Терезенин алдында турган аял. Архивдик сүрөт

Балдарды үйүндө окуткан баткендик мугалимге белек берилет. Сүрөттүн чоо-жайы

737
(жаңыланган 23:22 08.09.2020)
Бүгүн министрдин орун басары мугалим менен байланышып, ага усулдук, техникалык, материалдык жана моралдык жактан колдоо көрсөтүлө тургандыгын айткан.

БИШКЕК, 8-сен. — Sputnik. Билим берүү жана илим министрлиги окуучулар үй шартында билим алып жаткан сүрөт тууралуу маалымат берди.

Белгилей кетсек, социалдык тармактарда аралыктан окута албаган мугалим окуучуларды үйүнө чакырып сабак өтүп жатат деген жазуу менен сүрөт тараган.  

Маалыматка ылайык, окуучулардын үй шартында окуп жаткан сүрөтү Баткен районунун борборунан 50 чакырым алыс жайгашкан чек ара аймагындагы Муса Кадыр атындагы орто мектебинин башталгыч классынын мугалими тарабынан тартылган. 

“Окуучулар менен кайтарым байланыш учурунда ата-энелер тарабынан түшүнбөөчүлүк жаралып, алар мугалимге көмөктөшүүнү суранып кайрылышкан. Мугалим 2-сентябрь күнү окуучуларды үйүнө чакырып, кайтарым байланыш каражаттарын практика түрүндө көрсөтүп берген. Мугалим окуучуларды социалдык аралыкты сактоо менен отургузуп, ар бирин бет кап менен гана киргизген. Сабак 15 мүнөткө созулган. Андан бери педагог кайтарым байланышты аралыктан өтүп келүүдө”, — деп айтылат маалыматта.

Билим берүү жана илим министрлиги мугалимдин бул аракетин өз кесибин сүйүп, билим берүүгө болгон умтулуусу катары баалайт. Ошондой эле окуучулардын да окууга болгон ынтызарлыгына жана дилгирлигине баа бергени белгиленди.

Онлайн окуу: ата-эне, окуучуларга жардам көрсөтчү ыкчам номерлер жарыяланды

“Пандемия мезгилинде өлкө боюнча бирдей талап болуп жаткандыгын мугалимге түшүндүрүп, ага кайтарым байланышты уюштуруу үчүн мугалимге демөөрчүлөр аркылуу ноутбук алып бере турган болду. Бүгүн, 8-сентябрда, министрдин орун басары Надира Жусупбекова ошол педагог менен байланышып, ага усулдук, техникалык, материалдык жана моралдык жактан колдоо көрсөтүлө тургандыгын айтты”, — деп жазылат маалыматта.

Эскерте кетсек, Билим берүү жана илим министрлиги тарабынан даярдалган телесабактар КТРдин “Баластан” жана ЭлТРдин “Илим жана билим” каналдарынан берилип жатат. Бул сабактар oku.edu.gov.kg порталында да жеткиликтүү. Кайтарым байланыш Zoom жана WhatsApp тиркемелери аркылуу уюштурулат. 

737
Белгилер:
Баткен, окуучу, окутуу, мугалим, мектеп
Тема боюнча
700гө чукул мектеп жогорку ылдамдыктагы интернетке туташтырылат
Өзбекстанда балдар 14-сентябрдан тарта мектепке барып, окуу башталат
Ооруканадагы дарыгер. Архив

Быйыл кыргызстандыктар Түркиядан бекер дарылана алабы? Министрликтин жообу

9
(жаңыланган 20:48 24.09.2020)
Жыл сайын бөлүнгөн квота аркылуу кыргызстандыктар Түркиядан жогорку технологиялык жабдыктар колдонулган операцияларды жасатчу.

БИШКЕК, 24-сен. — Sputnik. Түркия кыргызстандыктардын бекер дарылануусу үчүн квота берүүнү белгисиз мөөнөткө жылдырды, ошондой эле быйыл жарандар мындай мүмкүнчүлүккө ээ болбой турганы так белгилүү болду. Бул тууралуу Sputnik Кыргызстан маалымат агенттигине Саламаттык сактоо министрлигинин алдындагы Эл аралык кызматташуу бөлүмүнүн жетекчиси Осмон Масалиев билдирди.

Белгилей кетсек, Түркия өкмөтү жыл сайын кыргызстандык бейтаптарга оор операцияларды жасатуу үчүн 150 квота бөлүп берет. Жазында коронавируска байланыштуу мамлекеттер авиакаттамдарын токтоткон болчу. Эпидемиологиялык абал турукташып келе жатканына байланыштуу Кыргызстан менен Түркия августтун орто ченинде кайрадан аба байланыштарын жандантты.

