Ош шаарында коррупция менен күрөшүүдөн түшкөн каражатка жаңы мектеп салынды.

Президент коррупция менен күрөшүүдөн түшкөн акчага салынган мектепти көрдү

140
(жаңыланган 16:54 09.09.2020)
Өлкө башчысы Ош облусуна болгон иш сапарынын алкагында Нариман орто мектебинин кошумча окуу корпусунун курулушун көрдү.

БИШКЕК, 9-сен. — Sputnik. Ош шаарында коррупция менен күрөшүүдөн түшкөн каражатка жаңы мектеп салынды. Бул тууралуу өлкө башчынын маалымат кызматынан кабарлашты.

Маалыматка ылайык, президент Сооронбай Жээнбеков бүгүн, 9-сентябрда, Ош облусуна болгон иш сапарынын алкагында калаадагы Нариман орто мектебинин кошумча окуу корпусунун курулушун көргөн.

  • Строительство дополнительного учебного корпуса Нариманской средней школы, расположенной в городе Ош. 9 сентября 2020 года
    Ош шаарында коррупция менен күрөшүүдөн түшкөн каражатка жаңы мектеп салынды.
    © Пресс-служба президента КР / Султан Досалиев
  • Строительство дополнительного учебного корпуса Нариманской средней школы, расположенной в городе Ош. 9 сентября 2020 года
    Президент Сооронбай Жээнбеков бүгүн, 9-сентябрда, Ош облусуна болгон иш сапарынын алкагында калаадагы Нариман орто мектебинин кошумча окуу корпусунун курулушун көргөн.
    © Пресс-служба президента КР / Султан Досалиев
  • Строительство дополнительного учебного корпуса Нариманской средней школы, расположенной в городе Ош. 9 сентября 2020 года
    Жаңы имарат коррупция менен күрөшүүнүн жыйынтыгында түшкөн каражатка салынууда.
    © Пресс-служба президента КР / Султан Досалиев
  • Строительство дополнительного учебного корпуса Нариманской средней школы, расположенной в городе Ош. 9 сентября 2020 года
    500 окуучуга ылайыкташкан үч кабаттуу окуу корпусунда 24 окуу кабинети, ашкана, медициналык кабинет, мугалимдер бөлмөсү, китепкана жана окуу залы бар.
    © Пресс-служба президента КР / Султан Досалиев
  • Строительство дополнительного учебного корпуса Нариманской средней школы, расположенной в городе Ош. 9 сентября 2020 года
    Мектепти ушул жылдын ноябрь айында пайдаланууга берүү пландалууда.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Ош шаарында коррупция менен күрөшүүдөн түшкөн каражатка жаңы мектеп салынды.

Жаңы имарат коррупция менен күрөшүүнүн жыйынтыгында түшкөн каражатка салынууда. 500 окуучуга ылайыкташкан үч кабаттуу окуу корпусунда 24 окуу кабинети, ашкана, медициналык кабинет, мугалимдер бөлмөсү, китепкана жана окуу залы бар. Мектепти ушул жылдын ноябрь айында пайдаланууга берүү пландалууда.

Жаңы окуу жылында үч мектеп колдонууга берилет. Тизме

Жээнбеков жергиликтүү тургундар менен баарлашууда жаңы курулуштар боюнча долбоор мектептердеги класстардын жетишсиздигин чечүүгө көмөктөшөрүн белгиледи.

"Көп каражат коронавирус инфекциясы менен күрөшүүгө жумшалды. Бирок маанилүү болгон долбоорлорду, анын ичинде жаңы мектептерди курууну жана авариялык мектептерди оңдоп-түзөөнү каржылоо эч нерсеге карабастан улантылат", — деди Жээнбеков.

Нарын: резонанс жараткан контейнер мектептин ордуна жаңы имарат курулуп жатат

Эске салсак, 2018-жылы июнь айында экономикалык жана кызматтык кылмыштар тууралуу кылмыш иштери боюнча мамлекетке келтирилген зыяндарды кайра кайтаруудан түшкөн акча каражатын каттоого алуу жана багыттоо үчүн бирдиктүү депозиттик эсеп ачылган. 2019-жылы андагы каражат менен жалпы 15 мектепти жана Ош, Бишкек шаарындагы, Чүй облусундагы жалпы билим берүүчү мекемелеринин кошумча корпустарын курууга 800 миллион сом бөлүнгөн.

140
Белгилер:
курулуш, мектеп, Сооронбай Жээнбеков, президент, Ош
Тема боюнча
Өкмөт: ушул жылы 112 имарат бүтсө, анын жарымы мектеп менен оорукана болот
Жээнбеков эки күндө Ош облусун кыдырып чыгат
Аэропорт Манас жанында кишилер. Архив

"Манас" аэропортундагы узун кезек. Жүргүнчү бүгүнкү окуяны сүрөттөдү

88
(жаңыланган 12:52 27.09.2020)
Аэропорттун маалымат катчысы Алия Курбанова "бир эле эшиктен киргизип-чыгарып жатат" деген маалымат чындыкка дал келбей турганын айтты.

БИШКЕК, 27-сен. — Sputnik. "Манас" эл аралык аэропортунда бүгүн эртең менен жүргүнчүлөрдүн узун кезеги жаралды. Бул тууралуу Facebook баракчасынын "Кара тизме" тайпасына Черик Сыдыков аттуу колдонуучу жазды.

"27-сентябрь. "Манас" аэропорту. Бул жакта башаламандык орун алды. Бир эле эшик ачык. Аэропортко ушул эле эшик менен киргизип-чыгарып жатышат. "1,5 аралыкты сактагыла" дейт. Бир жакка учуп кетчүлөр болсо, аэропортко эртерээк келгиле. Болбосо учакка жетишпей калышыңар ыктымал", — деди Сыдыков.

