Госпиталдагы медиктер. Архивдик сүрөт

Июлда Кыргызстанга жардамга келген дарыгерлер кайра Россияга кете албай жатат

104
(жаңыланган 15:10 08.09.2020)
Элчи Россия тараптан ыктыярчы-медиктерди кабыл алуу боюнча тез арада оң чечим чыгарып берүүнү суранды.

БИШКЕК, 8-сен. — Sputnik. Кыргызстандын Россиядагы элчиси Аликбек Жекшенкулов РФтин тышкы иштер министринин орун басары Андрей Руденко менен жолугуп, студенттер менен ыктыярчы-медиктерди кабыл алууну өтүндү. Бул туурасында Тышкы иштер министрлигинин маалымат кызматы кабарлады.

Анда элчи ушул жылдын июль айында Кыргызстанга коронавирус менен күрөшүүгө жардамга келген 80ге чукул ыктыярчы-дарыгер кайра Россияга кире албай жатканын белгилеген.

“Бүгүнкү күндө ыктыярчы-дарыгерлер окуусун жана ишин улантуу үчүн Россияга кайтууга даяр. Бирок алар өлкө аймагына келүүгө уруксат берилген чет элдик жарандардын категориясына кирбегендигине байланыштуу элчи Россияга киргизүү боюнча тез арада оң чечим чыгарып берүүнү суранды”, — деп айтылат маалыматта.

Ошондой эле элчи Россиянын жогорку окуу жайларында окуп жаткан кыргыз студенттерине өлкөгө кирүүгө уруксат берүү маселесине өзгөчө басым жасалганы айтылат. Руденко учурда Россиянын тиешелүү мамлекеттик органдары тарабынан маселе каралып жаткандыгын маалымдаган.

Россия: чет элдик студенттердин окуганга киришине уруксат берилиши мүмкүн

“Россияда билим алып жаткан кыргызстандык 16 миң студент гана эмес, Казакстан, Өзбекстан жана башка КМШ өлкөлөрүнөн келген 70 миңден ашуун студенттин көйгөйү турат. Буга байланыштуу бардык чет элдик студенттер үчүн Россия тараптан жалпы бир чечим кабыл алынат”, — деп айткан Руденко.

Маалыматта Россияда 300 миңден ашуун чет элдик студент билим алары кошумчаланды.

104
Белгилер:
ыктыярчылар, жардам, дарыгер, Аликбек Жекшенкулов, Кыргызстан, Россия
Тема:
Коронавируска байланыштуу Кыргызстандагы кырдаал (2741)
Тема боюнча
Элчи Жекшенкулов Россиядан аба каттамдарды жандантууну өтүндү
РФ, КР жана Арменияга COVID менен оорубагандар үчүн чек араны ачуу сунушталды
Жолдо бараткан фура. Архив

Жүрөктү түшүрөт! Бишкек Ош жолунда фура жеңил унааны коюп кете жаздаган видео

28
(жаңыланган 13:27 13.06.2021)
Видеодон жүк ташуучу унаа каршы тилкеге чыга калганын, ал коюп кете жаздаган жеңил унаадагы жүргүнчүлөр коркуп кеткенин байкоого болот.

БИШКЕК, 13-июн. — Sputnik. Бишкек — Ош унаа жолунда жүк ташуучу автоунаа жеңил унааны коюп кете жаздады.

Жүрөк үшүн алган видео "Короче" Telegram каналына жарыяланды. Анда окуя 11-июнь күнү саат 17:00дө болгону жазылат.

Видеодон жүк ташуучу унаа каршы тилкеге чыга калганын, аны көргөн жеңил унаадагылар коркуп кеткенин байкоого болот. Видеонун автору ИИМге айдоочуну таап, жазасын берүүнү өтүнгөн.

ИИМдин Жол кыймылы коопсуздугун камсыздоо башкы башкармалыгынын өкүлү Тилек Оторов Sputnik агенттигине окуя көзөмөлгө алынганын жана такталып жатканын билдирди. Толук маалымат кийинчерээк берилери убадаланды.

28
Белгилер:
Бишкек - Ош жолу, кырсык, видео, жол, унаа, авто
Тема боюнча
Жалал-Абаддагы үрөй учурган жол кырсык. Маркумдардын аты-жөнү такталды
Дүйнөлүк саламаттык сактоо уюмунун башкы директору Тедрос Адханом Гебрейесус. Архив

ДССУ башчысы COVID лабораториядан чыгарылды деген божомолду четке какпайт

37
(жаңыланган 12:49 13.06.2021)
Тедрос Адханом Гебрейесустун айтымында, иликтөөнүн алгачкы этаптарында Кытай тараптан "ачык-айкындуулук жана кызматташтык" жетишсиз болгон.

БИШКЕК, 13-июн. — Sputnik. Дүйнөлүк саламаттык сактоо уюмунун башкы директору Тедрос Адханом Гебрейесус SARS-CoV-2 лабораториядан чыгарылышы мүмкүн деген божомолду четке какпай турганын айтты. Бул  тууралуу ал G7 лидерлеринин саммитинде билдиргенин РИА Новости жазды.

Эл аралык уюмдун башчысы коронавирус инфекциясын кеминде 174 миллион адам жуктуруп, 3,75 миллион киши анын кесепетинен каза тапканын билдирди.

"Адамдар оору кандай чыкканын билүүсү керек деп ойлойм. Бул кийинки пандемияларды алдын алуу үчүн керек", — деген Гебрейесус.

Анын айтымында, SARS-CoV-2 вирусунун келип чыгышын иликтөөнүн алгачкы этаптарында Кытай тараптан "ачык-айкындуулук жана кызматташтык" жетишсиз болгон. Жетекчи ар бир божомол иликтениши керектигин кошумчалады.

"Маалыматтар, айрыкча "чийки" маалыматтар менен алмашууда кыйынчылыктар болду... Кийинки этапта кызматташуу жакшырат деп ишенебиз", — деди ДССУ башчысы.

Бүткүл дүйнөлүк саламаттык сактоо уюму март айында коронавирустун келип чыгуу себептерин аныктоо үчүн Ухань шаарына барган эксперттердин отчетун жарыялаган. Адистер вирус лабораториядан келип чыккан деген версияны "чындыкка өтө дал келе бербейт" деп, ошол эле учурда оору адамга жарганаттардан башка жаныбар аркылуу жуккан деп божомолдошкон. АКШ жана башка 13 мамлекет эксперттердин тыянагына "тынчсыздануусун" билдирип, "көз карандысыз иликтөө" жүргүзүү зарылдыгын билдиришкен.

Кытай өз кезегинде иликтөө иштерин жүргүзүүгө, деги эле эпидемия темасына ачык экенин билдирип келет.

37
Белгилер:
лаборатория, коронавирус, Кытай, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Москвада COVID күч алып бир апталык локдаун жарыяланды
Кытай: COVID лабораторияда жасалган деген айыптоо акылга сыйгыс нерсе