Президент Сооронбай Жээнбеков жана Бишкек шаарынын мэри Азиз Суракматовдун архивдик сүрөтү

Өзүм жардам берип жатам! Жээнбеков Бишкекти кантип өнүктүрөрүн айтты

628
(жаңыланган 16:24 12.09.2020)
Өлкө башчы борбор калаага автобус, троллейбустарды алуу жана менчикке сатылып кеткен жерлерди кайтарып парк куруу саясаты тууралуу кеп кылды.

БИШКЕК, 12-сен. — Sputnik. Аймактарды өнүктүрүүгө өзгөчө маани берилсе да Бишкек шаары көңүл сыртында калбайт. Бул туурасында президент Сооронбай Жээнбеков КТРКнын "Биринчи радиосуна" берген кезектеги маегинде билдирди.
Мамлекет башчы борбор калаанын маселелери ар дайым көңүл борборунда экенин белгилеген. Ал эми шаар тургундарынын негизги көйгөйү болгон коомдук транспорт маселесин чечүүгө өкмөт менен мэрияга кеңешин айтып, колдоп, чогуу иш алып барып жатканын айтат.

"Этап-этабы менен газ менен иштеген автобустарга, электр кыймылдаткыч менен иштеген автобустарга өтүү пландалууда. Бул дагы бир чоң көйгөйдү — шаардын абасынын булганышын азайтат. Мэриянын эсеби боюнча шаар ичиндеги маршруткаларды заманбап автобустарга алмаштыруу үчүн дагы 1000ге чейин автобус, троллейбустар керектелет. 2019-жылы Бишкек шаарынын бюджетинин эсебинен 60 автобус алынган. Быйыл 100 автобус алуу аракети көрүлүп жатат. Орус-кыргыз өнүктүрүү фонду менен да сүйлөшүүлөр жүрүп жатат. Анын жардамы менен 2021-жылы 300 автобус алып келүү пландары бар", — деди Жээнбеков.

Бишкекте Чолпонбай Түлөбердиев атындагы парк ачылды. Ажайып сейил бактын видеосу

Мындан сырткары, мамлекет башчы Бишкекке мурдагы "жашыл шаар" деген аталышын кайтаруу пландары тууралуу айтты.

"Мен мэриянын жасап жаткан иштерин колдоп жатам. Жерлерди шаарга кайтарып, аларга бак тигилип, парктар курулууда. Бул иш ордунан оңой жылган жок, чоң каршылыктар болду. Бишкектеги жер бөлүү коррупциянын чоң очогуна айланган. Элибиз үчүн эң керектүү жерлер менчикке мыйзамсыз берилип кеткен. Мэрияга мен баш болуп жардам берип, кайра кайтарып жатабыз. Саясий жактан мэриянын ишине абдан чоң колдоо көрсөтүлүүдө. Себеби мэриянын өзүнүн күчү жетпейт. Буга абдан чоң күчтөр, таасирдүү адамдар, чоң каражат аралашкан", — деди президент.

Ыктыярчы Адинайдын аты берилген сейил бактын көрүнүшү. Сүрөттөр

Жээнбеков мунун натыйжасында 10 гектар жерге "Ынтымак" паркы, 11 гектарга Чолпонбай Түлөбердиев атындагы парк, 13 гектарга "Адинай" паркы ачылганын белгиледи. Алдыда дагы 30 гектар жерге парк курулуп жатат.

Ош шаарынын чыга беришине айланма жол салуу пландаштырылууда. Сүрөт

"Элдин менчиги элге кызмат кылышы керек. Биз буга катуу турабыз. Бишкек шаарынын сыртына эс алуучу жайларды, бизнес-борбор жана спорт сарайларын куруу планыбыз бар. Футбол, хоккей стадиону, 5 миңден 7 миңге чейин машина токтотуучу жайлар, жалпысынан 30 гектарга долбоорду пландаштырып жатабыз. Азыр даярдап жатышат, буюрса бул ишти баштайбыз", — деди мамлекет башчы.

Ошондой эле ал мамлекетке караштуу жерлердин менчикке сатылышын токтотуп, кайра кайтарып алуу иштери коррупцияга каршы күрөштөгү эң чоң багыттардын бири деп баа берерин кошумчалады.

628
Белгилер:
Сооронбай Жээнбеков, Бишкек, парк, стадион, автобус, шаар
Тема боюнча
Президент коррупция менен күрөшүүдөн түшкөн акчага салынган мектепти көрдү
Амфитеатр, аттракциону менен! Бишкекте быйыл бүтө турган парктардын тизмеси
Ооруканадагы дарыгер. Архив

Быйыл кыргызстандыктар Түркиядан бекер дарылана алабы? Министрликтин жообу

4
(жаңыланган 20:48 24.09.2020)
Жыл сайын бөлүнгөн квота аркылуу кыргызстандыктар Түркиядан жогорку технологиялык жабдыктар колдонулган операцияларды жасатчу.

