Россиялык белгилүү дарыгер жана алып баруучу Елена Малышева. Архив

Елена Малышева адам баласы үчүн эң кооптуу беш илдетти санады

390
(жаңыланган 09:20 07.09.2020)
Дарыгердин айтымында, коомчулук коронавирус менен башын оорутуп жатып, ушул убакка чейин адам өмүрүн эң көп алган ооруларга көңүл бурулбай жатат.

БИШКЕК, 7-сен. — Sputnik. Россиялык белгилүү дарыгер жана алып баруучу Елена Малышева дүйнөдөгү эң кооптуу илдеттерди атады. Бул тууралуу РИА Новости жазды.

Малышеванын айтымында, коронавирус пандемиясынан улам адамдар чындап коркунуч алып келе турган ооруларды унутта калтырып жатышат.

Коронавирусту бир нерсе ойготту! COVID-19дун чыгышы тууралуу божомол айтылды

"Коронавирус өлүмгө кептей турган оорулардын арасында 17-орунда турат. Ал эми эң кооптуу бештикке кургак учук, гепатит В, пневмония, ВИЧ/СПИД жана безгек кирет", — деди ал.

Дарыгердин айтымында, коомчулук коронавирус менен башын оорутуп жатып вакцина жана дарысы табылса дагы, ушул убакка чейин адам өмүрүн эң көп алган ооруларга көңүл бурулбай жатат.

390
Белгилер:
коркунучтар, өлүм, илдет, коронавирус
Тема:
Дүйнөгө жайылган коронавирус (1067)
Тема боюнча
Кыргыз жерине апаат алып келген коркунучтуу 8 эпидемия. Видео
Мүрзөгө жер тартыш болуп... Адамзат башынан кечирген коркунучтуу 7 эпидемия
Жамгырда жерге түшкөн жалбырактар. Архивдик сүрөт

Жаан жаайт. Шаршембиге карата аба ырайы

3
(жаңыланган 21:01 29.09.2020)
30-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 29-сен. — Sputnik. 30-сентябрь, шаршемби күнү, кээ бир аймактарда мезгил-мезгили менен жаан жаап, тоолуу райондордо кар түшүшү мүмкүн. Бул тууралуу Кыргызгидромет маалымдады.

Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

Баткен облусунда күздүк эгин себүү башталды

Абанын температурасы Чүй, Нарын өрөөндөрүндө +13...+18, Ош, Жалал-Абад жана Баткен облустарында +15...+20 градус, Ысык-Көлдө +12...+17, Талас жергесинде +11...16 градус жылуу болот.

Ош, Бишкек шаарларында да мезгил-мезгили менен жамгыр жаап, күндүн табы борбор калаада +16...+18, Ошто +18...+20 градус жылуу болору айтылды.

3
Белгилер:
Кыргызстан, аба ырайы
Тема боюнча
Кар жаап, суук түшөбү? Бир жумага карата аба ырайы
Ресторан. Архив

Пандемиянын мейманкана, ресторан ишине тийгизген кесепети. Сандар

15
(жаңыланган 20:26 29.09.2020)
Министрлик жалпы кызмат көрсөтүүнүн ичинен ишмердүүлүгү төмөндөп кеткен тармактарды атап, сандарды келтирди. Анткен менен августтун жыйынтыгы башкача болду.

БИШКЕК, 29-сен. — Sputnik. Жыл башынан бери мейманканалар менен ресторандардын ишмердүүлүгү 45,4 пайызга төмөндөдү. Бул туурасында Экономика министрлигинин маалыматында айтылат.

"Пандемия мезгилинде тейлөө тармагы абдан көп жабыр тартты. 2020-жылдын январь-август айларында тейлөө тармагынын дүң чыгарылышы 254,7 млрд. сом көлөмүндө болгон, ошол эле учурда өсүүнүн реалдуу темпи 90,2 пайызды түзгөн"
— деп билдиришти аталган министрликтен.

Министрлик аны менен кошо эле жалпы кызмат көрсөтүүнүн ичинен ишмердүүлүгү төмөндөп кеткен башка тармактарды да келтирген.

Былтыркы ушул жылга салыштырмалуу автоунааларды жана мотоциклдерди оңдоонун азайышы негизинен дүң көлөмдүн (19,4 пайызга), чекене сооданын (16,2 пайызга) төмөндөшү менен шартталган. Анткен менен өткөн айларга салыштырганда августта дүң – чекене соода секторунда 0,3 пайызга өсүш байкалган.

Кыргызстанда жыл сайын жүздөгөн ресторан, тойканалар ачылат

Отчеттук мезгил аралыгында транспорттук кызмат көрсөтүүлөр 19 млрд. сомду түзүп, өсүүнүн реалдуу темпи 39,1 пайызга ылдыйлаган. Транспорттук кызмат көрсөтүүлөрдүн төмөндөшү авиа каттамдар менен автоунаа менен ташуулардын өлкө ичинде да, башка өлкөлөргө да ташуулардын төмөндөшү менен шартталган. Жалпысынан алганда I кварталдын аягынан тарта ай сайын өтө төмөндөөлөр болуп, кээде айына 6 пайызга түшкөн мезгилдер болгон. Августтун жыйынтыгы менен ушул сектордун көрсөткүчтөрү ушул жылдын июль айынын деңгээлинде калууда.

"Демек, бул аталган сектордо төмөндөө азайып, калыбына келүү фазасына өтүп жаткандыгын көрсөтүп турат", - деп айтылган маалыматта.

Кыргыз өкмөтү COVID кесепетинен канча карыз алып, кайда жумшап жаткандыгын экономикалык бяндамадан окуй аласыз.

15
Белгилер:
экономика, кызмат көрсөтүү, коронавирус, Кыргызстан
Тема боюнча
Кафе-ресторандарда 100 кишиге чейин отурууга уруксат берилиши мүмкүн