Эркек киши. Архивдик сүрөт

Эркектерди мезгилсиз өлүмгө кептеген себептер айтылды. Изилдөө

409
(жаңыланган 09:13 09.09.2020)
Окумуштуулар 40-79 жаштагы эки миңге чукул эркек кишиге изилдөө жүргүзүп, ден соолугун ар тараптан талдап чыгышкан.

БИШКЕК, 9-сен. — Sputnik. Кандагы D витамининин деңгээлинин төмөндүгү эркектер арасында бир катар ооруларга жана мезгилсиз өлүмгө алып келиши мүмкүн. Бул тууралуу РИА Новости жазды. 

Левендин (Бельгия) католик университетинин окумуштуулары 40-79 жаш курактын аралыгындагы 1 970 эркек кишиге изилдөө жүргүзгөн. Анда адистер катышуучулардын жаш курагына, салмагына, тамеки тарткан-тартпаганына жана ден соолугуна жараша D витамининин метаболиттеринин деңгээлин салыштырып көрүшкөн.

Ажалы жакындаганын адамдын көзүн карап билсе болот. Изилдөө

Натыйжада метаболиттердин деңгээли жүрөк-кан тамыр оорулары, рак жана остеопороз сыяктуу оорулардын көбөйүшүнө, ошондой эле эрте өлүмгө байланыштуу экени белгилүү болгон.

D витамини адамга керектүү заттардын бири. Ал жетишпегенде адамдын сөөгү жумшарып, улгайганда остеопороз дартына чалдыгат.

409
Белгилер:
витамин, изилдөө, өлүм, эркек
Тема боюнча
Окумуштуулар: донордун канын куюу инсультту дарылоого жардам берет
Президент Садыр Жапаров. Архив

Галина Байтерек: Жапаровдун Facebook аккаунтун бузуп киришти

55
(жаңыланган 11:06 04.03.2021)
ЖМКлардын бири депутат Дастан Бекешев "Жаңы "Ханституция" элдин шору болот" деп айткан видеосун чыгарган. Анын астына Садыр Жапаров деген аккаунт комментарий жазган.

БИШКЕК, 4-мар. — Sputnik. Президенттин маалымат катчысы Галина Байтерек өлкө башчы Садыр Жапаровдун Facebook аккаунту талкаланганын жана ал соңку комментарийлерди өзү жазбаганын билдирди.

Эске сала кетсек, социалдык тармактарга ЖМКлардын бири депутат Дастан Бекешев "Жаңы "Ханституция" элдин шору болот" деп айткан видеосун чыгарган. Анын астына Садыр Жапаров деген ат менен катталган аккаунт одоно комментарий жазган. Ушу тапта бул билдирүүнүн кызуу талкууланып жаткан чагы.

Мамлекет башчы Садыр Жапаровдун маалымат катчысы социалдык тармакка жазылган соңку комментарий боюнча түшүндүрмө берди.

"Президент Садыр Жапаровдун Facebook социалдык түйүнүндөгү жеке баракчасы белгисиз бирөөлөр тарабынан бузулду. Ниети бузуктар аталган баракчадан ар кандай посттор менен комментарийлерди калтырышкан. Акыркы комментарийлерге мамлекет башчысынын эч кандай тиешеси жок. Садыр Жапаров коомчулукта айтылган бардык ой-пикирлерге, анын ичинде сын көз караштарга да сый-урмат менен мамиле кылат. Андыктан ал мындай сөздү эч качан айтпайт", — деген Байтерек.

Кечээ Жогорку Кеңештин депутаттары жалпы жыйында жаңы Конституциянын долбоору боюнча референдум дайындоо демилгесин биринчи окууда колдоп беришкен. Эл өкүлдөрүнүн 87си макул болсо, 9у каршы чыккан. Каршы чыккандардын арасында Дастан Бекешев да бар.

55
Белгилер:
комментарий, депутат, президент, билдирүү, Facebook, Галина Байтерек, Дастан Бекешов, Садыр Жапаров
Тема боюнча
Жапаров: мени менен түшкөн сүрөтүн көрсөтүп, иш сурагандардан алыс болгула
Жапаров бош убактысында эмне менен алектенерин айтты
Дүкөндөгү канаттуу эти. Архив

Салык кызматы жер семирткич, канаттуу этин мыйзамсыз ташыгандарды аныктады

16
(жаңыланган 11:05 04.03.2021)
Импорттоочулардын бардыгында коштоочу документтер жана товар ташууга салык органынын уруксат берген маалым каты болгон эмес.

БИШКЕК, 4-мар. — Sputnik. Мамлекеттик салык кызматы кыргыз-казак чек арасында ЕАЭБге мүчө-мамлекеттерден товар ташып кирүүдө мыйзам бузуу фактыларын аныктады. Бул тууралуу аталган мекеменин маалымат кызматы кабарлады.

Ага ылайык, мыйзам бузуу фактылары чек арадагы көзөмөл-өткөрмө бекетине жакын жердеги товарларды эсепке алуу пунктуларында катталган.

"Ак-Тилек" көзөмөл-өткөрмө пунктунан 40 тонна аммофос (жер семирткич), 20 тонна суу эмульсиясы, 19 тонна чала фабрикат, 20 тонна тоок этинен жасалган фарш, 20 тонна канаттуунун этин алып өтүү аракети аныкталды. "Чалдовар" көзөмөл-өткөрмө пунктунда 70 куб метр пиломатериалдын, "Чоң-Капка" өткөрмө пунктунда 20 тонна полиэтилендин мыйзамсыз ташылып кирүүсү катталды", — деп айтылат маалыматта.

Импорттоочулардын бардыгында коштоочу документтер жана товарды ташууга уруксат берген салык органынын маалым каты жок экени айтылды.

Мыйзам бузуу фактылары боюнча материалдар чара көрүү үчүн мобилдик топко өткөрүп берилген.

16
Белгилер:
товар, мыйзамсыз, чек ара, Мамлекеттик салык кызматы
Тема боюнча
Баткенде аткезчиликке бөгөт коюу үчүн мобилдүү топтор иштеп жатат
Ирандан алып келинген жарым миллиондой таңгак тамеки аныкталды. Видео