Кафе-ресторандарда 100 кишиге чейин отурууга уруксат берилиши мүмкүн

Жазылуу
Учурда коомдук тамактануу жайларында эң көп дегенде 50 конок болушу керек. Клубдар менен көңүл ачуу борборлордун иштешине алигиче уруксат бериле элек.

БИШКЕК, 10-сен. — Sputnik. Коронавирус менен күрөшүү боюнча Республикалык штаб кафе жана ресторандарга 100 кишиге чейин кардарды кабыл алууга уруксат бериши ыктымал.

Өкмөттүн токтом долбоору Саламаттык сактоо министрлиги тарабынан сунушталган. Эске салсак, коомдук тамактануу жайларында эң көп дегенде 50 конок болушу керек. Клубдар менен көңүл ачуу борборлордун иштешине азырынча уруксат бериле элек.

Премьер-министр Россияга болгон авиакаттамдарга чектөөлөр алынарын айтты

19-августта штаб министрликке отура турчу жерлерди 50дөн 100гө чейин көбөйтүп, чектөөлөрдү азайтуу маселесин карап чыгууну тапшырганы белгиленет. Мындан тышкары, соода борборлорунда тамактануучу жерлерди ачуу сунушталган. Ошондой эле министрликке спорттук турнирлерди таза абада өткөрүү вариантын карап көрүү тапшырылган.

Азырынча документтин долбоорунда коомдук тамактануу жайларында орундарды 100 адамга чейин көбөйтүү жана турнирлерди эшикте уюштурууга уруксат берүү сунушталган.

Ошол эле учурда бийлик той-аш, майрамдарды өткөрүүгө тыюу салып, социалдык аралыкты сактоону талап кылууда.

Жаңылыктар түрмөгү
0