БИШКЕК, 24-сен. — Sputnik. Түркия кыргызстандыктардын бекер дарылануусу үчүн квота берүүнү белгисиз мөөнөткө жылдырды, ошондой эле быйыл жарандар мындай мүмкүнчүлүккө ээ болбой турганы так белгилүү болду. Бул тууралуу Sputnik Кыргызстан маалымат агенттигине Саламаттык сактоо министрлигинин алдындагы Эл аралык кызматташуу бөлүмүнүн жетекчиси Осмон Масалиев билдирди.

Белгилей кетсек, Түркия өкмөтү жыл сайын кыргызстандык бейтаптарга оор операцияларды жасатуу үчүн 150 квота бөлүп берет. Жазында коронавируска байланыштуу мамлекеттер авиакаттамдарын токтоткон болчу. Эпидемиологиялык абал турукташып келе жатканына байланыштуу Кыргызстан менен Түркия августтун орто ченинде кайрадан аба байланыштарын жандантты.

Түркия берген квотага кезек күткөндөрдүн саны көп экендиги белгилүү. Буга байланыштуу Sputnik агенттиги быйыл кыргызстандыктар ал жактан дарылана алар-албастыгын сурады.

Түркия Кыргызстандагы парламенттик шайлоого 100 миң доллар бермей болду

Министрликтин Эл аралык кызматташуу бөлүмүнүн жетекчиси Осмон Масалиевдин айтымында, Түркия бул маселе боюнча эки ирет жооп кайтарган. Биринчисинде 19-мартта аталган өлкө Бишкектеги элчилиги аркылуу КР ТИМине нота жиберип, коронавируска байланыштуу квота берүү макулдашуусу белгисиз убакытка токтотулганын билдирген. Ошондой эле 24-августта түрк тилдүү мамлекеттердин кеңешинин онлайн жолугушуусунда бул боюнча кеп козголгон.

"Ал жыйында оорулуулар квотаны күтүп жатат, жандантсаңар жакшы болот эле, биз үчүн бул маанилүү деп айттык. Бирок Түркия коронавирустун болжолдуу экинчи толкунуна байланыштуу ушул жылы Кыргызстанга гана эмес, башка мамлекеттерге дагы бекер дарыланууга шарт түзүп бере албай турганын билдирди", — деди Масалиев.

Ошондой эле министрликтин өкүлү азырынча кийинки жылы макулдашуу жанданары белгисиз экендигин кошумчалады.

КРге квота бөлүп берген жалгыз өлкө — Түркия

Саламаттык сактоо министрлигинин билдиришинче, Кыргызстан татаал операцияга муктаж жарандарды чет мамлекетте акысыз дарылатуу максатында бир нече өлкө менен жолугушуу уюштуруп, бирок майнап чыккан эмес. Себеби мамлекеттер көп чыгымга учурай турганын билдиришкен.

2014-жылы Түркия кыргызстандыктарды бекер дарылоого кол сунган. Башында жыл сайын 100 квота, ал эми былтыртан баштап 150гө чейин көбөйткөн. Өкмөттүн токтому боюнча, 50 бейтап Саламаттык сактоо министрлиги тарабынан, ал эми дагы 100 бейтап Түркиянын Бишкек шаарындагы элчилиги тарабынан тандалат.

Квота боюнча Кыргызстандын бейтапканаларында жасаганга мүмкүн болбогон жана жогорку технологиялык жабдыктардын жардамы менен ишке аша турган операциялар жасалат. Министрликте кайсы ооруга квота берсе болот же болбойт деген тизме жок. Ар бир бейтаптын арызы жекече каралат. Жаш курак чектелбейт.

Кыргызстандагы эң кымбат 10 операция! Акчасы жана жасала турчу органдар

Квотанын алкагында абдан шашылыш жардам көрсөтүүнү талап кылган оорулар (инсульт, жаракат алуу), реабилитациялык жана узак мөөнөттүү дарылоону талап кылган илдеттер каралган эмес.

Түркиянын мамлекеттик бейтапканаларында дарылоо акысыз жүргүзүлөт. Бирок жол кире, мейманкана, тамак-аш, күнүмдүк чыгым, медициналык камсыздандыруу, медициналык кагаздарды англис жана түрк тилдерине которуу, ошондой эле котормочу жалдоо үчүн каражат бейтап тарабынан төлөнөт. Органын алмаштырам (трансплантация) деген бейтаптын донору, ага тиешелүү медициналык изилдөөдөн өткөн кагаздары даяр болушу керек.

