Бут кийиминен кармап алган киши. Архивдик сүрөт

Москвада "бала уурдагандарга" каршы турган кыргызстандык жигит суктантууда. Видео

737
(жаңыланган 14:56 08.09.2020)
Сценарий боюнча, блогер өтүп бараткан кишиге баланы таштап, аны бейтааныш адамдар уурдоого аракет кылмак. 18 сааттын ичинде роликке 870 миң ирет лайк басылган.

БИШКЕК, 8-сен. — Sputnik. Кыргызстандык Азамат Нуржанов россиялык видеоблогер Михаил Литвиндин "оюнунун" катышуучусу болуп калды. Окуя Москва шаарында болгон.

Литвин жолдон өтүп бараткан адамдардын баланын уурдалышына жасаган реакциясын тартып, видеону Instagram баракчасына жүктөгөн.

Посмотреть эту публикацию в Instagram

Публикация от Михаил Литвин (@mikhail_litvin)

Сценарий боюнча, блогер көчөдө бараткан кишиге баланы карап турууга таштап, аны бейтааныштар уурдап кетүүгө аракет кылышат.

Видеодо бир жигиттин бала уурдоого каршы туруп, "уурулар" менен мушташа кеткенин көрүүгө болот. Дал ушул жигит кыргызстандык Азамат Нуржанов болуп чыккан.

Видеонун алдында жазылган комментарийлерде Азаматтын аракетине баасын бергендер көп болгон.

"Биринчи жигит азамат экен", — деп жазган бирөө.

"Буту менен шумдук тепти", — деп суктанган экинчиси.

Блогердин видеосуна 18 сааттын ичинде 870 миң лайк басылып, 8 миңден ашуун комментарий жазылган.

Посмотреть эту публикацию в Instagram

Публикация от Азамат Нуржанов (@nurjanovazamat586)

Ачык маалыматтарда Азамат Нуржанов Кыргызстандын жеңил атлетика боюнча курама командасынын мурунку мүчөсү экени айтылат. Улуттук командага 2019-жылы кирип, Ысык-Көлдө машыгуудан өткөн.

Посмотреть эту публикацию в Instagram

Публикация от Азамат Нуржанов (@nurjanovazamat586)

Ушу тапта кыргызстандык жигит Москва шаарында иштейт.

737
Белгилер:
адам уурдоо, бала, видеоблогер, видео, Москва
Тема боюнча
Чек ара жабылып, үй-бүлөм башка өлкөдө калды. Сингапурдагы кыргызстандыктын маеги
Азыркы ишим автоунаа сатуудан да кирешелүү! Кыргызстандык ишкердин ири бизнеси
Ала-Тоо аянтында бараткан адамдар. Архив

Жаңжал, жаза, акыркы тизме. Шайлоонун кызыган учурундагы окуялар

2
(жаңыланган 20:23 24.09.2020)
Жогорку Кеңештин депутаттарын канча адам шайлай алары белгилүү болду. Массалык мушташка жооптуу талапкерлер жарыштан четтетилди.

БИШКЕК, 24-сен. — Sputnik. Бүгүн Борбордук шайлоо комиссиясынын төрайымы жана башкы прокурор менен ички иштер министринин орун басарлары маалымат жыйын өткөрүштү. Анда алдыдагы парламенттик шайлоону уюштуруу жана даярдыктары тууралуу маалымат беришти.

Sputnik Кыргызстан агенттиги жыйында айтылган маанилүү билдирүүлөрдүн топтомун сунуштайт.

Шайлоо учурундагы коопсуздук талкууланды. Жээнбеков УКМК төрагасын онлайн кабыл алды

