Жол оңдоо иштери. Архив

Бишкек: 10 көчөнүн жолу оңдолуп бүтүп, учурда дагы бешөөнө асфальт төшөлүүдө

98
(жаңыланган 12:34 08.09.2020)
Мэрия автоунаа жолун, веложол жана тротуарларды оңдоо маселеси боюнча "Бишкек асфальт сервис" ишканасына кайрылууга чакырат.

БИШКЕК, 8-сен. — Sputnik. Бишкек мэриясынын маалымат кызматы азыркы тапта борбор калаанын бир нече көчөсүнүн жолу оңдолуп жатканын кабарлады.

Билдирүүгө ылайык, Пушкин көчөсүнүн Павловдон Бейшеналиевага чейинки бөлүгү, Бобулов көчөсүнүн Чүй проспектинен Пушкинге чейинки, Үсөнбаев көчөсүнүн Бөкөнбаевден Токтогулга чейинки, Ибраимов көчөсүнүн Жибек Жолунан Күрөңкеевге чейинки, Жукеев-Пудовкин көчөсүнүн Токомбаевден Сухэ-Баторго чейинки бөлүгү оңдолуп жатат. Жалпысынан 2,8 чакырым жолго жаңыдан асфальт төшөлөт.

Бишкекте жол куруу боюнча тендерди кытайлык компания утуп алды. Тизмеде 60 көчө бар

Ал эми Беларусь, Осмонов, Аэропорт, Муса Жалил, Аул, Көкчетау, Түлөбердиев, Тыныстанов, Ашхабад жана Краснодон көчөлөрүнүн жолу капиталдык оңдоодон өтүп бүткөнү айтылат. Алардын жалпы узундугу 5 чакырымды түзгөн.

Ошондой эле мэрия шаардыктарды автоунаа жолун, веложол жана тротуарларды оңдоо маселеси боюнча "Бишкек асфальт сервис" ишканасына кайрылууга чакырат. Телефон номери: 0555 888 161.

98
Белгилер:
көчө, Бишкек, жол оңдоо, асфальт
Тема боюнча
Корумду — Балбай жолун оңдоого Араб өлкөлөрүнөн 116 млн доллар насыя алынат
Укол даярдап жаткан дарыгер. Архив

Кыргызстанда 100 миңден ашуун киши сасык тумоого каршы вакцина алды

7
(жаңыланган 09:40 30.09.2020)
Өлкөнүн бардык аймактарындагы ооруканаларда тобокел тобуна киргендерге жана социалдык аялуу катмардагы адамдарга сасык тумоого каршы акысыз вакцинация жасалууда.

БИШКЕК, 30-cен. — Sputnik. Кыргызстанда сасык тумоого каршы сатып алынган вакцина толук колдонулганын Республикалык штаб кабарлады.

Ага ылайык, биринчи этап менен препараттын 119 643 миң дозасы сатып алынып, аймактарга бөлүштүрүлгөн:

  • Бишкек шаары — 27 000 доза;
  • Чүй облусу — 24 000;
  • Ош шаары — 5 000;
  • Ош облусу — 18 000;
  • Жалал-Абад облусу — 17 643;
  • Баткен облусу — 9000;
  • Ысык-Көл облусу — 9000;
  • Нарын облусу — 5000;
  • Талас облусу — 5 000.

Учурда вакцинанын 118 682 дозасы же 99,2 пайызы колдонулду. Октябрь айында сасык тумоого каршы вакцинанын дагы 770 миң дозасы келери күтүлүп жатат.

COVID жайылып баратат, бет кап тагынгыла! Штаб сактануу чараларын күчөттү

Эскерте кетсек, республиканын бардык Үй-бүлөлүк медицина борборлорунда жана фельдшердик-акушердик пунктуларында тобокел тобуна киргендерге, ошондой эле социалдык аялуу катмардагы адамдарга сасык тумоого каршы акысыз вакцинация жасалууда.

7
Белгилер:
вакцина, эмдөө, сасык тумоо
Тема боюнча
Министрлик базарды хлордогондон кийин вирус күчөөдө дегендерге жооп кайтарды
Модель көргөзмө учурунда. Архив

60 жаштагы модель жаштык сырлары менен бөлүштү

47
(жаңыланган 09:03 30.09.2020)
Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн билдирген. Ошондон бери ал өзүн модель катары көрсөтүп келет.

БИШКЕК, 30-сен. — Sputnik. 60 жаштагы англиялык ишкер аял, интерьер дизайнери жана модель Шери Дэвенпорт Daily Mail агенттигине жаштык сырлары менен бөлүшкөн. Бул тууралуу РИА Новости кабарлады.

Маалым болгондой, Шери этек кири биротоло токтогондон кийин тамактануу рационун өзгөртүп, тамак-аш кошулмаларын колдоно баштаган. Ошондой эле дене тарбия көнүгүүлөрүн жасоону таштаган эмес.

"Азыр өзүмдү 50 жаштагыдан да жакшы сезем. Мен гормон алмаштыруу терапиясынан баш тартып, анын жөнөкөй жолун таптым. Тагыраагы, өсүмдүк экстрактынан жасалган дарыларды колдоно баштадым. Мындан сырткары, кофеин, ичимдик, кумшекерди рациондон чийип салгам. Кызыл эт, тоок этин да жебейм, балыкты гана пайдаланам. Косметологго барып, сапаттуу гана косметикаларды колдоном. Сөөк, муундар бекемдесин деп тамак-аш кошулмаларын алам. Ар таңда медитация жасап, андан кийин спорт менен машыгам. Сальса дагы бийлейм", — деген ал.

Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн кошумчалаган. Ошондон бери ал өзүн модель катары көрсөтүп келет.

Ишкер аялдын учурда башы бош. Ал бир баланын апасы, эки неберенин чоң энеси. Уулу 39 жашта.

47
Белгилер:
дизайнер, сыр, сулуулук, жаштык, модель, Англия
Тема боюнча
Жаштык жана сулуулукту көпкө сактоочу азык айтылды