Градусник жана пульсоксиметр кармап турган дарыгер. Архив

Сасык тумоону коронавирустан кантип айырмаласа болот? Түшүндүрмө

335
(жаңыланган 17:03 13.09.2020)
Сасык тумоо үч күндүн ичинде байкалат. Ошондой эле ал COVID-19га салыштырмалуу бат тарайт. Коронавирус өлүмүнүн көрсөткүчү сезондук тумоого караганда жогору болушу мүмкүн.

БИШКЕК, 13-сен. — Sputnik. Саламаттык  сактоо министрлиги Дүйнөлүк саламаттык сактоо уюмунун маалыматтарына таянып, коронавирус менен сасык тумоонун окшоштуктарын жана айырмачылыктарын айтып берди. Бул тууралуу министрликтин социалдык тармактагы баракчасында жазылган.

Маалым болгондой, экөө тең жугуштуу илдеттердин катарына кирген менен вирустук козгогучтарында айырмачылыктар бар.

COVID пандемиясынан кийин жүрөк оорулуулар көбөйүшү мүмкүн

Коронавирус менен сасык тумоонун бири-биринен айырмачылыгы:

  • Сасык тумоонун орточо инкубациялык мөөнөтү (инфекцияга кабылып, оорунун белгилери байкалганга чейинки убакыт) жана генерация убагы (эки адам ортосундагы оору чыккан убакыт) аз;
  • COVID-19 илдетинин генерация убагы 5-6 күнгө созулат;
  • Сасык тумоо үч күндүн ичинде байкалат. Ошондой эле ал COVID-19га салыштырмалуу бат тарайт;
  • Сасык тумоонун жайылышындагы маанилүү элемент оорунун алгачкы 3-5 күнү. Тагыраагы, оорунун белгилери пайда болгонго чейин бейтаптын илдети жугуштуу;
  • COVID-19га кабылган он бейтап 20-25 кишиге оору жуктурушу мүмкүн. Бул сасык тумоого салыштырмалуу көп;
  • Балдар чоңдорго караганда коронавируска аз кабылат. 19 жашка чейинкилер арасында оорулуулардын көрсөткүчү өтө төмөн;
  • Коронавирустун 80 пайызы жеңил, 15 пайызы оор, беш пайызы өтө оор формада өтөт;
  • Балдар, кош бойлуу аялдар, кары-картаңдар, өнөкөт оорусу бар жана иммунитети начар адамдар сасык тумоону бат илештирип алышы ыктымал;
  • Коронавирус көбүнчө жашы өткөн жана өнөкөт оорулары барларга жабышат;
  • COVID-19 өлүмүнүн көрсөткүчү сезондук тумоого караганда жогору болушу мүмкүн.

Министрлик сасык тумоону дарылоодо дары-дармек, вакциналар бар экенин айтып, COVID-19га каршы 20дан ашуун вакцина иштелип чыкканын, бирок атайын дары-дармектер жана вакциналар жок экенин эскертти. Ошондой эле эки ооруну тең алдын алууда гигиеналык эрежелерди так аткаруу маанилүү экенин баса белгиледи.

335
Белгилер:
министрлик, белги, оору, коронавирус, сасык тумоо
Тема:
Коронавируска байланыштуу Кыргызстандагы кырдаал (2231)
Тема боюнча
Душман кете элек! Боронов COVID кесепети боюнча элге кайрылды. Видео
Россиялык окумуштуулар COVID-19 илдетин ИВЛсиз эле дарылоонун жолун тапты
Домодедово аэропортундагы жүргүнчү. Архивдик сүрөт

22 миң рубль. Москва Бишкек каттамына авиабилеттердин октябрдагы баасы айтылды

1
(жаңыланган 16:54 22.09.2020)
Туруктуу авиакаттамдар жанданары менен былтыркы жылдын ушул учуруна салыштырмалуу Россиядан Беларуска билет алгандар төрт эсеге, Казакстанга үч эсеге, Кыргызстанга 1,5 эсеге көп болууда.

