Бишкектеги инфекциялык оорукананын куруу иштери. Архивдик сүрөт

25-августта бүтмөк. COVID жуктургандар үчүн оорукананын 75 пайызы гана даяр

45
(жаңыланган 00:45 09.09.2020)
Кубатбек Боронов бийликке сын айтуунун ордуна алгач курулуштун аякташын күтүү керектигин айтты.

БИШКЕК, 8-сен. — Sputnik. Бишкектеги инфекциялык оорукананын коронавирус жуктургандарды дарылоо үчүн салынып жаткан корпусунун курулушу 75 пайызга аяктап калды. Бул тууралуу премьер-министр Кубатбек Боронов брифингде билдирди.

Эске салсак, өкмөт 100 орундуу оорукананын курулушу 25-августта аяктаарын айткан.

Бороновдун сөзүнө таянсак, акыркы эки күндө социалдык тармактарда жаңы корпусту салууда пайдаланылып жаткан материалдардын сапаты туурасында кеп болгон.

"Учурда оорукананын 75 пайызы даяр. Башында эле курулуш бир айга созуларын айтканбыз. Имарат жеңил конструкция менен салынат. Кыш коюлган эмес. Анын суукта тоңуп, аптапта ысып кетпешин эске алганбыз. Бул коронавирус менен ооругандар үчүн курулган атайын оорукана болот. Ноокастар бири-бири менен байланышпаш үчүн палатадан чыккан өзүнчө эшиктер да жасалат", — деди өкмөт башчы.

Бишкектеги инфекциялык оорукананын корпусу кандай курулууда. Видео

Ал туура айтылган сын керектигине токтолуп, бирок курулуш тармагында түшүнүгү жок адамдар сындап жаткандыгын кошумчалады. Боронов күнү-түнү иштеп жаткан куруучуларга жылуу сөз айтып, көңүлүн көтөрүп коюуга чакырды.

"Менимче, бул туура эмес. Келгиле, күтө туралы, анан жыйынтыгын көрөбүз", — деп кошумчалады премьер.

Пандемиядан бери Кыргызстанда коронавирусту жуктуруп алган 44 526 учур катталса, алардын 40 158и айыгып чыккан. Тилекке каршы, 1 062 адам көз жумган.

45
Белгилер:
оорукана, коронавирус, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал (2263)
Тема боюнча
Боронов курула турган ооруканалардын сапаттуу болушун талап кылды
Өлкөнүн жети облусунда инфекциялык ооруканалар салына баштады. Тизме
Модель көргөзмө учурунда. Архив

60 жаштагы модель жаштык сырлары менен бөлүштү

16
(жаңыланган 09:03 30.09.2020)
Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн билдирген. Ошондон бери ал өзүн модель катары көрсөтүп келет.

БИШКЕК, 30-сен. — Sputnik. 60 жаштагы англиялык ишкер аял, интерьер дизайнери жана модель Шери Дэвенпорт Daily Mail агенттигине жаштык сырлары менен бөлүшкөн. Бул тууралуу РИА Новости кабарлады.

Маалым болгондой, Шери этек кири биротоло токтогондон кийин тамактануу рационун өзгөртүп, тамак-аш кошулмаларын колдоно баштаган. Ошондой эле дене тарбия көнүгүүлөрүн жасоону таштаган эмес.

"Азыр өзүмдү 50 жаштагыдан да жакшы сезем. Мен гормон алмаштыруу терапиясынан баш тартып, анын жөнөкөй жолун таптым. Тагыраагы, өсүмдүк экстрактынан жасалган дарыларды колдоно баштадым. Мындан сырткары, кофеин, ичимдик, кумшекерди рациондон чийип салгам. Кызыл эт, тоок этин да жебейм, балыкты гана пайдаланам. Косметологго барып, сапаттуу гана косметикаларды колдоном. Сөөк, муундар бекемдесин деп тамак-аш кошулмаларын алам. Ар таңда медитация жасап, андан кийин спорт менен машыгам. Сальса дагы бийлейм", — деген ал.

Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн кошумчалаган. Ошондон бери ал өзүн модель катары көрсөтүп келет.

Ишкер аялдын учурда башы бош. Ал бир баланын апасы, эки неберенин чоң энеси. Уулу 39 жашта.

16
Белгилер:
дизайнер, сыр, сулуулук, жаштык, модель, Англия
Тема боюнча
Жаштык жана сулуулукту көпкө сактоочу азык айтылды
Паста. Архив

Бөдөнөнүкү пайдалуу. Чийки жумуртка кошулган тамактын кооптуулугу айтылды

23
(жаңыланган 08:31 30.09.2020)
Адистин айтымында, чийки жумуртканын курамында ууланууга алып келүүчү сальмонелла бактериясы болушу мүмкүн.

