Аралыктан сабак окуп жаткан окуучу. Архив

Өлкөдө дистанттык окуу шайлоого байланыштуу болдубу? Президенттин жообу

200
(жаңыланган 16:30 05.09.2020)
Президенттен маек алган журналист калктын саламаттыгына көрүлүп жаткан камкордук саясатташтырылып кетти деген кептер болуп жатканын айткан.

БИШКЕК, 5-сен.— Sputnik. Коом ашкере саясатташкандыктан ар бир маселе ошол көз караш менен каралат. Бөтөнчө бул шайлоо жакындаганда күч алганын президент Сооронбай Жээнбеков "Биринчи радиого" берген маегинде билдирген.

Журналист пандемия шартында окуу жылы дистанттык тартипте башталды дегени менен аны шайлоого байланыштыргандар бар экендигин, кеп мугалимдер шайлоо үчүн иштей турганы жөнүндө болуп жатканын айткан.

Президент Жээнбеков акын Аалы Туткучевдин ыры боюнча үн катты

Президент шайлоо жакындаган сайын көпчүлүктө маселени саясий өңүттөн кароо аракети күч аларын билдирген.

"Бул — табигый көрүнүш. Добуш алуу үчүн ар кандай жолдорго барышат. Негизинен эле биздин коом ашкере саясатташкан десем жаңылбайм го. Эл арасында айтылат эмеспи, жарды өлкөнүн эли — саясатчы, бардар өлкөнүн эли — саякатчы деп. Экономикасы өнүккөн, жеке кирешеси күнүмдүк тирилигинен ашкан өлкөнүн жарандары саякаттап, дүйнө кыдырганга мүмкүнчүлүгү бар да. Биздин өлкөнүн эли да ушундай мүмкүнчүлүккө ээ болчу мезгилге жетебиз деп ишенем. Менин жасап жаткан ишим дагы, көздөгөн мамлекеттик саясатым да ошол", — деген Жээнбеков.

Ал аймактарды өнүктүрүү, өлкөнү санариптештирүү, экспорттук потенциалын колдоо сыяктуу багыттар бюджеттин кирешесин, калктын турмушун жакшыртуу үчүн жасалып жаткан негизги иш-аракеттер экенин белгилеген.

"Ал эми мектептердин, окуу жайлардын дистанттык тартипте иш баштаганын айтсам, бул балдарыбыздын саламаттыгына көрүлүп жаткан камкордук. Өкмөт, Саламаттык сактоо министрлиги дагы деле жагдай кооптуу деп коңгуроо кагууда. Дүйнөнү деле окуп, көрүп жатпайбызбы. Айрым мамлекеттерде кайрадан экинчи толкунду болжоп жатышат. Ошондой эле балдардын оорусу да чыгууда. Бизде да мектеп, ЖОЖдор оорунун очогу катары кабыл алынууда. Ошондуктан Республикалык штаб ушундай чечимге келген. Мен да туура көрүп колдодум", — деди мамлекет башчы.

Ошондой эле Жээнбеков абал жакшырса, окутууну кадимкидей өткөрүү караларын кошумчалаган.

200
Белгилер:
саясат, мектеп, шайлоо, маек, президент, Сооронбай Жээнбеков
Тема боюнча
Жээнбеков: өлкөнүн 20 шаарын Бишкек менен Оштой кылып өнүктүрөбүз, каражат бар
Медициналык кызматкер иш учурунда

КРде бир нече аптадан бери алгачкы өлүм катталды. COVID боюнча статистика

31
(жаңыланган 11:41 28.09.2020)
Тилекке каршы, бүгүн Кыргызстанда коронавирустан бир өлүм катталды. Ал эми жуктуруп алгандардын көбү мурдагыдай эле Ош жана Баткен олбустарынан болууда.

БИШКЕК, 28-сен. — Sputnik. Кыргызстанда өткөн суткада коронавирустан 166 бейтап айыкса, 104 кишиден вирус табылды. Бул тууралуу Саламаттык сактоо министрлигинен билдиришти.

Айыккандар:

  • Бишкек шаары – 38;
  • Ош шаары– 24;
  • Чүй облусу – 21;
  • Ош облусу – 43;
  • Талас облусу – 4;
  • Нарын облусу – 5;
  • Баткен облусу – 31.

Жуктургандар:

  • Бишкек шаары – 19;
  • Ош шаары – 8;
  • Чүй облусу – 6;
  • Ош облусу – 18;
  • Талас облусу – 1;
  • Нарын облусу – 2;
  • Ысык-Көл облусу – 3;
  • Жалал-Абад облусу – 10;
  • Баткен облусу – 37.

Ушуну менен өлкөдө коронавирус жуктургандардын жалпы саны 46 355ке жетти. Анын ичинен 42 919у ооруну жеңди. Тилекке каршы, өткөн суткада бир адам каза таап, илдеттен көз жумгандардын жалпы саны 1 064тү түздү.

Соңку суткада коронавирустан Ош облусунда бир адам көз жумду

Азыркы учурда стационарда 700 бейтап коронавирустан дарыланып жатса, 1 520 киши медициналык жардамды үйлөрүнөн алууда.

Бир сутка ичинде эки медик коронавирус жуктуруп алган. Ошол эле учурда үч медик ооруну жеңип, үйлөрүнө чыгарылган.

31
Белгилер:
статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
ДССУ: бардык өлкөлөрдүн өкмөттөрү катаал карантин киргизүүгө даяр турушу керек
Медициналык кызматкер COVID-19 бейтаптын колун кармап турат

Соңку суткада коронавирустан Ош облусунда бир адам көз жумду

59
(жаңыланган 11:39 28.09.2020)
Кыргызстанда жайылгандан бери коронавирусту жуктуруп алгандардын саны 46 355 кишиге жетти. Өлкөдө аталган вирус кайрадан баш көтөрүүдө.

БИШКЕК, 28-сен. — Sputnik. Акыркы суткада Кыргызстанда COVID-19дан бир адам көз жумгандыгын Саламаттык сактоо министрлигинен кабарлашты.

“Соңку суткада коронавирустан Ош облустар аралык ооруканасында дарыланып жаткан адам каза тапты”, -деп айтылган билдирүүдө.

Муну менен коронавирустан көз жумгандардын саны 1064 адамга жетти. Ал эми ооруну жуктуруп алгандардын саны 46 355 киши болду.

59
Белгилер:
каза болду, коронавирус, Ош облусу, Кыргызстан
Тема:
Кыргызстандагы коронавирус жуктуруп алгандар
Тема боюнча
"Манас" аэропортундагы узун кезек. Жүргүнчү бүгүнкү окуяны сүрөттөдү