Первоклассники школы-гимназии №24 пришли на занятия впервые, после начала эпидемиологической ситуации связанной с COVID-19. 01 сентября 2020 года

Тескери басылган герб, гимн. Окуу китептеги одоно ката боюнча министрлик жооп берди

788
(жаңыланган 18:02 02.09.2020)
Колдонуучу одоно катаны "Кыргызстандын тарыхы жана дүйнөлүк тарых" аттуу окуу китебинен көргөн. Ал болгондо да китептин эң биринчи бетинде экени көрүнүп турат.

БИШКЕК, 2-сен. — Sputnik. Соцтармакта окуу китебинин биринчи бетинде өлкөнүн негизги атрибуттары болгон герб, туу жана гимн тескерисинен басылган видео пайда болду.

Аталган видеону Facebook тармагына Сара Камалова аттуу колдонуучу жарыялаган.

Айтымында, бул катаны ал 5-класстардын "Кыргызстандын тарыхы жана дүйнөлүк тарых" аттуу окуу китебинен көргөн. Мөөр басылган китепти Бишкек шаарындагы № 74 мектептен алышкан.

"Жаңы тарых китеби. Орус тилдүү мектептердеги 5-класстар үчүн чыгарылган. Китеп жаңы, бирок барактаганда эле одурайган катасы билинет. Болгондо да мамлекеттик атрибуттарыбызды тескерисинен басып чыгарышкан. Буга ким күнөөлүү, басмакананын кызматкерлериби же даяр басылып бүткөн жаңы окуу китебин көздөн өткөрүп, текшерип көзөмөлдөп туруп анан колдонууга чыгарган Билим берүү министрлигиби?!... Башка бети тескерисинен басылса да унчукмак эмесмин, көз жумуп койсок болмок, бирок биринчи бети, болгондо да эгемендүү Кыргызстаныбыздын мамлекеттик герб, гимн, тууларын тескери басып чыгып, аны окуучуларга таркатып жаткандарга эмне десек жарашат?!..." — деп жазган ал.

Билим берүү жана илим министрлиги китепте мөөр басылганына ынангандан кийин гана жооп берди.

Жусупбекова: китеп басып чыгарууда басмаканалардын жоопкерчилиги күчөтүлөт

"Интернет тармагында жайылып жаткан 5-класстар үчүн "Кыргызстандын жана дүйнөнүн тарыхы" китебинин биринчи бетинде мамлекеттик гимн, герб жана туу тескери басылып, полиграфиялык ката кеткен. Республиканын жалпы билим берүү уюмдарына окуу китеп жеткирилгенде китепканачы аларды карап чыккандан кийин гана кабыл алат. Министрлик буга чейин бардык тиешелүү билим берүү уюмдарына полиграфиялык ката кеткен китептер болсо, аны алмаштыруу боюнча нускама жөнөткөн. Кокус ушундай учурлар аныкталып калса, басмакана тарабынан китептер алмаштырылып берилет. Бишкек шаарындагы №74 мектеп-лицейинде катталган бул жалгыз гана учур", — деп айтылат министрликтин маалыматында.

Мектеп жетекчилигине аталган китепти ата-эне менен байланышып алмаштырып берүү боюнча тапшырма берилгени кошумчаланды.

788
Белгилер:
социалдык тармак, колдонуучу, пост, гимн, герб, ката, китеп, Кыргызстан
Тема боюнча
Беш тилде окуса болот. Баткенде 22 мектепке электрондук китепкана орнотулду
Женевадагы БУУнун имараты. Архивдик сүрөт

БУУнун Коопсуздук кеңеши Карабахтагы эрегиш боюнча билдирүү жасады

6
(жаңыланган 10:10 30.09.2020)
Коопсуздук кеңеш Армения менен Азербайжанды тез арада тирешүүнү токтотуп, алдын ала шарт койбой сүйлөшүү жолуна түшүүгө чакырды.

