Кош бойлуу аял. Архив

Дарыгер: КРде оору катталгандан бери коронавирустан 16 кош бойлуу аял көз жумду

73
(жаңыланган 14:38 09.09.2020)
Өлкөдө коронавирус жалпы 536 кош бойлуу келинден табылган. Аларды диагностикалоо жана дарылоо көрсөтмөлөрү өзгөртүлгөнү айтылды.

БИШКЕК, 9-сен. — Sputnik. Кыргызстанда коронавирус катталгандан бери аталган инфекциядан 16 кош бойлуу аял көз жумган. Бул тууралуу Республикалык штаб профессор, акушер-гинеколог Арсен Аскеровдун айтымына таянып кабарлады.

Аскеров белгилегендей, өлкөдө коронавирус жалпы 536 кош бойлуу келинден табылган.

"Илдетти илештирип алган кош бойлуулардын арасынан жеңил даражадагы оорулуулар үй шартында, орточо жана оор абалдагы бейтаптар №2 төрөт үйүндө дарыланып жатышкан. Вирустун катталуусу азайгандыгына байланыштуу жугуштуу оорулар бөлүмүнө которулушкан. Учурда кош бойлуу аялдарды диагностикалоо жана дарылоо көрсөтмөлөрү өзгөртүлдү", —  деди дарыгер.

Кыргызстанда коронавирус жуктуруп алгандардын саны 44 613кө чыкса, анын 40 336сы айыгып чыкты. Бүгүн Таласта бир адам каза таап, көз жумгандардын жалпы саны 1 063 болду.

73
Белгилер:
кош бойлуу, коронавирус, Кыргызстан
Тема:
Кыргызстандагы коронавирус жуктуруп алгандар (1325)
Тема боюнча
Коронавирустан 178 киши айыгып, 87 адам жаңыдан жуктуруп алды. Статистика
Ресторан. Архив

Пандемиянын мейманкана, ресторан ишине тийгизген кесепети. Сандар

4
(жаңыланган 20:26 29.09.2020)
Министрлик жалпы кызмат көрсөтүүнүн ичинен ишмердүүлүгү төмөндөп кеткен тармактарды атап, сандарды келтирди. Анткен менен августтун жыйынтыгы башкача болду.

БИШКЕК, 29-сен. — Sputnik. Жыл башынан бери мейманканалар менен ресторандардын ишмердүүлүгү 45,4 пайызга төмөндөдү. Бул туурасында Экономика министрлигинин маалыматында айтылат.

"Пандемия мезгилинде тейлөө тармагы абдан көп жабыр тартты. 2020-жылдын январь-август айларында тейлөө тармагынын дүң чыгарылышы 254,7 млрд. сом көлөмүндө болгон, ошол эле учурда өсүүнүн реалдуу темпи 90,2 пайызды түзгөн"
— деп билдиришти аталган министрликтен.

Министрлик аны менен кошо эле жалпы кызмат көрсөтүүнүн ичинен ишмердүүлүгү төмөндөп кеткен башка тармактарды да келтирген.

Былтыркы ушул жылга салыштырмалуу автоунааларды жана мотоциклдерди оңдоонун азайышы негизинен дүң көлөмдүн (19,4 пайызга), чекене сооданын (16,2 пайызга) төмөндөшү менен шартталган. Анткен менен өткөн айларга салыштырганда августта дүң – чекене соода секторунда 0,3 пайызга өсүш байкалган.

Кыргызстанда жыл сайын жүздөгөн ресторан, тойканалар ачылат

Отчеттук мезгил аралыгында транспорттук кызмат көрсөтүүлөр 19 млрд. сомду түзүп, өсүүнүн реалдуу темпи 39,1 пайызга ылдыйлаган. Транспорттук кызмат көрсөтүүлөрдүн төмөндөшү авиа каттамдар менен автоунаа менен ташуулардын өлкө ичинде да, башка өлкөлөргө да ташуулардын төмөндөшү менен шартталган. Жалпысынан алганда I кварталдын аягынан тарта ай сайын өтө төмөндөөлөр болуп, кээде айына 6 пайызга түшкөн мезгилдер болгон. Августтун жыйынтыгы менен ушул сектордун көрсөткүчтөрү ушул жылдын июль айынын деңгээлинде калууда.

"Демек, бул аталган сектордо төмөндөө азайып, калыбына келүү фазасына өтүп жаткандыгын көрсөтүп турат", - деп айтылган маалыматта.

Кыргыз өкмөтү COVID кесепетинен канча карыз алып, кайда жумшап жаткандыгын экономикалык бяндамадан окуй аласыз.

4
Белгилер:
экономика, кызмат көрсөтүү, коронавирус, Кыргызстан
Тема боюнча
Кафе-ресторандарда 100 кишиге чейин отурууга уруксат берилиши мүмкүн
Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак

Мэрия: Маданият министрлигине кайра айып салынды

34
(жаңыланган 18:39 29.09.2020)
Жарандардан Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак кароосуз калып, таштанды көбөйгөнү боюнча арыздар келип түшкөн.

БИШКЕК, 29-сен. — Sputnik. Маданият, маалымат жана туризм министрлигине Эреже бузуулар жөнүндөгү кодекстин 293-беренеси ("Ыйгарым укуктуу органдын чечимдерин, аныктамаларын, тескемелерин же талаптарын аткаруу тартибин бузуу") боюнча протокол түзүлдү. Бул тууралуу Бишкек мэриясынан билдиришти.

Дайверлер Ысык-Көлдүн түбүнөн бир тоннадан ашык таштанды алып чыгышты. Сүрөт

Мусор в парке имени Кычана Джакыпова на пересечении улиц Ю. Абдрахманова и Мичурина в Бишкеке
© пресс-служба мэрии города Бишкек
Жарандардан Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак кароосуз калып, таштанды көбөйгөнү боюнча арыздар келип түшкөн.

Айып Санитардык-экологиялык инспекциясы тарабынан салынган. Маалыматка караганда, көпчүлүк жарандардан Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак кароосуз калып, таштанды көбөйгөнү боюнча арыздар келип түшкөн. 

Мусор в парке имени Кычана Джакыпова на пересечении улиц Ю. Абдрахманова и Мичурина в Бишкеке
© пресс-служба мэрии города Бишкек
Айып Санитардык-экологиялык инспекциясы тарабынан салынган.
"Санитардык инспекциянын өкүлдөрү жерине барып парктын аймагы чын эле каралбай калганына күбө болушкан. Буга байланыштуу министрликке карата эскертүү берилген. Бирок коомдук жай дагы деле иретке келтирилген жок. Ошондуктан 293-берене боюнча протокол түзүлдү", — деп айтылат маалыматта.

Мэрия элди таштанды ыргытпоого чакырып, ишканасынын, үйүнүн айланасын таза кармоону суранды.

34
Белгилер:
Маданият министрлиги, тазалык, Бишкек мэриясы
Тема боюнча
Бишкекте жаңы конуштун тургундары мектептин жанына таштанды үйүп салышкан