Түркия берген квотага кезек күткөндөрдүн саны көп экендиги белгилүү. Буга байланыштуу Sputnik агенттиги быйыл кыргызстандыктар ал жактан дарылана алар-албастыгын сурады.

Түркия Кыргызстандагы парламенттик шайлоого 100 миң доллар бермей болду

Министрликтин Эл аралык кызматташуу бөлүмүнүн жетекчиси Осмон Масалиевдин айтымында, Түркия бул маселе боюнча эки ирет жооп кайтарган. Биринчисинде 19-мартта аталган өлкө Бишкектеги элчилиги аркылуу КР ТИМине нота жиберип, коронавируска байланыштуу квота берүү макулдашуусу белгисиз убакытка токтотулганын билдирген. Ошондой эле 24-августта түрк тилдүү мамлекеттердин кеңешинин онлайн жолугушуусунда бул боюнча кеп козголгон.

"Ал жыйында оорулуулар квотаны күтүп жатат, жандантсаңар жакшы болот эле, биз үчүн бул маанилүү деп айттык. Бирок Түркия коронавирустун болжолдуу экинчи толкунуна байланыштуу ушул жылы Кыргызстанга гана эмес, башка мамлекеттерге дагы бекер дарыланууга шарт түзүп бере албай турганын билдирди", — деди Масалиев.

Ошондой эле министрликтин өкүлү азырынча кийинки жылы макулдашуу жанданары белгисиз экендигин кошумчалады.

КРге квота бөлүп берген жалгыз өлкө — Түркия

Саламаттык сактоо министрлигинин билдиришинче, Кыргызстан татаал операцияга муктаж жарандарды чет мамлекетте акысыз дарылатуу максатында бир нече өлкө менен жолугушуу уюштуруп, бирок майнап чыккан эмес. Себеби мамлекеттер көп чыгымга учурай турганын билдиришкен.

2014-жылы Түркия кыргызстандыктарды бекер дарылоого кол сунган. Башында жыл сайын 100 квота, ал эми былтыртан баштап 150гө чейин көбөйткөн. Өкмөттүн токтому боюнча, 50 бейтап Саламаттык сактоо министрлиги тарабынан, ал эми дагы 100 бейтап Түркиянын Бишкек шаарындагы элчилиги тарабынан тандалат.

Квота боюнча Кыргызстандын бейтапканаларында жасаганга мүмкүн болбогон жана жогорку технологиялык жабдыктардын жардамы менен ишке аша турган операциялар жасалат. Министрликте кайсы ооруга квота берсе болот же болбойт деген тизме жок. Ар бир бейтаптын арызы жекече каралат. Жаш курак чектелбейт.

Кыргызстандагы эң кымбат 10 операция! Акчасы жана жасала турчу органдар

Квотанын алкагында абдан шашылыш жардам көрсөтүүнү талап кылган оорулар (инсульт, жаракат алуу), реабилитациялык жана узак мөөнөттүү дарылоону талап кылган илдеттер каралган эмес.

Түркиянын мамлекеттик бейтапканаларында дарылоо акысыз жүргүзүлөт. Бирок жол кире, мейманкана, тамак-аш, күнүмдүк чыгым, медициналык камсыздандыруу, медициналык кагаздарды англис жана түрк тилдерине которуу, ошондой эле котормочу жалдоо үчүн каражат бейтап тарабынан төлөнөт. Органын алмаштырам (трансплантация) деген бейтаптын донору, ага тиешелүү медициналык изилдөөдөн өткөн кагаздары даяр болушу керек.

Квота аркылуу дарыланууну көздөгөн бейтаптар Саламаттык сактоо министрлиги менен Түркиянын КРдеги элчилигине кайрылат.

9
Белгилер:
бейтап, коронавирус, квота, дарылоо, Түркия, Кыргызстан
Тема боюнча
Эки ай дешти. Ак канга чалдыккан наристесине жардам сурап карайлаган атанын маеги
Ала-Тоо аянтында бараткан адамдар. Архив

Жаңжал, жаза, акыркы тизме. Шайлоонун кызыган учурундагы окуялар

20
(жаңыланган 20:23 24.09.2020)
Жогорку Кеңештин депутаттарын канча адам шайлай алары белгилүү болду. Массалык мушташка жооптуу талапкерлер жарыштан четтетилди.

БИШКЕК, 24-сен. — Sputnik. Бүгүн Борбордук шайлоо комиссиясынын төрайымы жана башкы прокурор менен ички иштер министринин орун басарлары маалымат жыйын өткөрүштү. Анда алдыдагы парламенттик шайлоону уюштуруу жана даярдыктары тууралуу маалымат беришти.

Sputnik Кыргызстан агенттиги жыйында айтылган маанилүү билдирүүлөрдүн топтомун сунуштайт.

