Бишкек шаарынын вице-мэри Азиз Алымкулов. Архивдик сүрөт

Урматсыз ижарачылар! Бишкектин вице-мэри "алдамчыларга" кайрылды

268
(жаңыланган 14:40 02.09.2020)
Мэрдин орун басары участок 10 жыл мурун кандай ыкма менен ижарага берилгенин жана азыркы макулдашуу боюнча иштин жөнүн айтып берди.

БИШКЕК, 2-сен. — Sputnik. Бишкек шаарынын вице-мэри Азиз Алымкулов жер тилкелерин ижарага алган адамдарга кайрылып, аларды "урматсыз" деп атады.

Алымкулов брифинг учурунда 10 жыл мурун мэрия жер тилкелерин конкурс жана аукциону жок арендага берип келгенин айтты. Бирок ижарага алган тарап көп кабаттуу имарат кургандан кийин мэрияга белгилүү бир аянтын (батир) бериши керектигин белгилейт. Аны муниципалитет социалдык жактан муктаж адамдарга жана турак жайы жок дарыгерлерге, мугалимдерге жана башка муниципалдык кызматкерлерге берүүнү пландаган.

"Тилекке каршы, көптөгөн компаниялар жер тилкени алары менен сот органы аркылуу токтомдогу аталган пунктту алдырып салышкан. Муну менен курулган имараттын кайсы бир аянтын бөлүп берүү багытындагы иштер токтоп калган", — деди вице-мэр.

Бишкектин чок ортосунда нааразычылык акциясы өтүп жатат. Сүрөт

Мэрия берилген жерлер боюнча келишимдин аткарылышын шарттаган документти иликтеп чыккан. Бул жерде жалпы аянты беш гектарды түзгөн 35 участок тууралуу кеп болуп жатат. Учурда муниципалитет 6 300 чарчы метр жердин кошумча келишимине кол койду.

Алымкулов 35 жер тилкенин 30у өздөштүрүлбөй калганын билдирди. Муну менен ижарачылар же жер участокту кайтарбай, же мэрияга батир бербей жатканын белгилейт.

"Биз бул жер тилкелери боюнча бардык сотко чейинки этаптардан өттүк. Мен азыркы ээлерине кайрылып кетет элем. Урматтуу, а балким, бизге урматсыз ижарачылар! Биз силерди мэрияны алдап кетти деп эсептейбиз. Сентябрдан тарта келишимдеги милдеттемелерди аткарбаган тараптар менен макулдашууну бир тараптуу токтотобуз", — деди Алымкулов.

Ошондой эле ал мэрия бул ишти аягына чыгарууга белсенгенин эскертти.

268
Белгилер:
жер тилкеси, жер, ижара, Бишкек мэриясы
Тема боюнча
Бишкектин чок ортосунда нааразычылык акциясы өтүп жатат. Сүрөт
Мэрия эми имараттарды ижарага онлайн-аукцион аркылуу гана берет
Мэрия Бишкектеги ондогон жарнама такталарды алат
Аэропорт Манас жанында кишилер. Архив

"Манас" аэропортундагы узун кезек. Жүргүнчү бүгүнкү окуяны сүрөттөдү

18
(жаңыланган 12:32 27.09.2020)
Аэропорттун маалымат катчысы Алия Курбанова "бир эле эшиктен киргизип-чыгарып жатат" деген маалымат чындыкка дал келбей турганын айтты.

БИШКЕК, 27-сен. — Sputnik. "Манас" эл аралык аэропортунда бүгүн эртең менен жүргүнчүлөрдүн узун кезеги жаралды. Бул тууралуу Facebook баракчасынын "Кара тизме" тайпасына Черик Сыдыков аттуу колдонуучу жазды.

"27-сентябрь. "Манас" аэропорту. Бул жакта башаламандык орун алды. Бир эле эшик ачык. Аэропортко ушул эле эшик менен киргизип-чыгарып жатышат. "1,5 аралыкты сактагыла" дейт. Бир жакка учуп кетчүлөр болсо, аэропортко эртерээк келгиле. Болбосо учакка жетишпей калышыңар ыктымал", — деди Сыдыков.

Ал эми аэропорттун маалымат катчысы Алия Курбанова "бир эле эшиктен киргизип-чыгарып жатат" деген маалымат чындыкка дал келбей турганын айтты.

"Терминалда кирип-чыгуу үчүн өз-өзүнчө эшиктер бар. Ошол эле учурда аэропортко билети бар, бет кап тагынган, уча турчу жүргүнчүлөр гана киргизилет. Алар дезинфекциялоочу тоннелдер аркылуу өтөт. Бул иш-аракеттин баары коронавирус инфекциясынын жайылып кетүүсүн алдын алуу максатында жүргүзүлүүдө. Биз адамдарды аралыкты сактоого чакырып жатабыз. Бирок аны баары эле аткарган жок. Ошондой эле жүргүнчүлөрдү коштоп келгендер да кезекке туруп алган учурлар катталып жатат", — деди Курбанова.

"Манас" эл аралык аэропорту бардык жүргүнчүлөрдү жүргүзүлүп жаткан иш-аракеттерге түшүнүү менен мамиле кылуусун суранып, уча турчуларды аэропорттун аймагына эртерээк келүүгө чакырды.

18
Белгилер:
коронавирус, видео, кезек, аэропорт, Бишкек, Кыргызстан
Тема боюнча
Өзбек авиакомпаниясы Бишкекке каттамдарын 1-октябрдан тарта көбөйтөт
Медициналык кызматкерлер ооруканада. Архив

ДССУ: бардык өлкөлөрдүн өкмөттөрү катаал карантин киргизүүгө даяр турушу керек

18
(жаңыланган 12:35 27.09.2020)
ДССУ өкүлүнүн айтымында, катуу чектөөлөр болбосо, жакын арада коронавирустан көз жумгандардын саны 2 миллионго жетип калышы ыктымал.

БИШКЕК, 27-сен. — Sputnik. Дүйнөнүн бардык өлкөлөрүнүн өкмөттөрү COVID-19дан өлүмдүн саны көбөйүп кетпеши үчүн кайрадан катаал карантин киргизүүгө даяр болушу керек. Бул тууралуу Дүйнөлүк саламаттык сактоо уюмунун (ДССУ) өзгөчө кырдаалдар боюнча программасынын жетекчиси Майк Райанга шилтеме берип ВВС жазды.

Райандын айтымында, мындай чектөөлөр болбосо, жакын арада коронавирустан көз жумгандардын саны 2 миллионго жетип калышы ыктымал. Ал жакын арада вакцина чыгарын жана дарылоо ыкмалары бир топ жакшырарын айтып, ошол эле учурда бул нерселер өлүмдүн азаюусуна анча жакшы жардам бере албасын кошумчалады.

ДССУ: коронавирустан дагы миллион адам ажал табышы мүмкүн

"Болгон аракетибизди жумшабасак, тилекке каршы, өлгөндөрдүн саны кескин өсүп кетиши ыктымал”, — деди жетекчи.

Жон Хопкинс университетинин акыркы маалыматына караганда, дүйнөдө коронавирус жуктургандардын саны 32,7 миллионго жетти. Алардын арасынан 993 миң киши каза болуп, 22,6 миллион киши сакайды.

18
Белгилер:
Дүйнөлүк саламаттыкты сактоо уюму, өлүм, чектөө, карантин, пандемия, коронавирус
Тема боюнча
Коронавирустан айыккандардан жуктургандар көбөйдү. Статистика