Кыргыз өзбек чек арасынан өтүп аткан жаран. Архивдик сүрөт

Кыргызстан менен Өзбекстан чек арасын ачып, элди кабыл ала баштады

418
(жаңыланган 17:05 02.09.2020)
Мындан ары коңшу өлкөлөрдүн жарандары эки жакка тең чектөөсүз кире алышат. Ошол эле учурда санитардык талаптар да аткарылышы керек.

БИШКЕК, 2-сен. — Sputnik. Бүгүндөн баштап Кыргызстан менен Өзбекстандын чек ара бекеттеринде жарандардын жана транспорттун кирип-чыгуусуна коюлган чектөөлөр алынды. Бул тууралуу Мамлекеттик чек ара кызматы кабарлады.

Мындан ары коңшу өлкөлөрдүн жарандары эки жакка тең чектөөсүз кире алышат. Бирок санитардык-эпидемиологиялык талаптарды кынтыксыз аткаруу талап кылынат.

Чек ара, инвестиция... Мадумаров Өзбекстандын премьери Арипов менен жолукту

Төмөнкү эрежелер сакталышы керек:

  • Соңку 14 күндө Кыргызстанда жүргөн же акыркы 72 сааттын ичинде алынган коронавирустун терс жыйынтыгын көрсөткөн ПЦР-тест тууралуу маалым каты барлар Өзбекстанга киргенде карантиндик көзөмөлгө алынбайт;
  • Кыргызстандын жана Өзбекстандын жарандары өткөрүү жайларында термометрия менен текшерилип, анкета толтурушат;
  • Кыргызстандан Өзбекстанга чыккан жана Кыргызстандын аймагында гана болуп келген өзбекстандыктар чек арадан өтүп жатканда карантиндик көзөмөлгө алынбайт.
  • Башка учурларда чек арадан өтүп жаткан жарандар бекитилген тартипке ылайык карантиндик көзөмөлгө алынат.

Кыргыз-өзбек жарандары "Достук", "Кызыл-Кыя", "Кадамжай", "Маданият" жана "Баймак-автожол" бекеттери аркылуу өтөт.

Ташкентте кыргыз-өзбек чек арасы боюнча эки протоколго кол коюлду

Ал эми транспорт каражаттары "Кадамжай", "Достук" жана "Кызыл-Кыя" көзөмөл өткөрүү жайлары аркылуу кирип-чыга алышат.

Эскерте кетсек, 1-сентябрдан баштап Өзбекстан COVID-19 боюнча эпидемиологиялык абалы турукташкан өлкөлөрдүн тизмегине кирген.

418
Белгилер:
көзөмөл өткөрүү пункту, кыргызстандыктар, чек ара, Өзбекстан
Тема:
Коронавируска байланыштуу Кыргызстандагы кырдаал (2250)
Тема боюнча
Жээнбеков: чек араны ачууда чет жактагы эпидемиологиялык абалды карайлы
Кыргызстан 31 өлкөнүн жарандарына чек арасын ачты. Тизме
Премьер-министр Кубатбек Боронов. Архив

Боронов РФте көпүрө урап жабыркаган мекендештерге жардам берүүнү тапшырды

35
(жаңыланган 10:25 28.09.2020)
Кечээ Москва облусундагы логистикалык ишканада жөө адамдар өтүүчү көпүрө урап, андан ондогон кыргызстандык жабыркаган.

БИШКЕК, 28-cен. — Sputnik. Премьер-министр Кубатбек Боронов Кыргызстандын Россиядагы элчиси Аликбек Жекшенкулов менен телефон аркылуу сүйлөшүп, көпүрөнүн урашынан жаракат алган мекендештерге жардам көрсөтүүнү тапшырды. Бул тууралуу өкмөттүн маалымат кызматы кабарлады.

