Лаборатория кызматкери. Архив

Түркиялык компания Кыргызстанда ПЦР-тест үчүн лаборатория ачат

72
(жаңыланган 16:17 11.09.2020)
КРдин элчиси менен түркиялык ишкананын башчысы Кыргызстанга арзан баадагы тесттерди алып келүүнү макулдашып, ошондой эле толук кандуу лаборатория салууну талкуулашкан.

БИШКЕК, 11-сен. — Sputnik. Түркиялык компания Кыргызстанда коронавируска ПЦР-тест жүргүзүүчү лаборатория ачууга даяр. Бул тууралуу Тышкы иштер министрлигинин маалымат департаменти кабарлады.

Түркиядагы элчи Кубанычбек Өмүралиев демилгечи компаниянын жетекчиси Динчер Шен менен жолуккан. Аталган уюм генетика, маалыматтык система жана программалык камсыздоо чөйрөсүндө кызмат көрсөтөт. Пандемиядан бери ишкана ПЦР-тест өндүрүп чыгара баштаган.

Элчи менен ишкана башчысы Кыргызстанга арзан баадагы тесттерди алып келүү тууралуу макулдашкан. Өндүрүш компаниясы ошондой эле кыргызстандык адистерди бир апта окутуу үчүн өзүнүн эксперттерин жиберип, тестирлөө үчүн жабдууларды берүүгө даяр. Маалыматта министрликтин андан ары кичи лаборатория түзүү пданы бар экендиги айтылган.

Ысык-Көлдө атамекендик ишкана коргонуучу кийим тиге баштады. Сүрөт

Элчи компания жетекчисинен Кыргызстанга толук кандуу лаборатория салууну суранган. Бул сунушка Шен макулдук билдирген. Анын компаниясы ошондой эле бир мобилдик лабораторияны жабдуулар менен камсыздоого даяр.

ПЦР-тест оорунун, анын ичинде коронавирусту диагностикалоонун жолдорунун бири болуп саналат. Анын жыйынтыгы экспресс-тестке караганда тагыраак болот. Тапшырылган тесттин жыйынтыгын алууга 1-3 күн убакыт кетет.

72
Белгилер:
Түркия, компания, лаборатория, коронавирус
Тема:
Коронавируска байланыштуу Кыргызстандагы кырдаал (2250)
Тема боюнча
Министрлик баштапкы протокол менен азыркы протоколдун айырмачылыгын айтып берди
Министрлик: 144 медикке 200 миң сомдон компенсация төлөндү
Премьер-министр Кубатбек Боронов. Архив

Боронов РФте көпүрө урап жабыркаган мекендештерге жардам берүүнү тапшырды

31
(жаңыланган 10:25 28.09.2020)
Кечээ Москва облусундагы логистикалык ишканада жөө адамдар өтүүчү көпүрө урап, андан ондогон кыргызстандык жабыркаган.

БИШКЕК, 28-cен. — Sputnik. Премьер-министр Кубатбек Боронов Кыргызстандын Россиядагы элчиси Аликбек Жекшенкулов менен телефон аркылуу сүйлөшүп, көпүрөнүн урашынан жаракат алган мекендештерге жардам көрсөтүүнү тапшырды. Бул тууралуу өкмөттүн маалымат кызматы кабарлады.

Россияда кыргызстандыктар жабыркаган кырсыктын болжолдуу себеби айтылды

Эске салсак, 27-сентябрь күнү Россиянын Москва облусундагы FM LOGISTIC  логистикалык ишканасында (кампа комплекси) жөө адамдар өтүүчү көпүрө урап, андан кыргыз жарандары жабыркаганы айтылган. Соңку маалыматтар боюнча, 51 кыргызстандык ар кандай жаракат алган

"Өкмөт башчы элчи Алибек Жекшенкуловго кырсыктан жабыр тарткан мекендештерге медициналык жардам көрсөтүүнү жана аларды ооруканаларга жайгаштырууну тапшырды. Ошондой эле мекендештердин дарылануусун жеке көзөмөлүнө алышы керектигин белгиледи", — деп айтылат маалыматта.

Боронов муну менен катар Жекшенкуловго кырсыктын келип чыгышын иликтеген Россиянын укук коргоо органдарынан маалыматтарды байма-бай алып турууну жана алар менен биргеликте иш жүргүзүшү керектигин айткан.

31
Белгилер:
тапшырма, жардам, мекендештер, Аликбек Жекшенкулов, Кубатбек Боронов, Россия, Кыргызстан
Тема боюнча
Россияда мекендештерди чек арадан өткөрөм деп алдап кеткен шылуун изделүүдө
Киши көкүрөгүн кармап турат. Архив

Инсульттун көпчүлүк биле бербеген алгачкы белгилери айтылды

94
(жаңыланган 09:59 28.09.2020)
Инсультту алдын алуу үчүн ар дайым кандагы канттын, холестериндин деңгээлин көзөмөлдөн чыгарбоо керек. Ошондой эле кан басымын өз чегинде кармоо зарыл.

БИШКЕК, 28-сен. — Sputnik. Казань медициналык университетинин доценти, неврология кафедрасынын жетекчиси Рустем Гайфутдинов жакындап келе жаткан инсульттун алгачкы жана байкала бербеген белгилерин айтты. Бул тууралуу РИА Новости агенттиги жазды.

Адистин пикиринде, инсульттун көпчүлүккө белгилүү беттеги симметриянын жоголушу, сүйлөөнүн бузулушу сыяктуу белгилеринен тышкары төмөндөгүлөргө көңүл буруу зарыл:

  • кан басымынын 220дан жогорулап кетиши;
  • жаак, тил жана манжалардагы сайгылашуу же эч нерсени сезбей калуу;
  • колдордун жакшы иштебей калышы;
  • көздүн көрүүсүнүн начарлашы;
  • баш ооруп, көңүл айнуу.

Ошондой эле инсульт болоруна аз калган кишинин башы айланып, кыймыл-аракети өтө жай болуп калат. Айрым учурда айланадагы нерселер көзгө кош кабат болуп көрүнө баштайт.

94
Белгилер:
оору, белги, инсульт
Тема боюнча
Коронавирустун мээ менен нерв системасына тийгизген таасири ачыкталды
Алайдын тоолору. Архивдик сүрөт

Түндө Алайда жер титиреди

0
(жаңыланган 10:45 28.09.2020)
Жердин титирегени Алай районунун Ачык-Суу, Жайылма жана Кашка-Суу айылдарында сезилген. Андан жабыркагандар жана кыйроолор болгон жок.

БИШКЕК, 28-сен. — Sputnik. Түндө Ош облусунун аймагында очогунда күчү 4 баллга жеткен жер титирөө катталды. Бул тууралуу Сейсмология институтуна таянуу менен ӨКМ кабарлады.

Түндө Таласта кар жаады. Видео

Жер бүгүн, 28-сентябрь күнү, саат 02:32де титиреген. Ал Алай районунун Ачык-Суу, Жайылма, Кашка-Суу айылдарында 3 баллга чейин сезилген.

Жер силкинүүдөн жабыркагандар жана кыйроолор болгон жок.

0
Белгилер:
жер титирөө, ӨКМ, Алай району, Ош
Тема боюнча
Табият албууттанганда. Кыргызстандагы жүрөк үшүн алган жаратылыш кырсыктары