Ооруканадагы бейтап. Архив

Министрлик баштапкы протокол менен азыркы протоколдун айырмачылыгын айтып берди

78
(жаңыланган 12:45 10.09.2020)
Ибраеванын айтымында, 4-протоколду иштеп чыгууда адистер буга чейинки кемчиликтерди, тажрыйбаны эске алышкан.

БИШКЕК, 10-сен. — Sputnik. Медициналык жардам жана дары-дармек саясатын уюштуруу башкармалыгындагы жетекчисинин милдетин аткаруучу Нургүл Ибраева коронавирусту дарылоо боюнча жаңы иштелип чыккан 4-протокол менен 3-протоколдун айырмачылыктарын брифингде айтып берди.

Эске салсак, Саламаттык сактоо министрлиги коронавирусту аныктоо жана дарылоо боюнча протоколдун төртүнчү версиясын бекиткен.

Ибраеванын айтымында, 4-протоколду иштеп чыгууда адистер буга чейинки кемчиликтерди, тажрыйбаны эске алышкан.

COVID: августта иштеген медиктердин кошумча маянасына 269,2 млн. сом бөлүндү

"Жаңы протоколдо пневмония оорусунун коду бекитилди. Мындан сырткары, амбулатордук жана стационардык дарылоо ыкмасы эки башка болуп жазылды. Мисалы, оору жеңил формада болсо, ал амбулатордук шартта өзүнчө ыкма менен дарыланат. Баш-аягы жаңы протоколго алгоритмдин жети түрү жазылган. Анын бири  — ооруп айыккандан кийин реабилитациялоо алгоритми. Ошондой эле 4-протоколго дексаметазон жана интерлейкин-6 дарылары киргизилген жок. Баштапкы колдонмодо 56 дары-дармек жазылса, бул сан эми 80ге көбөйдү", — деди Ибраева.

4-протоколдо жазылган алгоритмдерди Республикалык штаб жарыялады:

  • Коронавирус жана өнөкөт оорулары бар бейтаптарды дарылоо боюнча;
  • Балдарды дарылоо боюнча;
  • Кош бойлуу жана жаңы төрөгөн аялдар үчүн;
  • Амбулатордук дарылоо боюнча;
  • Кайра калыбына келтирүү (реабилитация).

Жалпысынан COVID-19 жуктургандардын саны 44 684кө жетсе, анын ичинен 40 487 бейтап ооруну жеңди. Тилекке каршы, оору 1063 адамдын өмүрүн алган.

78
Белгилер:
дарылоо, коронавирус, протокол, алгоритм, Кыргызстан
Тема:
Коронавируска байланыштуу Кыргызстандагы кырдаал (2239)
Тема боюнча
COVID: августта иштеген медиктердин кошумча маянасына 269,2 млн. сом бөлүндү
Бир суткада коронавирустан 151 бейтап айыгып, кайра 71 адам жуктурду
Талаада жайылган койлор. Архив

Жумага карата аба ырайы

6
(жаңыланган 21:03 24.09.2020)
Жумага караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-сен. — Sputnik. Жума күнү, 25-сентябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Ысык-Көл жана Нарын жергесинде +18...+23, Таласта +17...+22, Ош, Жалал-Абад, Баткен облустарында +22...+27 градуска жылыйт.

Күндүн табы борбор калаа Бишкекте +20...+22, Ош шаарында +22...+24 градусту көрсөтөт.

6
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Табият албууттанганда. Кыргызстандагы жүрөк үшүн алган жаратылыш кырсыктары
Ооруканадагы дарыгер. Архив

Быйыл кыргызстандыктар Түркиядан бекер дарылана алабы? Министрликтин жообу

22
(жаңыланган 20:48 24.09.2020)
Жыл сайын бөлүнгөн квота аркылуу кыргызстандыктар Түркиядан жогорку технологиялык жабдыктар колдонулган операцияларды жасатчу.

БИШКЕК, 24-сен. — Sputnik. Түркия кыргызстандыктардын бекер дарылануусу үчүн квота берүүнү белгисиз мөөнөткө жылдырды, ошондой эле быйыл жарандар мындай мүмкүнчүлүккө ээ болбой турганы так белгилүү болду. Бул тууралуу Sputnik Кыргызстан маалымат агенттигине Саламаттык сактоо министрлигинин алдындагы Эл аралык кызматташуу бөлүмүнүн жетекчиси Осмон Масалиев билдирди.