Шайлоо учурундагы коопсуздук талкууланды. Жээнбеков УКМК төрагасын онлайн кабыл алды

  • Шайлоочулардын акыркы тизмеси жарыяланып, 3 миллион 523 миң 532 кыргызстандык катталды. Бул 2015-жылдагы парламенттик шайлоого салыштырмалуу 762 735 адамга көп же 27,6 пайызга өсүш болду;
  • Убактылуу жашаган жеринен добуш берүү үчүн 488 873 шайлоочу №2 формасын алды;
  • Чет өлкөдө жүргөн 32 582 мигрант ЖК депутаттарын шайлоого катыша алат. 2015-жылы 15 312 гана кыргызстандык добуш берүүгө укук алган;
  • Документтерди кароо учурунда ар кайсы партиядан 42 талапкер шайлоого катышуу укугунан ажыратылды;
  • Жалпы жонунан 2 475 шайлоо участкасы ачылды. Анын ичинен 45и чет өлкөдөгү дипломатиялык өкүлчүлүктөрдө;
  • Шайлоо өнөктүгү маалында 128 мыйзам бузуу катталып, прокуратура тергеп жатат. Анын 82си Жазык кодекси, 46сы Жоруктар кодекси менен каралууда;
  • Башкы прокуратура административдик ресурсту колдонуу боюнча 11 фактыны иликтеп жатат. Азырынча эч бир мамлекеттик кызматкерге чара колдонула элек;
  • Шайлоочулардын добушун сатып алуу беренеси менен 40 кылмыш иши козголду;
  • Араванда үгүт учурунда массалык мушташты тутандырган деп алты адам айыпталууда. Учурда анын бешөө тергөө абагына киргизилген, бирөө ооруканада жатканына байланыштуу баш коргоо чарасы тандала элек. Жалпысынан тогуз адам ооруканада жатат;
  • Шайлоо күнү өлкөдө коомдук коопсуздукту камсыздоо жана шайлоо участкаларын кайтаруу үчүн 11 507 милиция кызматкери тартылат;
  • 27-сентябрдан тарта Ички иштер министрлиги күчөтүлгөн тартипте иштөөгө өтөт;
  • ИИМ шайлоо тартиптерин бузуу боюнча 236 фактыны Кылмыш жана жоруктардын бирдиктүү реестрине каттады;
  • 24-сентябрда кечки саат 17:00дө БШКнын отуруму болуп, Аравандагы массалык мушташ боюнча маселе каралды. Натыйжада жаңжалга жооптуу "Мекеним Кыргызстан" партиясынан талапкер Илхам Маннанов жана "Биримдиктин" талапкери Шүкүрулло Файзуллаев жарыштан четтетилди.
20
Белгилер:
прокурор, мыйзам бузуулар, талапкер, каттоо, шайлоо, БШК
Тема:
Шайлоо-2020
Тема боюнча
Шайлоодо ат салышчу партиялардын талапкерлери. Толук тизме
Президент Жээнбеков аны сындаган талапкерлер боюнча оюн айтты
Бир партия 105 млн. сом. Шайлоого аттангандар канча каражат короткону айтылды
Кара-Суу райондук администрациясынын жетекчиси Тилекбек Матраимов. Архив

Кара-Суунун акими Тилек Матраимов кызматтан кеттиби? Расмий жооп

17
(жаңыланган 20:51 24.09.2020)
Матраимов аталган районду сегиз жылдан бери жетектеп келет. Бүгүн социалдык тармактарда анын кызматтан кеткени тууралуу кептер тарап жатат.

БИШКЕК, 24-сен. — Sputnik. Кара-Суу райондук администрациясынын жетекчиси Тилекбек Матраимов кызматтан кетүү тууралуу арыз жазган жок. Бул тууралуу Sputnik агенттигине өкмөттүн Ош облусундагы өкүлү Байыш Юсупов билдирди.

Белгилей кетсек, социалдык тармактарда Матраимов район башчылыгынан кетти деген кептер тарап жатат.

Облус жетекчиси Юсупов бул маалыматты төгүндөп, Мартаимов кыска убакыттагы эс алууга чыкканын билдирди.

"Арыз жазды деген маалымат жок. Ал киши отпускага кетти", — деди Юсупов.

Кабарчынын ал качан жана канча убакытка эс алууга кетти деген суроосуна "бүгүндөн тарта бир айга" деп жооп берди.

Тыңгылыктуу санариптеше албай жатабыз! Суракматов бир жетекчини кызматтан алды

Матраимов Кара-Суу районун 2012-жылдын февраль айынан тарта жетектеп келет.

17
Белгилер:
Тилекбек Матраимов, аким, кызмат, Кара-Суу району, Ош
Тема боюнча
Бишкектин Ленин районуна жаңы аким келди