Ход строительства новой инфекционной больницы в городе Ош. 9 сентября 2020 года

Ош шаарындагы жугуштуу илдеттер ооруканасы октябрда бүтмөкчү. Сүрөт

107
(жаңыланган 18:28 09.09.2020)
Мамлекет башчы курулуш иштерин суук түшкөнгө чейин бүтүрүү тапшырмасын берип, сапатына да көңүл бурулушу керектигине токтолгон.

БИШКЕК, 9-сен. — Sputnik. Мамлекет башчы Сооронбай Жээнбеков Ош облусуна болгон жумушчу сапарынын алкагында шаардагы жугуштуу илдеттер ооруканасындагы курулуш иштери менен таанышты. Бул тууралуу президенттин маалымат кызматы кабарлады.

  • Президент Кыргызской Республики Сооронбай Жээнбеков в рамках рабочей поездки в Ошскую область ознакомился с ходом строительства новой инфекционной больницы в г. Ош. 9 сентября 2020 года
    Мамлекет башчы Сооронбай Жээнбеков Ош облусуна болгон жумушчу сапарынын алкагында шаардагы жугуштуу илдеттер ооруканасындагы курулуш иштери менен таанышты.
    © Пресс-служба президента КР / Султан Досалиев
  • Ход строительства новой инфекционной больницы в городе Ош. 9 сентября 2020 года
    Анда Архитектура, курулуш жана турак-жай коммуналдык чарба боюнча мамлекеттик агенттиктин директору Урматбек Көкөчаров жаңы оорукана 100 орунга ылайыкташылганын айткан.
    © Пресс-служба президента КР / Султан Досалиев
  • Ход строительства новой инфекционной больницы в городе Ош. 9 сентября 2020 года
    Оорукана жандандыруу, жугуштуу ооруларды аныктоо жана дарылоо болуп үч бөлүмдөн турат.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Мамлекет башчы Сооронбай Жээнбеков Ош облусуна болгон жумушчу сапарынын алкагында шаардагы жугуштуу илдеттер ооруканасындагы курулуш иштери менен таанышты.

Анда Архитектура, курулуш жана турак-жай коммуналдык чарба боюнча мамлекеттик агенттиктин директору Урматбек Көкөчаров жаңы оорукана 100 орунга ылайыкташылганын айткан. Оорукана жандандыруу, жугуштуу ооруларды аныктоо жана дарылоо болуп үч бөлүмдөн турат.

"Бүгүнкү күндө оорукананын эски имараты толугу менен бузулуп, бир катар иштер бүткөрүлгөн. Тез курулчу конструкциялардан куралган объект ушул жылдын октябрь айында пайдаланууга берилип калат", — деп айтылат маалыматта.

Мамлекет башчы курулуш иштерин суук түшкөнгө чейин бүтүрүү тапшырмасын берип, сапатына да көңүл бурулушу керектигине токтолгон. Жээнбеков медиктер менен баарлашып, аларга кылган кызматы үчүн ыраазычылык билдирген.

Бишкектеги инфекциялык оорукананын корпусу кандай курулууда. Видео

Эске салсак, Бишкек, Ош шаарларында жана Нарын облусунда жугуштуу илдеттер ооруканалары курулуп жатат.

107
Белгилер:
коронавирус, курулуш, оорукана, президент, Ош
Тема боюнча
Президент коррупция менен күрөшүүдөн түшкөн акчага салынган мектепти көрдү
Премьер-министр Кубатбек Боронов. Архив

Боронов РФте көпүрө урап жабыркаган мекендештерге жардам берүүнү тапшырды

34
(жаңыланган 10:25 28.09.2020)
Кечээ Москва облусундагы логистикалык ишканада жөө адамдар өтүүчү көпүрө урап, андан ондогон кыргызстандык жабыркаган.

БИШКЕК, 28-cен. — Sputnik. Премьер-министр Кубатбек Боронов Кыргызстандын Россиядагы элчиси Аликбек Жекшенкулов менен телефон аркылуу сүйлөшүп, көпүрөнүн урашынан жаракат алган мекендештерге жардам көрсөтүүнү тапшырды. Бул тууралуу өкмөттүн маалымат кызматы кабарлады.