  • Шайлоочулардын акыркы тизмеси жарыяланып, 3 миллион 523 миң 532 кыргызстандык катталды. Бул 2015-жылдагы парламенттик шайлоого салыштырмалуу 762 735 адамга көп же 27,6 пайызга өсүш болду;
  • Убактылуу жашаган жеринен добуш берүү үчүн 488 873 шайлоочу №2 формасын алды;
  • Чет өлкөдө жүргөн 32 582 мигрант ЖК депутаттарын шайлоого катыша алат. 2015-жылы 15 312 гана кыргызстандык добуш берүүгө укук алган;
  • Документтерди кароо учурунда ар кайсы партиядан 42 талапкер шайлоого катышуу укугунан ажыратылды;
  • Жалпы жонунан 2 475 шайлоо участкасы ачылды. Анын ичинен 45и чет өлкөдөгү дипломатиялык өкүлчүлүктөрдө;
  • Шайлоо өнөктүгү маалында 128 мыйзам бузуу катталып, прокуратура тергеп жатат. Анын 82си Жазык кодекси, 46сы Жоруктар кодекси менен каралууда;
  • Башкы прокуратура административдик ресурсту колдонуу боюнча 11 фактыны иликтеп жатат. Азырынча эч бир мамлекеттик кызматкерге чара колдонула элек;
  • Шайлоочулардын добушун сатып алуу беренеси менен 40 кылмыш иши козголду;
  • Араванда үгүт учурунда массалык мушташты тутандырган деп алты адам айыпталууда. Учурда анын бешөө тергөө абагына киргизилген, бирөө ооруканада жатканына байланыштуу баш коргоо чарасы тандала элек. Жалпысынан тогуз адам ооруканада жатат;
  • Шайлоо күнү өлкөдө коомдук коопсуздукту камсыздоо жана шайлоо участкаларын кайтаруу үчүн 11 507 милиция кызматкери тартылат;
  • 27-сентябрдан тарта Ички иштер министрлиги күчөтүлгөн тартипте иштөөгө өтөт;
  • ИИМ шайлоо тартиптерин бузуу боюнча 236 фактыны Кылмыш жана жоруктардын бирдиктүү реестрине каттады;
  • 24-сентябрда кечки саат 17:00дө БШКнын отуруму болуп, Аравандагы массалык мушташ боюнча маселе каралды. Натыйжада жаңжалга жооптуу "Мекеним Кыргызстан" партиясынан талапкер Илхам Маннанов жана "Биримдиктин" талапкери Шүкүрулло Файзуллаев жарыштан четтетилди.
2
Белгилер:
прокурор, мыйзам бузуулар, талапкер, каттоо, шайлоо, БШК
Тема:
Шайлоо-2020
Тема боюнча
Шайлоодо ат салышчу партиялардын талапкерлери. Толук тизме
Президент Жээнбеков аны сындаган талапкерлер боюнча оюн айтты
Бир партия 105 млн. сом. Шайлоого аттангандар канча каражат короткону айтылды
Бишкек мэриясынын имараты. Архивдик сүрөт

Бишкекке сүйүү жана камкордук жетпей... Мэрия элге кайрылды

24
(жаңыланган 19:13 24.09.2020)
Бүгүнкү күндө Бишкекте салык төлөп, продукция чыгарып, өндүрүш менен алектенип, элге кызмат көрсөткөн 72 миң ишкана бар.

БИШКЕК, 24-сен. — Sputnik. Бишкек мэриясы ишкерлер менен уюмдарга калааны көрктөндүрүп, тазалап, өз үйүндөй мамиле кылуу өтүнүчү менен кайрылды. Бул тууралуу аталган муниципалитеттен кабарлашты.

Бүгүнкү күндө Бишкекте салык төлөп, продукция чыгарып, өндүрүш менен алектенип, элге кызмат көрсөткөн 72 миң чарба субъектилери бар.

Бишкекти кантип кулпуртса болот? Жаңы мэр Азиз Суракматов менен маек

"Бирок биздин шаарга камкордук, аярлап жана сүйүү менен жасалган мамиле жетишпейт. Урматтуу тургундар, сиздер павильон коюп, кеңселерди, банктарды ачып жатасыздар. Көп кабаттуу үйлөрдү куруп, бизнес-борборлор тургузулууда. Эмне үчүн өзүңүз иштеткен павильондун жана көп кабаттуу үйдүн жанын гүлдөтүп коюуга болбосун? Жакшынакай отургучту орнотуп, таштанды челек коюп... Бишкекке аяр мамиле кылып, бир чымчым сүйүү арнап коюңуздарчы...", — деген суроо берген мэрия.

Бишкекте жашылдандыруу тартиби боюнча ишканалар, мекемелер, уюмдар, чарба субъектилери, көп кабаттуу турак жайлардын ээлери, үйлөрдүн кожоюндары жанындагы тилкелерди жашылдандырганга милдеттүү. Же аны карап, иретке келтиргенге киши жалдашы керек. Ал эми жанындагы тилке катары тиешелүү жерден 10 метр аралыктагы аймак эсептелет.

Жайы-кышы жапжашыл болгон өсүмдүктөр. Бишкекте жаңы сквер пайда болду. Сүрөттөр

Бул деген ар дайым "өзүнүн жерин" кышында таштандыдан, кардан жана улам тамчы тама берип чокмороктошуп калган муздан тазалап туруш керек дегендик. Жайында сугарып, чөбүн чаап, бак-дарактарды иретке келтирүү зарыл.

24
Белгилер:
отургуч, таштанды, гүл, Бишкек мэриясы, Бишкек, Кыргызстан
Тема боюнча
Озокеева: көп кабаттуу үйдө турак жай ээлеринин шериктиги болушу керек