Квота аркылуу дарыланууну көздөгөн бейтаптар Саламаттык сактоо министрлиги менен Түркиянын КРдеги элчилигине кайрылат.

4
Белгилер:
бейтап, коронавирус, квота, дарылоо, Түркия, Кыргызстан
Тема боюнча
Эки ай дешти. Ак канга чалдыккан наристесине жардам сурап карайлаган атанын маеги
Ала-Тоо аянтында бараткан адамдар. Архив

Жаңжал, жаза, акыркы тизме. Шайлоонун кызыган учурундагы окуялар

17
(жаңыланган 20:23 24.09.2020)
Жогорку Кеңештин депутаттарын канча адам шайлай алары белгилүү болду. Массалык мушташка жооптуу талапкерлер жарыштан четтетилди.

БИШКЕК, 24-сен. — Sputnik. Бүгүн Борбордук шайлоо комиссиясынын төрайымы жана башкы прокурор менен ички иштер министринин орун басарлары маалымат жыйын өткөрүштү. Анда алдыдагы парламенттик шайлоону уюштуруу жана даярдыктары тууралуу маалымат беришти.

Sputnik Кыргызстан агенттиги жыйында айтылган маанилүү билдирүүлөрдүн топтомун сунуштайт.

Шайлоо учурундагы коопсуздук талкууланды. Жээнбеков УКМК төрагасын онлайн кабыл алды

  • Шайлоочулардын акыркы тизмеси жарыяланып, 3 миллион 523 миң 532 кыргызстандык катталды. Бул 2015-жылдагы парламенттик шайлоого салыштырмалуу 762 735 адамга көп же 27,6 пайызга өсүш болду;
  • Убактылуу жашаган жеринен добуш берүү үчүн 488 873 шайлоочу №2 формасын алды;
  • Чет өлкөдө жүргөн 32 582 мигрант ЖК депутаттарын шайлоого катыша алат. 2015-жылы 15 312 гана кыргызстандык добуш берүүгө укук алган;
  • Документтерди кароо учурунда ар кайсы партиядан 42 талапкер шайлоого катышуу укугунан ажыратылды;
  • Жалпы жонунан 2 475 шайлоо участкасы ачылды. Анын ичинен 45и чет өлкөдөгү дипломатиялык өкүлчүлүктөрдө;
  • Шайлоо өнөктүгү маалында 128 мыйзам бузуу катталып, прокуратура тергеп жатат. Анын 82си Жазык кодекси, 46сы Жоруктар кодекси менен каралууда;
  • Башкы прокуратура административдик ресурсту колдонуу боюнча 11 фактыны иликтеп жатат. Азырынча эч бир мамлекеттик кызматкерге чара колдонула элек;
  • Шайлоочулардын добушун сатып алуу беренеси менен 40 кылмыш иши козголду;
  • Араванда үгүт учурунда массалык мушташты тутандырган деп алты адам айыпталууда. Учурда анын бешөө тергөө абагына киргизилген, бирөө ооруканада жатканына байланыштуу баш коргоо чарасы тандала элек. Жалпысынан тогуз адам ооруканада жатат;
  • Шайлоо күнү өлкөдө коомдук коопсуздукту камсыздоо жана шайлоо участкаларын кайтаруу үчүн 11 507 милиция кызматкери тартылат;
  • 27-сентябрдан тарта Ички иштер министрлиги күчөтүлгөн тартипте иштөөгө өтөт;
  • ИИМ шайлоо тартиптерин бузуу боюнча 236 фактыны Кылмыш жана жоруктардын бирдиктүү реестрине каттады;
  • 24-сентябрда кечки саат 17:00дө БШКнын отуруму болуп, Аравандагы массалык мушташ боюнча маселе каралды. Натыйжада жаңжалга жооптуу "Мекеним Кыргызстан" партиясынан талапкер Илхам Маннанов жана "Биримдиктин" талапкери Шүкүрулло Файзуллаев жарыштан четтетилди.
17
Белгилер:
прокурор, мыйзам бузуулар, талапкер, каттоо, шайлоо, БШК
Тема:
Шайлоо-2020
Тема боюнча
Шайлоодо ат салышчу партиялардын талапкерлери. Толук тизме
Президент Жээнбеков аны сындаган талапкерлер боюнча оюн айтты
Бир партия 105 млн. сом. Шайлоого аттангандар канча каражат короткону айтылды