Ал эми аэропорттун маалымат катчысы Алия Курбанова "бир эле эшиктен киргизип-чыгарып жатат" деген маалымат чындыкка дал келбей турганын айтты.

"Терминалда кирип-чыгуу үчүн өз-өзүнчө эшиктер бар. Ошол эле учурда аэропортко билети бар, бет кап тагынган, уча турчу жүргүнчүлөр гана киргизилет. Алар дезинфекциялоочу тоннелдер аркылуу өтөт. Бул иш-аракеттин баары коронавирус инфекциясынын жайылып кетүүсүн алдын алуу максатында жүргүзүлүүдө. Биз адамдарды аралыкты сактоого чакырып жатабыз. Бирок аны баары эле аткарган жок. Ошондой эле жүргүнчүлөрдү коштоп келгендер да кезекке туруп алган учурлар катталып жатат", — деди Курбанова.

"Манас" эл аралык аэропорту бардык жүргүнчүлөрдү жүргүзүлүп жаткан иш-аракеттерге түшүнүү менен мамиле кылуусун суранып, уча турчуларды аэропорттун аймагына эртерээк келүүгө чакырды.

88
Белгилер:
коронавирус, видео, кезек, аэропорт, Бишкек, Кыргызстан
Тема боюнча
Өзбек авиакомпаниясы Бишкекке каттамдарын 1-октябрдан тарта көбөйтөт
Медициналык кызматкерлер ооруканада. Архив

ДССУ: бардык өлкөлөрдүн өкмөттөрү катаал карантин киргизүүгө даяр турушу керек

66
(жаңыланган 12:35 27.09.2020)
ДССУ өкүлүнүн айтымында, катуу чектөөлөр болбосо, жакын арада коронавирустан көз жумгандардын саны 2 миллионго жетип калышы ыктымал.

БИШКЕК, 27-сен. — Sputnik. Дүйнөнүн бардык өлкөлөрүнүн өкмөттөрү COVID-19дан өлүмдүн саны көбөйүп кетпеши үчүн кайрадан катаал карантин киргизүүгө даяр болушу керек. Бул тууралуу Дүйнөлүк саламаттык сактоо уюмунун (ДССУ) өзгөчө кырдаалдар боюнча программасынын жетекчиси Майк Райанга шилтеме берип ВВС жазды.

Райандын айтымында, мындай чектөөлөр болбосо, жакын арада коронавирустан көз жумгандардын саны 2 миллионго жетип калышы ыктымал. Ал жакын арада вакцина чыгарын жана дарылоо ыкмалары бир топ жакшырарын айтып, ошол эле учурда бул нерселер өлүмдүн азаюусуна анча жакшы жардам бере албасын кошумчалады.

ДССУ: коронавирустан дагы миллион адам ажал табышы мүмкүн

"Болгон аракетибизди жумшабасак, тилекке каршы, өлгөндөрдүн саны кескин өсүп кетиши ыктымал”, — деди жетекчи.

Жон Хопкинс университетинин акыркы маалыматына караганда, дүйнөдө коронавирус жуктургандардын саны 32,7 миллионго жетти. Алардын арасынан 993 миң киши каза болуп, 22,6 миллион киши сакайды.

66
Белгилер:
Дүйнөлүк саламаттыкты сактоо уюму, өлүм, чектөө, карантин, пандемия, коронавирус
Тема боюнча
Коронавирустан айыккандардан жуктургандар көбөйдү. Статистика

Кыргызстан тууралуу тасма эл аралык фестивалда гран-при алды. Видео

0
(жаңыланган 12:56 27.09.2020)
Тасмада дүйнөдө биринчилерден болуп суу тартыштыгына кептелген Кыргызстан тууралуу баяндалат. Фестивалда Россия, Норвегия, Финляндия жана Швеция режиссёрлорунун эмгектери көрсөтүлдү.

Кыргызстандагы суу тартыштыгы тууралуу баяндаган "Вода. Время жажды" даректүү тасмасы “Түндүктүн мүнөзү: green screen" фестивалында гран-при сыйлыгына татыды. Бул тууралуу "Би-порт" сайты жазды

Режиссёр Евгений Безбородовдун тасмасында дүйнөдө биринчилерден болуп суу тартыштыгына кептелген Кыргызстан тууралуу көрсөтүлөт. Автор бүтүндөй адам баласынын көйгөйүн бир өлкөнүн мисалында чагылдырат.

Шевченко катышкан Холли Берринин тасмасын Netflix чоң акчага сатып алды

Иркутск облустук кинофондунун YouTube-каналында тасманын трейлери жүктөлгөн. Фильм 39 мүнөткө созулат.

"Суунун жаратылышта түбөлүктүү айлануусу. Миңдеген жылдар бою адам бул мыйзам менен жашап келген. Бирок XXI кылымда адам баласы чоң көйгөйгө кептелди. Мөңгүлөрдүн, тоодон аккан таза суунун мекени болгон Кыргызстан суу тартыштыгы менен дүйнөдө биринчилерден болуп жабыркай баштады. Суунун бир тамчысы жана өлкөдөгү көйгөйлөр аркылуу бүткүл адам баласынын трагедиясы көрсөтүлдү”, — деп айтылат сүрөттөмөдө.

Фестивалда Россия, Норвегия, Финляндия жана Швеция режиссёрлорунун эмгектери көрсөтүлдү.

“Түндүктүн мүнөзү: green screen" — экологиялык жана социалдык тасмалардын эл аралык фестивалы.

0
Белгилер:
фестиваль, сыйлык, тасма, көйгөй, Суу, Кыргызстан
Тема боюнча
Кыргыз режиссёрунун "Көл" тасмасы Кытайдагы ири фестивалга чакыруу алды