Россияда кыргызстандыктар жабыркаган кырсыктын болжолдуу себеби айтылды

Эске салсак, 27-сентябрь күнү Россиянын Москва облусундагы FM LOGISTIC  логистикалык ишканасында (кампа комплекси) жөө адамдар өтүүчү көпүрө урап, андан кыргыз жарандары жабыркаганы айтылган. Соңку маалыматтар боюнча, 51 кыргызстандык ар кандай жаракат алган

"Өкмөт башчы элчи Алибек Жекшенкуловго кырсыктан жабыр тарткан мекендештерге медициналык жардам көрсөтүүнү жана аларды ооруканаларга жайгаштырууну тапшырды. Ошондой эле мекендештердин дарылануусун жеке көзөмөлүнө алышы керектигин белгиледи", — деп айтылат маалыматта.

Боронов муну менен катар Жекшенкуловго кырсыктын келип чыгышын иликтеген Россиянын укук коргоо органдарынан маалыматтарды байма-бай алып турууну жана алар менен биргеликте иш жүргүзүшү керектигин айткан.

35
Белгилер:
тапшырма, жардам, мекендештер, Аликбек Жекшенкулов, Кубатбек Боронов, Россия, Кыргызстан
Тема боюнча
Россияда мекендештерди чек арадан өткөрөм деп алдап кеткен шылуун изделүүдө
Киши көкүрөгүн кармап турат. Архив

Инсульттун көпчүлүк биле бербеген алгачкы белгилери айтылды

110
(жаңыланган 09:59 28.09.2020)
Инсультту алдын алуу үчүн ар дайым кандагы канттын, холестериндин деңгээлин көзөмөлдөн чыгарбоо керек. Ошондой эле кан басымын өз чегинде кармоо зарыл.

БИШКЕК, 28-сен. — Sputnik. Казань медициналык университетинин доценти, неврология кафедрасынын жетекчиси Рустем Гайфутдинов жакындап келе жаткан инсульттун алгачкы жана байкала бербеген белгилерин айтты. Бул тууралуу РИА Новости агенттиги жазды.

Адистин пикиринде, инсульттун көпчүлүккө белгилүү беттеги симметриянын жоголушу, сүйлөөнүн бузулушу сыяктуу белгилеринен тышкары төмөндөгүлөргө көңүл буруу зарыл:

  • кан басымынын 220дан жогорулап кетиши;
  • жаак, тил жана манжалардагы сайгылашуу же эч нерсени сезбей калуу;
  • колдордун жакшы иштебей калышы;
  • көздүн көрүүсүнүн начарлашы;
  • баш ооруп, көңүл айнуу.

Ошондой эле инсульт болоруна аз калган кишинин башы айланып, кыймыл-аракети өтө жай болуп калат. Айрым учурда айланадагы нерселер көзгө кош кабат болуп көрүнө баштайт.

110
Белгилер:
оору, белги, инсульт
Тема боюнча
Коронавирустун мээ менен нерв системасына тийгизген таасири ачыкталды
Алайдын тоолору. Архивдик сүрөт

Түндө Алайда жер титиреди

0
(жаңыланган 10:45 28.09.2020)
Жердин титирегени Алай районунун Ачык-Суу, Жайылма жана Кашка-Суу айылдарында сезилген. Андан жабыркагандар жана кыйроолор болгон жок.

БИШКЕК, 28-сен. — Sputnik. Түндө Ош облусунун аймагында очогунда күчү 4 баллга жеткен жер титирөө катталды. Бул тууралуу Сейсмология институтуна таянуу менен ӨКМ кабарлады.

Түндө Таласта кар жаады. Видео

Жер бүгүн, 28-сентябрь күнү, саат 02:32де титиреген. Ал Алай районунун Ачык-Суу, Жайылма, Кашка-Суу айылдарында 3 баллга чейин сезилген.

Жер силкинүүдөн жабыркагандар жана кыйроолор болгон жок.

0
Белгилер:
жер титирөө, ӨКМ, Алай району, Ош
Тема боюнча
Табият албууттанганда. Кыргызстандагы жүрөк үшүн алган жаратылыш кырсыктары