Окуучулар сүрөт тартуу сабагында. Архив

Бишкекте балдардын искусство мектептери кадимки режимде ишин жандантат

47
(жаңыланган 15:15 03.09.2020)
Бишкекте балдардын тогуз искусство жана бир көркөм мектеби бар. Сабакта эки-үч гана окуучу болот.

БИШКЕК, 3-сен. — Sputnik. Бишкектеги балдардын искусство мектеби офлайн режиминде ишин баштады. Бул тууралуу мэриянын маалымат кызматы билдирди.

Маданият, маалымат жана туризм министрлигинин 28-августундагы буйругуна ылайык, аталган мектептердин иштөөсүнө уруксат берилген. Анда санитардык эрежелерин кылдат сактоо талап кылынат.

Бишкекте балдардын тогуз искусство жана бир көркөм мектеби бар. Бул жерде балдар жекече билим алышкандыктан, сабакта эки-үч гана окуучу болот.

Кыргызстанда кинотеатрлар 25-сентябрдан тарта иштеши мүмкүн

Бардык мектептер COVID-19 илдетине каршы каражаттар менен жабдылып, дезинфекция жана желдетүү иштери такай жүргүзүлүп турат.

Буга чейин ата-энелер, балдар жана педагогдор мэрияга кайрылып, аталган мектептердин ишин жандантууну өтүнүшкөн. Алар бала онлайн-окуудан жетиштүү деңгээлде билим ала албай турганын, маселен, музыкалык аспаптын үнү экран аркылуу окуучуга толук жетпей каларын жүйө келтиришкен.

47
Белгилер:
Бишкек мэриясы, мектеп, искусство
Тема:
Коронавируска байланыштуу Кыргызстандагы кырдаал (2263)
Тема боюнча
Видеосабактарды кайра кайдан көрсө болот? Керектүү сайттардын тизмеси
Модель көргөзмө учурунда. Архив

60 жаштагы модель жаштык сырлары менен бөлүштү

10
(жаңыланган 09:03 30.09.2020)
Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн билдирген. Ошондон бери ал өзүн модель катары көрсөтүп келет.

БИШКЕК, 30-сен. — Sputnik. 60 жаштагы англиялык ишкер аял, интерьер дизайнери жана модель Шери Дэвенпорт Daily Mail агенттигине жаштык сырлары менен бөлүшкөн. Бул тууралуу РИА Новости кабарлады.

Маалым болгондой, Шери этек кири биротоло токтогондон кийин тамактануу рационун өзгөртүп, тамак-аш кошулмаларын колдоно баштаган. Ошондой эле дене тарбия көнүгүүлөрүн жасоону таштаган эмес.

"Азыр өзүмдү 50 жаштагыдан да жакшы сезем. Мен гормон алмаштыруу терапиясынан баш тартып, анын жөнөкөй жолун таптым. Тагыраагы, өсүмдүк экстрактынан жасалган дарыларды колдоно баштадым. Мындан сырткары, кофеин, ичимдик, кумшекерди рациондон чийип салгам. Кызыл эт, тоок этин да жебейм, балыкты гана пайдаланам. Косметологго барып, сапаттуу гана косметикаларды колдоном. Сөөк, муундар бекемдесин деп тамак-аш кошулмаларын алам. Ар таңда медитация жасап, андан кийин спорт менен машыгам. Сальса дагы бийлейм", — деген ал.

Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн кошумчалаган. Ошондон бери ал өзүн модель катары көрсөтүп келет.

Ишкер аялдын учурда башы бош. Ал бир баланын апасы, эки неберенин чоң энеси. Уулу 39 жашта.

10
Белгилер:
дизайнер, сыр, сулуулук, жаштык, модель, Англия
Тема боюнча
Жаштык жана сулуулукту көпкө сактоочу азык айтылды
Паста. Архив

Бөдөнөнүкү пайдалуу. Чийки жумуртка кошулган тамактын кооптуулугу айтылды

21
(жаңыланган 08:31 30.09.2020)
Адистин айтымында, чийки жумуртканын курамында ууланууга алып келүүчү сальмонелла бактериясы болушу мүмкүн.

БИШКЕК, 30-сен. – Sputnik. Ресторандагы карбонара пастасы, тирамису десерти жана курамына чийки жумуртка кошулган тамактар кооптуу болот. Мындай пикирди ветеринар-дарыгер Алексей Кухно ForPost порталына берген маегинде айтканын РИА Новости жазды.

Анын белгилешинче, чийки жумуртканын курамында ууланууга алып келүүчү сальмонелла бактериясы болушу ыктымал. Адис мындан көрө тамак даярдоодо бөдөнөнүн жумурткасын пайдаланууну сунуш кылат. Ал кооптуу инфекциянын болушун жокко чыгарат.

Диетолог организмге пайдалуу деп жүргөн азыктардын зыянын айтып берди

"Бөдөнөнүн дене табы жогору, 40 градустан ашык болгондуктан, алар сальмонеллез илдети менен оорубайт. Эгер патоген (оорунун козгогучу) организмге кирип калса, анда ал жашап кете албайт", — деген Алексей Кухно.

Ошондуктан дарыгер коомдук тамактануу жайларында жогоруда кооптуу деп айтылган тамак-аштарга буюртма берүүдөн карманууга чакырат.

21
Белгилер:
кооптуулук, уулануу, ден соолук, тамак-аш
Тема боюнча
Чөнтөккө да күч келбейт, ден соолукка да пайдалуу. Диетолог 7 азыкты санады