Киши галстукту байлап жатат. Архив

МИК: мамлекеттик кызматкерлер насыя алуу үчүн коркутканга чейин барууда

161
(жаңыланган 14:54 03.09.2020)
Компаниянын билдиришинче, айрымдар жакында эле арыздарын бергенине карабастан тез арада насыя берилүүсүн талап кылып, коркутканга чейин барышууда.

БИШКЕК, 3-сен. — Sputnik. Мамлекеттик ипотекалык компанияга түшкөн бардык арыздар берилген датасын эске алуу менен каралат. Бул тууралуу компаниянын маалымат кызматы кабарлады.

МИК жакында эле жеңилдетилген ипотека насыясын каржылоо үчүн Финансы министрлиги тарабынан 200 миллион сом өлчөмүндөгү транш алганын эске салды.

Ушуга байланыштуу айрым жарандар, айрыкча мамлекеттик кызматкерлер: жакында эле арыздарын бергенине карабастан тез арада насыя берилүүсүн талап кылып, коркутканга чейин барышканы айтылат.

МИК жеңилдик менен ипотека алуунун оңой жолун иштеп чыкты

Ошол эле учурда 700гө жакын киши эки жылдан ашык убакыттан бери жеңилдетилген ипотека насыясын күтүп жатканы белгиленди.

"Учурда арыздар электрондук түрдө киргизилип жатат. Ошондой эле мурда берилген кагаз түрүндөгү арыздар автоматташтырылган маалымат тутумунун базасына көчүрүлүп, мындан ары бардык анкеталар арыз берилген датасын эске алуу менен каралат", — деп айтылат маалыматта.

Мамлекеттик ипотекалык компания жарандарды бул өзгөрүүлөргө түшүнүү менен мамиле кылууга чакырды.

161
Белгилер:
мөөнөт, насыя, арыз, Мамлекеттик ипотекалык компания
Тема:
Мамлекеттик ипотекалык насыя берүү (62)
Тема боюнча
Медиктер менен мугалимдерге мамлекеттик ипотека берилет. Каражат булагы айтылды
Модель көргөзмө учурунда. Архив

60 жаштагы модель жаштык сырлары менен бөлүштү

6
(жаңыланган 09:03 30.09.2020)
Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн билдирген. Ошондон бери ал өзүн модель катары көрсөтүп келет.

БИШКЕК, 30-сен. — Sputnik. 60 жаштагы англиялык ишкер аял, интерьер дизайнери жана модель Шери Дэвенпорт Daily Mail агенттигине жаштык сырлары менен бөлүшкөн. Бул тууралуу РИА Новости кабарлады.

Маалым болгондой, Шери этек кири биротоло токтогондон кийин тамактануу рационун өзгөртүп, тамак-аш кошулмаларын колдоно баштаган. Ошондой эле дене тарбия көнүгүүлөрүн жасоону таштаган эмес.

"Азыр өзүмдү 50 жаштагыдан да жакшы сезем. Мен гормон алмаштыруу терапиясынан баш тартып, анын жөнөкөй жолун таптым. Тагыраагы, өсүмдүк экстрактынан жасалган дарыларды колдоно баштадым. Мындан сырткары, кофеин, ичимдик, кумшекерди рациондон чийип салгам. Кызыл эт, тоок этин да жебейм, балыкты гана пайдаланам. Косметологго барып, сапаттуу гана косметикаларды колдоном. Сөөк, муундар бекемдесин деп тамак-аш кошулмаларын алам. Ар таңда медитация жасап, андан кийин спорт менен машыгам. Сальса дагы бийлейм", — деген ал.

Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн кошумчалаган. Ошондон бери ал өзүн модель катары көрсөтүп келет.

Ишкер аялдын учурда башы бош. Ал бир баланын апасы, эки неберенин чоң энеси. Уулу 39 жашта.

6
Белгилер:
дизайнер, сыр, сулуулук, жаштык, модель, Англия
Тема боюнча
Жаштык жана сулуулукту көпкө сактоочу азык айтылды
Паста. Архив

Бөдөнөнүкү пайдалуу. Чийки жумуртка кошулган тамактын кооптуулугу айтылды

20
(жаңыланган 08:31 30.09.2020)
Адистин айтымында, чийки жумуртканын курамында ууланууга алып келүүчү сальмонелла бактериясы болушу мүмкүн.

БИШКЕК, 30-сен. – Sputnik. Ресторандагы карбонара пастасы, тирамису десерти жана курамына чийки жумуртка кошулган тамактар кооптуу болот. Мындай пикирди ветеринар-дарыгер Алексей Кухно ForPost порталына берген маегинде айтканын РИА Новости жазды.

Анын белгилешинче, чийки жумуртканын курамында ууланууга алып келүүчү сальмонелла бактериясы болушу ыктымал. Адис мындан көрө тамак даярдоодо бөдөнөнүн жумурткасын пайдаланууну сунуш кылат. Ал кооптуу инфекциянын болушун жокко чыгарат.

Диетолог организмге пайдалуу деп жүргөн азыктардын зыянын айтып берди

"Бөдөнөнүн дене табы жогору, 40 градустан ашык болгондуктан, алар сальмонеллез илдети менен оорубайт. Эгер патоген (оорунун козгогучу) организмге кирип калса, анда ал жашап кете албайт", — деген Алексей Кухно.

Ошондуктан дарыгер коомдук тамактануу жайларында жогоруда кооптуу деп айтылган тамак-аштарга буюртма берүүдөн карманууга чакырат.

20
Белгилер:
кооптуулук, уулануу, ден соолук, тамак-аш
Тема боюнча
Чөнтөккө да күч келбейт, ден соолукка да пайдалуу. Диетолог 7 азыкты санады