Белгилей кетсек, Түркия өкмөтү жыл сайын кыргызстандык бейтаптарга оор операцияларды жасатуу үчүн 150 квота бөлүп берет. Жазында коронавируска байланыштуу мамлекеттер авиакаттамдарын токтоткон болчу. Эпидемиологиялык абал турукташып келе жатканына байланыштуу Кыргызстан менен Түркия августтун орто ченинде кайрадан аба байланыштарын жандантты.

Түркия берген квотага кезек күткөндөрдүн саны көп экендиги белгилүү. Буга байланыштуу Sputnik агенттиги быйыл кыргызстандыктар ал жактан дарылана алар-албастыгын сурады.

Түркия Кыргызстандагы парламенттик шайлоого 100 миң доллар бермей болду

Министрликтин Эл аралык кызматташуу бөлүмүнүн жетекчиси Осмон Масалиевдин айтымында, Түркия бул маселе боюнча эки ирет жооп кайтарган. Биринчисинде 19-мартта аталган өлкө Бишкектеги элчилиги аркылуу КР ТИМине нота жиберип, коронавируска байланыштуу квота берүү макулдашуусу белгисиз убакытка токтотулганын билдирген. Ошондой эле 24-августта түрк тилдүү мамлекеттердин кеңешинин онлайн жолугушуусунда бул боюнча кеп козголгон.

"Ал жыйында оорулуулар квотаны күтүп жатат, жандантсаңар жакшы болот эле, биз үчүн бул маанилүү деп айттык. Бирок Түркия коронавирустун болжолдуу экинчи толкунуна байланыштуу ушул жылы Кыргызстанга гана эмес, башка мамлекеттерге дагы бекер дарыланууга шарт түзүп бере албай турганын билдирди", — деди Масалиев.

Ошондой эле министрликтин өкүлү азырынча кийинки жылы макулдашуу жанданары белгисиз экендигин кошумчалады.

КРге квота бөлүп берген жалгыз өлкө — Түркия

Саламаттык сактоо министрлигинин билдиришинче, Кыргызстан татаал операцияга муктаж жарандарды чет мамлекетте акысыз дарылатуу максатында бир нече өлкө менен жолугушуу уюштуруп, бирок майнап чыккан эмес. Себеби мамлекеттер көп чыгымга учурай турганын билдиришкен.

2014-жылы Түркия кыргызстандыктарды бекер дарылоого кол сунган. Башында жыл сайын 100 квота, ал эми былтыртан баштап 150гө чейин көбөйткөн. Өкмөттүн токтому боюнча, 50 бейтап Саламаттык сактоо министрлиги тарабынан, ал эми дагы 100 бейтап Түркиянын Бишкек шаарындагы элчилиги тарабынан тандалат.

Квота боюнча Кыргызстандын бейтапканаларында жасаганга мүмкүн болбогон жана жогорку технологиялык жабдыктардын жардамы менен ишке аша турган операциялар жасалат. Министрликте кайсы ооруга квота берсе болот же болбойт деген тизме жок. Ар бир бейтаптын арызы жекече каралат. Жаш курак чектелбейт.

Кыргызстандагы эң кымбат 10 операция! Акчасы жана жасала турчу органдар

Квотанын алкагында абдан шашылыш жардам көрсөтүүнү талап кылган оорулар (инсульт, жаракат алуу), реабилитациялык жана узак мөөнөттүү дарылоону талап кылган илдеттер каралган эмес.

Түркиянын мамлекеттик бейтапканаларында дарылоо акысыз жүргүзүлөт. Бирок жол кире, мейманкана, тамак-аш, күнүмдүк чыгым, медициналык камсыздандыруу, медициналык кагаздарды англис жана түрк тилдерине которуу, ошондой эле котормочу жалдоо үчүн каражат бейтап тарабынан төлөнөт. Органын алмаштырам (трансплантация) деген бейтаптын донору, ага тиешелүү медициналык изилдөөдөн өткөн кагаздары даяр болушу керек.

Квота аркылуу дарыланууну көздөгөн бейтаптар Саламаттык сактоо министрлиги менен Түркиянын КРдеги элчилигине кайрылат.

22
Белгилер:
бейтап, коронавирус, квота, дарылоо, Түркия, Кыргызстан
Тема боюнча
Эки ай дешти. Ак канга чалдыккан наристесине жардам сурап карайлаган атанын маеги