундарынын арасында коронавирус илдетинин жайылышына жол бербөө жана карантиндик режимди сактоо максатында Тоӊ, Ысык-Көл, Жети-Өгүз райондук ички иштер бөлүмдөрүндө жана Балыкчы шаардык милициясынын базаларында "Бирдиктүү терезе" принцибинде иштеген мамлекеттик кызмат көрсөтүүнүн кошумча борборлору ачылды.

Эми аталган аймактардын тургундары тийиштүү иш кагаздарын алуу үчүн мурдагыдай облустун борбору Каракол шаарына келип, убарагерчилик тартышпайт.

Базар-Коргон милициясы ата-энеси кырсыктап көз жумган 7 бир тууганга жардам берди

"Бирдиктүү терезе" борборунда адамдын соттолгон-соттолбогону боюнча маалым каттарды, кооптуу жүк ташыган транспорт каражаттарына уруксат кагаздарын, жарандык жана кызматтык курал-жаракты, кооптуу жардыргыч материалдарды жана пиротехникалык буюмдарды кабыл алууга жана берүүгө лицензия, уруксат кагаздары тапшырылат", — деп айтылат билдирүүдө.

Милициядан кошумчалагандай, "Бирдиктүү терезе" принциби киргизилгенден баштап зарыл документтерди чогултуу үчүн убакыт үнөмдөлөт. Справкаларды алуу тартиби кыйла жөнөкөйлөшүп, аларды берүү мөөнөтү кыскарат. Соттолгондугу же болбосо соттолбогондугу жөнүндө маалым кат 10 жумуш күнүндө акысыз берилет.

73
Белгилер:
кызмат көрсөтүү, бирдиктүү терезе, Ысык-Көл, милиция
Тема боюнча
Караколдо тойдун кортежин коштоп чыккан айдоочулар жазаланды. Видео
Ош облусунун Өзгөн районунда 200 орундуу мектептин курулушу аяктап, ишке берилди

Өзгөндө 200 орундуу мектеп курулуп, пайдаланууга берилди. Сүрөт

3
Курулуш иштерине республикалык бюджеттен 32 миллион 700 миң сом бөлүнгөн. Мектептин спорт залынын курулуш иштери уланууда.

БИШКЕК, 22-сен. — Sputnik. Ош облусунун Өзгөн районунда 200 орундуу мектептин курулушу аяктап, ишке берилди. Бул тууралуу Билим берүү жана илим министрлигинен билдиришти.

 

  • Церемония открытия новой школы на 200 мест в Узгенском районе Ошской области
    Ош облусунун Өзгөн районунда 200 орундуу мектептин курулушу аяктап, ишке берилди
    © Фото / пресс-служба Министерства образования и науки КР
  • Церемония открытия новой школы на 200 мест в Узгенском районе Ошской области
    Алча-Башат айылында жайгашкан №86 Кысык-Алма орто мектебинин ачылышына министрликтин статс-катчысы Жапаркул Ташиев катышкан.
    © Фото / пресс-служба Министерства образования и науки КР
  • Начало строительствановой школы в Узгенском районе Ошской области
    Мындан сырткары, ушул эле райондун Жалпак-Таш айыл аймагына караштуу Т. Оморкулов атындагы мектептин жаңы 150 орундуу имаратынын (спорт залы менен бирге) курулушу башталды
    © Фото / пресс-служба Министерства образования и науки КР
  • Начало строительствановой школы в Узгенском районе Ошской области
    Аталган мектеп 1990-жылы салынган. Анын 1-корпусу 2015-жылдын 17-ноябрындагы жер титирөөдөн улам жараксыз абалга келген.
    © Фото / пресс-служба Министерства образования и науки КР
1 / 4
© Фото / пресс-служба Министерства образования и науки КР
Ош облусунун Өзгөн районунда 200 орундуу мектептин курулушу аяктап, ишке берилди

Алча-Башат айылында жайгашкан №86 Кысык-Алма орто мектебинин ачылышына министрликтин статс-катчысы Жапаркул Ташиев катышкан.

 

"Мектептин курулушу 2015-жылы башталып, республикалык бюджеттен 32 миллион 700 миң сом бөлүнгөн. Мектептин ашканасы заманбап талапка ылайык салынган. Компьютердик классы бар. Мектептин спорт залынын курулуш иштери уланууда", — деп айтылат маалыматта.

Мындан сырткары, ушул эле райондун Жалпак-Таш айыл аймагына караштуу Т. Оморкулов атындагы мектептин жаңы 150 орундуу имаратынын (спорт залы менен бирге) курулушу башталды.

Аталган мектеп 1990-жылы салынган. Анын 1-корпусу 2015-жылдын 17-ноябрындагы жер титирөөдөн улам жараксыз абалга келген. Курулуш иштерине республикалык бюджеттен 54 миллион сом бөлүнгөнү маалым болду.

3
Белгилер:
Билим берүү жана илим министрлиги, курулуш, курулуш материалдары, Өзгөн
Тема боюнча
Министрлик: окуучулар мектепке октябрда барар-барбасы арсар
Сиэтл Сихокс командасынын башкы машыктыруучусу Пит Кэрролл. Архивдик сүрөт

Америка футболунун бет капсыз насаатчысы 100 миң доллар айыпка жыгылды

11
Башкы машыктыруучусунун бет кабы жок болгону үчүн "Сихокс" клубу да айыпка жыгылып, 250 миң доллар төлөмөй болду.

БИШКЕК, 22-сен. — Sputnik. АКШдагы Улуттук футбол лигасы (УФЛ, америкалык футбол) "Сиэтл Сихокс" командасынын башкы машыктыруучусу Пит Кэрроллго бет капсыз жүргөнү үчүн 100 миң доллар айып салды. Бул тууралуу аталган спорттук уюмдун сайтында айтылганын РИА Новости жазды.

Насаатчы өз командасы "Нью-Ингленд Пэтриотс" клубун кабыл алган оюнда бет кап тагынган эмес. Беттеш жекшемби күнү Сиэтл шаарында өтүп, талаа ээлери 35:30 эсебинде утуп алышкан. Башкы машыктыруучусунун бет кабы жок болгону үчүн "Сихокс" клубу да айыпка жыгылып, 250 миң доллар төлөмөй болду.

КРдеги футболдук үч клубга айып салынды. Машыктыруучу 50 миң сом төлөйт

Жекшемби күндөгү оюндарда бет капсыз иштегендиги үчүн башкы машыктыруучулар Кайл Шэнахен ("Сан-Франциско Форти Найнерс" клубу), Вик Фанхио ("Денвер Бронкос"клубу) жана алардын клубдарына ушундай эле өлчөмдөгү айып салынган.

11
Белгилер:
жаза, айып, бет кап, Америка
Тема боюнча
Штаб: коомдук жайларда бет кап тагынбагандар эми жазаланышы мүмкүн