Россиялык коронавируска каршы вакцина. Архивдик сүрөт

Жээнбеков: Россиядан вакцина алуу боюнча сүйлөшүүлөр жүрүп жатат

143
(жаңыланган 15:14 12.09.2020)
Өлкө башчы маегинде дүйнөдө COVID илдети дагы деле кооптуу бойдон калып жатканын, буга элдин баары күбө экенин белгиледи.

БИШКЕК, 12-сен. — Sputnik. Коронавирус илдетине каршы күрөшүү иш-чараларынын алкагында Россия менен Кыргызстандын тийиштүү органдары вакцинаны алып келүү боюнча сүйлөшүүлөрдү жүргүзүп жатышат. Бул тууралуу президент Сооронбай Жээнбеков "Биринчи радиого" берген маегинде билдирди.

Ал өз сөзүндө Россия дүйнөдө биринчи болуп коронавируска каршы вакцинаны иштеп чыгарганын, препарат клиникалык сыноолордон өткөнүн эске салды.

Коронавируска каршы "Спутник V" вакцинасы менен эми жөнөкөй элди эмдөө башталат

"Дүйнөдө COVID илдети дагы деле кооптуу бойдон калууда. Муну элибиз да, баарыбыз тең көрүп жатабыз. Россия дүйнөдө биринчи болуп коронавируска каршы вакцинаны иштеп чыгарды. Клиникалык сыноолордон өттү деп маалымат берип, вакцинаны колдонууга киргизишти. Жакынкы убакытта вакцина массалык түрдө чыгарылат деп ишенем. Биз үчүн да вакцинаны өлкөгө алып келүү абдан маанилүү. Бул боюнча эки өлкөнүн тийиштүү органдары сүйлөшүүлөрдү жүргүзүп жатышат", — деди Жээнбеков.

Эскерте кетсек, учурда Кыргызстанда коронавирус жуктуруп алгандардын саны 44 828 болсо, анын 40 779у айыгып чыкты. Пандемия жарыялангандан бери илдеттен 1 063 кыргызстандык каза тапты.

143
Белгилер:
маек, Сооронбай Жээнбеков, Россия, Кыргызстан, вакцинация, коронавирус
Тема:
Коронавируска байланыштуу Кыргызстандагы кырдаал (2250)
Тема боюнча
Жээнбеков: бул шайлоо — бийлик үчүн күрөш, абдан катуу атаандаштык менен өтөт
Өз башындагы төөнү көрбөй... Россиялык вакцинанын сынчыларына жооп
Коронавируска каршы "Спутник V" вакцинасы менен эми жөнөкөй элди эмдөө башталат
Премьер-министр Кубатбек Боронов. Архив

Боронов РФте көпүрө урап жабыркаган мекендештерге жардам берүүнү тапшырды

37
(жаңыланган 10:25 28.09.2020)
Кечээ Москва облусундагы логистикалык ишканада жөө адамдар өтүүчү көпүрө урап, андан ондогон кыргызстандык жабыркаган.

БИШКЕК, 28-cен. — Sputnik. Премьер-министр Кубатбек Боронов Кыргызстандын Россиядагы элчиси Аликбек Жекшенкулов менен телефон аркылуу сүйлөшүп, көпүрөнүн урашынан жаракат алган мекендештерге жардам көрсөтүүнү тапшырды. Бул тууралуу өкмөттүн маалымат кызматы кабарлады.

Россияда кыргызстандыктар жабыркаган кырсыктын болжолдуу себеби айтылды

Эске салсак, 27-сентябрь күнү Россиянын Москва облусундагы FM LOGISTIC  логистикалык ишканасында (кампа комплекси) жөө адамдар өтүүчү көпүрө урап, андан кыргыз жарандары жабыркаганы айтылган. Соңку маалыматтар боюнча, 51 кыргызстандык ар кандай жаракат алган

"Өкмөт башчы элчи Алибек Жекшенкуловго кырсыктан жабыр тарткан мекендештерге медициналык жардам көрсөтүүнү жана аларды ооруканаларга жайгаштырууну тапшырды. Ошондой эле мекендештердин дарылануусун жеке көзөмөлүнө алышы керектигин белгиледи", — деп айтылат маалыматта.