БИШКЕК, 30-сен. – Sputnik. Ресторандагы карбонара пастасы, тирамису десерти жана курамына чийки жумуртка кошулган тамактар кооптуу болот. Мындай пикирди ветеринар-дарыгер Алексей Кухно ForPost порталына берген маегинде айтканын РИА Новости жазды.

Анын белгилешинче, чийки жумуртканын курамында ууланууга алып келүүчү сальмонелла бактериясы болушу ыктымал. Адис мындан көрө тамак даярдоодо бөдөнөнүн жумурткасын пайдаланууну сунуш кылат. Ал кооптуу инфекциянын болушун жокко чыгарат.

Диетолог организмге пайдалуу деп жүргөн азыктардын зыянын айтып берди

"Бөдөнөнүн дене табы жогору, 40 градустан ашык болгондуктан, алар сальмонеллез илдети менен оорубайт. Эгер патоген (оорунун козгогучу) организмге кирип калса, анда ал жашап кете албайт", — деген Алексей Кухно.

Ошондуктан дарыгер коомдук тамактануу жайларында жогоруда кооптуу деп айтылган тамак-аштарга буюртма берүүдөн карманууга чакырат.

23
Белгилер:
кооптуулук, уулануу, ден соолук, тамак-аш
Тема боюнча
Чөнтөккө да күч келбейт, ден соолукка да пайдалуу. Диетолог 7 азыкты санады
Акча каражаттары. Архив

ЖК, президент жана өкмөттүн аппараттары бюджеттен канча каражат алары айтылды

0
(жаңыланган 09:20 30.09.2020)
Министрлик белгиленген чыгымдардын баары маяна төлөөгө эмес, чарбалык иштерге да жумшалганын белгилейт.

БИШКЕК, 30-сен. — Sputnik. Финансы министрлиги башкы мамлекеттик органдардын бир жылдык чыгымы тууралуу маалымат берди.

Анда 2019-жылдагы чыгымдар көрсөтүлгөн.

Жогорку Кеңешке былтыр 765 миллион сом берилип, ал төмөндөгүдөй бөлүштүрүлгөн:

  • Аппарат — 606,53 миллион сом;
  • Иш башкармалыгы — 73,77 миллион сом;
  • Гараж — 48,1 миллион сом;
  • Резервдер фонду — 34,5 миллион сом.
  • КМШ мамлекеттеринин Парламенттер аралык ассамблеясынын Чыңгыз Айтматов атындагы сыйлыгы — 2,09 миллион сом.

Президенттик аппаратка 151,48 миллион сом берилип, төмөндөгүдөй бөлүштүрүлгөн:

  • Аппарат — 113,77 миллион сом;
  • КР Коопсуздук кеңешинин катчылыгы — 1,2 миллион сом;
  • Аппараттын жалпы чарбалык иштери — 2,19 миллион сом;
  • Президенттин резервдер фонду — 34,3 миллион сом.

Бир партия 105 млн. сом. Шайлоого аттангандар канча каражат короткону айтылды

Өкмөттүн аппаратына 207,59 миллион сом берилип, төмөндөгүдөй бөлүштүрүлгөн:

  • Аппарат — 172,48 миллион сом;
  • Чек араларды делимитациялоо жана демаркациялоо иштерине — 2,61 миллион сом;
  • Резервдер фонду — 32, 49 миллион сом.

Президенттин жана өкмөттүн иш башкармалыгына 641,64 миллион сом берилип, төмөндөгүдөй бөлүндү:

  • Президенттин иш башкармалыгы — 496,78 миллион сом;
  • "Автотранспорт" мамлекеттик ишканасы, Мамлекеттик компьютердик байланыштар — 93,45 миллион сом;
  • "Кыргыз мамлекеттик аңчылык чарбасы" мамлекеттик ишканасы — 12,22 миллион сом;
  • "Ала-Арча мамлекеттик жаратылыш паркы" мамлекеттик ишканасы — 39,19 миллион сом.

Мамлекеттик маанидеги чыгымдар:

  • Экс-президенттер — 828,6 миң сом;
  • Мамлекеттик сыйлыктар — 8,11 миллион сом;
  • Саммиттерге — 472,12 миллион сом.

Натыйжада чыгымдардын жалпы суммасы 1 миллиард 481,78 миллион сомду түздү. Финансы министрлиги жогоруда белгиленген чыгымдардын баары маяна төлөөгө эмес, чарбалык иштерге да жумшалганын белгилейт.

0
Белгилер:
Финансы министрлиги, бюджет, Жогорку Кеңеш, чыгым
Тема боюнча
Кыргыз өкмөтү COVID кесепетинен канча карыз алып, кайда жумшап жатат. Саресеп
Быйыл мамлекеттик карызды тейлөөгө 18 млрд сомдон ашык акча жумшалды