Киши кол чатыр менен шамал учурунда. Архив

Шашылыш билдирүү! Бишкек менен Чүйдө катуу шамал болот

123
(жаңыланган 17:54 03.09.2020)
Өзгөчө кырдаалдар министрлиги шаардыктар менен Чүй облусунун тургундарын сак болууга чакырды. Шамал 4-сентябрга караган түнү да болушу күтүлүүдө.

БИШКЕК, 3-сен. — Sputnik. Бишкек шаары менен Чүй өрөөнүндө күн күркүрөп, катуу шамал болушу күтүлүүдө. Бул тууралуу ӨКМдин маалымат кызматы кабарлады.

"Катуу шамал жакынкы бир саат аралыгында, кечинде жана түндүн биринчи жарымында болушу ыктымал", — деп айтылат маалыматта.

ӨКМ шаардыктар менен Чүй облусунун жашоочуларын сак болууга чакырды.

123
Белгилер:
аба ырайы, шамал, Чүй облусу, Бишкек, Кыргызстан
Тема боюнча
Ак-Сай жайлоосуна малчылар жакага түшө электе кар жаап салды. Видео
Медициналык кызматкер COVID-19 бейтаптын колун кармап турат

Соңку суткада коронавирустан Ош облусунда бир адам көз жумду

16
(жаңыланган 11:34 28.09.2020)
Кыргызстанда жайылгандан бери коронавирусту жуктуруп алгандардын саны 46 355 кишиге жетти. Өлкөдө аталган вирус кайрадан баш көтөрүүдө.

БИШКЕК, 28-сен. — Sputnik. Акыркы суткада Кыргызстанда COVID-19дан бир адам көз жумгандыгын Саламаттыкты сактоо министрлигинен кабарлашты.

“Соңку суткада коронавирустан Ош облустар аралык ооруканада дарыланып жаткан адам каза тапты”, -деп айтылган билдирүүдө.

Муну менен коронавирустан көз жумгандардын саны 1064 адамга жетти. Ал эми ооруну жуктуруп алгандардын саны 46 355 киши болду.

16
Белгилер:
каза болду, коронавирус, Ош облусу, Кыргызстан
Тема:
Кыргызстандагы коронавирус жуктуруп алгандар
Тема боюнча
"Манас" аэропортундагы узун кезек. Жүргүнчү бүгүнкү окуяны сүрөттөдү
Эмгек жана социалдык өнүктүрүү министрлигинин өкүлү Кульира Кубатова. Архивдик сүрөт

Кубатова: угуу жана сүйлөөсү начар адамдарга сурдокотормо кызматы көрсөтүлөт

2
(жаңыланган 11:31 28.09.2020)
Эмгек жана социалдык өнүктүрүү министрлигинин өкүлү Кульира Кубатова министрлик тарабынан иштелип чыккан угуу жана сүйлөө мүмкүнчүлүгү чектелген адамдарга сурдокотормо кызматын көрсөтүү долбоору 2021-жылы ишке кирип каларын айтты.
Кубатова: угуу жана сүйлөөсү начар адамдарга сурдокотормо кызматы көрсөтүлөт

Токтом долбоорунун негизги максаты – ден соолугунан мүмкүнчүлүгү чектелген адамдардын укуктарын жана кызыкчылыктарын коргоо үчүн зарыл болгон учурларда мамлекет кепилдеген сурдокотормо кызматтарына жеткиликтүүлүктү камсыз кылуу. Бул тууралуу Кульира Кубатова Sputnik Кыргызстан радиосунун эфиринде маек куруп жатып билдирди.

КРде майып балдар үчүн мобилдик тиркеме иштелип чыгып, ата-энелерге сунушталды

Анын айтымында, 2020-жылдын 1-январына карата Кыргызстанда жалпы 193,7 миң ден соолугунан мүмкүнчүлүгү чектелген адам жашаса, анын 5500дөн ашууну угуп жана сүйлөө жагынан майып адамдар.

"2019-жылы кыргыз өкмөтү БУУнун Майыптардын укугу жөнүндө конвенциясын ратификациялаган. Анын негизинде мамлекет конвенциянын жоболорун аткарууга милдеттүү. Ага ылайык, Эмгек жана социалдык өнүктүрүү министрлиги "Угуу жана сүйлөө мүмкүнчүлүгү чектелген адамдарга сурдокотормо кызматтарын көрсөтүү тартибин" иштеп чыгып, өкмөттүн токтомунун долбоорун коомдук талкууга чыгарды. Кыргызстандын жарандары, ошондой эле өлкөдө туруктуу жашаган жана сурдокотормо боюнча керектөөчүлөрдүн реестрине киргизилген адамдар кепилденген сурдокотормо кызматын алууга укуктуу. Мүмкүнчүлүгү чектелген адамдар календарлык жылда 15 саат мамлекет тарабынан сурдокотормо кызматын пайдалана алат. Бирок биз муну 40 саатка чейин көбөйтүүнү көздөп жатабыз. Бул кызмат ден соолугунан мүмкүнчүлүгү чектелүү адамдардын укуктарын коргоо үчүн зарыл болгон учурларда, мамлекеттик органдардын же мекемелердин, сот органдарынын талабы боюнча көрсөтүлүшү мүмкүн. Ошону менен бирге билим берүү, саламаттык сактоо жана документ толтуруу сыяктуу тармактарда котормочу жардам берет. Бизде котормочулар абдан аз. Ошондуктан үч жылдык планга сурдокотормочуларды окутуу кызматын киргизүү мерчемделүүдө", — деди Кубатова.

Ал өлкөнү санариптештирүү жылына ылайык аталган кызматты көрсөткөн мобилдик тиркемелерди иштеп чыгуу да каралганын кошумчалады.

2
Белгилер:
кызмат, өкмөт, котормо
Тема боюнча
Кубатова: майып балдарды карагандарга 4 900 сомдон айлык төлөнүүдө