Россияда кыргызстандыктар жабыркаган кырсыктын болжолдуу себеби айтылды

Эске салсак, 27-сентябрь күнү Россиянын Москва облусундагы FM LOGISTIC  логистикалык ишканасында (кампа комплекси) жөө адамдар өтүүчү көпүрө урап, андан кыргыз жарандары жабыркаганы айтылган. Соңку маалыматтар боюнча, 51 кыргызстандык ар кандай жаракат алган

"Өкмөт башчы элчи Алибек Жекшенкуловго кырсыктан жабыр тарткан мекендештерге медициналык жардам көрсөтүүнү жана аларды ооруканаларга жайгаштырууну тапшырды. Ошондой эле мекендештердин дарылануусун жеке көзөмөлүнө алышы керектигин белгиледи", — деп айтылат маалыматта.

Боронов муну менен катар Жекшенкуловго кырсыктын келип чыгышын иликтеген Россиянын укук коргоо органдарынан маалыматтарды байма-бай алып турууну жана алар менен биргеликте иш жүргүзүшү керектигин айткан.

34
Белгилер:
тапшырма, жардам, мекендештер, Аликбек Жекшенкулов, Кубатбек Боронов, Россия, Кыргызстан
Тема боюнча
Россияда мекендештерди чек арадан өткөрөм деп алдап кеткен шылуун изделүүдө
Киши көкүрөгүн кармап турат. Архив

Инсульттун көпчүлүк биле бербеген алгачкы белгилери айтылды

106
(жаңыланган 09:59 28.09.2020)
Инсультту алдын алуу үчүн ар дайым кандагы канттын, холестериндин деңгээлин көзөмөлдөн чыгарбоо керек. Ошондой эле кан басымын өз чегинде кармоо зарыл.

БИШКЕК, 28-сен. — Sputnik. Казань медициналык университетинин доценти, неврология кафедрасынын жетекчиси Рустем Гайфутдинов жакындап келе жаткан инсульттун алгачкы жана байкала бербеген белгилерин айтты. Бул тууралуу РИА Новости агенттиги жазды.

Адистин пикиринде, инсульттун көпчүлүккө белгилүү беттеги симметриянын жоголушу, сүйлөөнүн бузулушу сыяктуу белгилеринен тышкары төмөндөгүлөргө көңүл буруу зарыл:

  • кан басымынын 220дан жогорулап кетиши;
  • жаак, тил жана манжалардагы сайгылашуу же эч нерсени сезбей калуу;
  • колдордун жакшы иштебей калышы;
  • көздүн көрүүсүнүн начарлашы;
  • баш ооруп, көңүл айнуу.

Ошондой эле инсульт болоруна аз калган кишинин башы айланып, кыймыл-аракети өтө жай болуп калат. Айрым учурда айланадагы нерселер көзгө кош кабат болуп көрүнө баштайт.

106
Белгилер:
оору, белги, инсульт
Тема боюнча
Коронавирустун мээ менен нерв системасына тийгизген таасири ачыкталды
Алайдын тоолору. Архивдик сүрөт

Түндө Алайда жер титиреди

0
(жаңыланган 10:45 28.09.2020)
Жердин титирегени Алай районунун Ачык-Суу, Жайылма жана Кашка-Суу айылдарында сезилген. Андан жабыркагандар жана кыйроолор болгон жок.

БИШКЕК, 28-сен. — Sputnik. Түндө Ош облусунун аймагында очогунда күчү 4 баллга жеткен жер титирөө катталды. Бул тууралуу Сейсмология институтуна таянуу менен ӨКМ кабарлады.

Түндө Таласта кар жаады. Видео

Жер бүгүн, 28-сентябрь күнү, саат 02:32де титиреген. Ал Алай районунун Ачык-Суу, Жайылма, Кашка-Суу айылдарында 3 баллга чейин сезилген.

Жер силкинүүдөн жабыркагандар жана кыйроолор болгон жок.

0
Белгилер:
жер титирөө, ӨКМ, Алай району, Ош
Тема боюнча
Табият албууттанганда. Кыргызстандагы жүрөк үшүн алган жаратылыш кырсыктары