БИШКЕК, 30-cен. — Sputnik. Бириккен Улуттар Уюмунун Коопсуздук кеңеши Тоолуу Карабахтагы жаңжалдын айланасында ири масштабдуу согуштук аракеттер жөнүндө билдирүүлөр айтылып жатканына тынчсыздануусун билдирди. Бул туурасында РИА Новости жазды.

БУУнун Коопсуздук кеңешинин төрагасы Абду Абарри кеңештин мүчөлөрү талкуунун жыйынтыгында ушундай чечимге келгенин айткан.

"Алар (Коопсуздук кеңешинин мүчөлөрү — ред.) күч колдонулушун катуу айыптап, адамдардын набыт болушуна өкүнүүсүн билдиришти", — деп айткан Абарри.

Армения менен Азербайжандын башчылары телеэфирде катуу билдирүү жасашты

Коопсуздук кеңеш Армения менен Азербайжанды тез арада эрегишүүнү токтотуп, алдын ала шарт койбой сүйлөшүү жолуна түшүүгө чакырды. Ошондой эле Европадагы Коопсуздук жана кызматташтык уюмундагы (ЕККУ) Минск кеңешмесинин алкагында толук колдоо боло турганын билдирген.

Карабахтагы жаңжал

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялады.

Белгилей кетсек, Карабах чыры 1988-жылдын февраль айында башталган. Анда Карабах автономдуу облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ЕККУ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

Кырдаал боюнча Кыргызстан өз позициясын айтып, эки тарапты тең тынчтык жолу менен сүйлөшүүгө чакырды. Аны менен катар маселени чечүү жолун издөөгө көмөктөшүү үчүн даярдыгын билдирди.

6
Белгилер:
Жаңжал, Азербайжан, Армения, Тоолуу Карабах
Тема боюнча
Тоолуу Карабах: Азербайжан менен Армения согушту токтотуп, кепке келеби. Видео
ЖККУ Карабахтагы абал боюнча тынчсыздануусун айтты. Башкы катчынын билдирүүсү
Биометрикалык тершерүүдөн өтүп жаткан шайлоочу. Архив

437 миңден ашык кыргызстандык добуш берүү укугунан ажырады. Себеби

19
(жаңыланган 10:02 30.09.2020)
КМШ өлкөлөрүнөн келген байкоочулар миссиясы да форма №2 менен добуш берүүнү каалаган шайлоочулар көп экенин белгилешти.

БИШКЕК, 30-сен. — Sputnik. Добуш берүү укугу бар 437 384 кыргызстандык жаран биометрикалык каттоодон өтпөй, Жогорку Кеңештин депутаттарын шайлоого катыша албайт. Бул тууралуу КМШнын байкоочу миссиясынын КРдеги парламенттик шайлоого жүргүзүлгөн байкоолор тууралуу отчетунда айтылат.

Миссия өз отчетунда Мамлекеттик каттоо кызматындагы маалыматтарга таянган. Мамкаттоо БШК менен биргеликте жүргүзгөн аракеттеринин негизинде биометрикалык маалыматтарын тапшыра элек жарандар 2017-жылга салыштырмалуу 300 миңге азайганы айтылды.

Кайсы облуста шайлоочулардын саны көп? Тизме

КМШ байкоочулар миссиясы ошондой эле шайлоо дареги боюнча (форма № 2) добуш берүүнү чечкен жарандардын саны көп экенин белгилейт. Мындай укуктан пайдаланган шайлоочулардын саны 488 124тү түзөт.

Жогорку Кеңешке шайлоо 4-октябрга белгиленген. БШКнын маалыматына ылайык, добуш берүүгө 3 миллион 523 миң 532 шайлоочу катыша алат. Парламенттеги 120 депутаттык мандат үчүн 16 саясий партия ат салышууда.

19
Белгилер:
Кыргызстан, БШК, тизме, шайлоо, Биометрикалык маалыматтар
Тема:
Шайлоо-2020
Тема боюнча
Шайлдабекова: шайлоодо жарым млн. адам №2 форма менен добуш бермей болду