Боронов муну менен катар Жекшенкуловго кырсыктын келип чыгышын иликтеген Россиянын укук коргоо органдарынан маалыматтарды байма-бай алып турууну жана алар менен биргеликте иш жүргүзүшү керектигин айткан.

37
Белгилер:
тапшырма, жардам, мекендештер, Аликбек Жекшенкулов, Кубатбек Боронов, Россия, Кыргызстан
Тема боюнча
Россияда мекендештерди чек арадан өткөрөм деп алдап кеткен шылуун изделүүдө
Киши көкүрөгүн кармап турат. Архив

Инсульттун көпчүлүк биле бербеген алгачкы белгилери айтылды

118
(жаңыланган 09:59 28.09.2020)
Инсультту алдын алуу үчүн ар дайым кандагы канттын, холестериндин деңгээлин көзөмөлдөн чыгарбоо керек. Ошондой эле кан басымын өз чегинде кармоо зарыл.

БИШКЕК, 28-сен. — Sputnik. Казань медициналык университетинин доценти, неврология кафедрасынын жетекчиси Рустем Гайфутдинов жакындап келе жаткан инсульттун алгачкы жана байкала бербеген белгилерин айтты. Бул тууралуу РИА Новости агенттиги жазды.

Адистин пикиринде, инсульттун көпчүлүккө белгилүү беттеги симметриянын жоголушу, сүйлөөнүн бузулушу сыяктуу белгилеринен тышкары төмөндөгүлөргө көңүл буруу зарыл:

  • кан басымынын 220дан жогорулап кетиши;
  • жаак, тил жана манжалардагы сайгылашуу же эч нерсени сезбей калуу;
  • колдордун жакшы иштебей калышы;
  • көздүн көрүүсүнүн начарлашы;
  • баш ооруп, көңүл айнуу.

Ошондой эле инсульт болоруна аз калган кишинин башы айланып, кыймыл-аракети өтө жай болуп калат. Айрым учурда айланадагы нерселер көзгө кош кабат болуп көрүнө баштайт.

118
Белгилер:
оору, белги, инсульт
Тема боюнча
Коронавирустун мээ менен нерв системасына тийгизген таасири ачыкталды
Киши АКШ долларларды эсептеп турат. Архив

Сомдун куну түшүп жатканына байланыштуу Улуттук банк 19,6 млн. доллар сатты

0
(жаңыланган 11:10 28.09.2020)
Сомдун курсун туруктуу көзөмөлдөп туруу үчүн Улуттук банк сентябрда ушуну менен үчүнчү жолу интервенция жүргүзүп жатат.

БИШКЕК, 28-сен. — Sputnik. Улуттук банк жума күнү, 25-сентябрда, рынокко 19 миллион 650 миң доллар сатты. Бул туурасында өлкөнүн башкы банкынын сайтында маалымдалат.

Белгилей кетсек, сентябрь айынын башынан бери АКШ валютасынын курсу тынымсыз өсүүдө. Бул аралыкта 1,43-1,44 сомго кымбаттады. Учурда акча алмаштыруучу жайларда долларды 79,44 сомдон сатып алып, 79,80ден сатууда.

КРдин алтын кору бир айда 16 миллиард сомго кымбаттады

Улуттук банк сентябрь айынан бери ушуну менен үчүнчү ирет интервенция жүргүзүүдө.

  • 9-сентябрда 6,6 миллион доллар сатып, эртеси америка валютасынын куну бир аз түшкөн;
  • 23-сентябрда 11,2 миллион долларды сатыкка чыгарган, бирок ага карабай валюта кымбаттай берди;
  • 25-сентябрда 19 миллион 650 миң доллар сатылды. Бүгүн, 28-сентябрда, курс жума күнкүдөн өзгөргөн жок.

Жыйынтыгында бир айда өлкөнүн башкы банкы 37 миллион 450 миң доллар сатты.

0
Белгилер:
интервенция, доллар, курс, Кыргызстан
Тема боюнча
Россияда доллардын баасы кескин кымбаттап кетти
Кыргыз өкмөтү COVID кесепетинен канча карыз алып, кайда жумшап жатат. Саресеп