БИШКЕК, 22-сен. — Sputnik. Бишкек Россиядан аба каттамдарына билет эң көп сатылган 10 шаардын катарына кирди. Бул тууралуу саякат боюнча жазган Туту.ру сайты кабарлап, октябрь айындагы билет баалары жөнүндө маалымат берди.

"Туруктуу авиакаттамдар жанданары менен Беларусь, Казакстан жана Кыргызстанга билет алгандардын саны кескин өстү. Тагыраагы, былтыркы жылдын ушул учуруна салыштырмалуу Беларуска билет алгандар төрт эсеге, Казакстанга үч эсеге, Кыргызстанга 1,5 эсеге көп болууда", — деп айтылат кабарда.

Октябрь айына Москвадан Бишкекке бир билеттин баасы орто эсеп менен 22 миң рублга сатылууда. Октябрь аяктап калганда гана бир аз арзаныраак билет табууга болот. Мисалы, россиялык авиакомпаниялардын бири бир тарапка 13 миң рублга жетип алууну сунуштайт. Бирок Ростов-на-Дону шаары аркылуу келип, ал жерден башка учакка отурууга туура келет.

Өзбекстан 1-октябрдан тарта чек арасын толук ачат

Белгилей кетсек, бул баалар былтыркы жылга салыштырмалуу кымбат. Тагыраагы, пандемияга чейин Москва — Бишкек багыты боюнча бир билет орто эсеп менен 10 миң сомдун тегерегинде сатылчу.

Эске салсак, россиялык "Аэрофлот" компаниясы Москва — Бишкек туруктуу каттамы үчүн билет сата баштаганын билдирген.

1
Белгилер:
баа, авиакаттам, Бишкек, Кыргызстан, Россия, билет, аба каттамы, Москва
Тема боюнча
Бишкек — Москва каттамы жуманын кайсы күнү аткарылары маалымдалды
Ошко Москва шаарынан 148 кыргызстандык учуп келди
Ош облусунун Өзгөн районунда 200 орундуу мектептин курулушу аяктап, ишке берилди

Өзгөндө 200 орундуу мектеп курулуп, пайдаланууга берилди. Сүрөт

15
Курулуш иштерине республикалык бюджеттен 32 миллион 700 миң сом бөлүнгөн. Мектептин спорт залынын курулуш иштери уланууда.

БИШКЕК, 22-сен. — Sputnik. Ош облусунун Өзгөн районунда 200 орундуу мектептин курулушу аяктап, ишке берилди. Бул тууралуу Билим берүү жана илим министрлигинен билдиришти.

 

  • Церемония открытия новой школы на 200 мест в Узгенском районе Ошской области
    Ош облусунун Өзгөн районунда 200 орундуу мектептин курулушу аяктап, ишке берилди
    © Фото / пресс-служба Министерства образования и науки КР
  • Церемония открытия новой школы на 200 мест в Узгенском районе Ошской области
    Алча-Башат айылында жайгашкан №86 Кысык-Алма орто мектебинин ачылышына министрликтин статс-катчысы Жапаркул Ташиев катышкан.
    © Фото / пресс-служба Министерства образования и науки КР
  • Начало строительствановой школы в Узгенском районе Ошской области
    Мындан сырткары, ушул эле райондун Жалпак-Таш айыл аймагына караштуу Т. Оморкулов атындагы мектептин жаңы 150 орундуу имаратынын (спорт залы менен бирге) курулушу башталды
    © Фото / пресс-служба Министерства образования и науки КР
  • Начало строительствановой школы в Узгенском районе Ошской области
    Аталган мектеп 1990-жылы салынган. Анын 1-корпусу 2015-жылдын 17-ноябрындагы жер титирөөдөн улам жараксыз абалга келген.
    © Фото / пресс-служба Министерства образования и науки КР
1 / 4
© Фото / пресс-служба Министерства образования и науки КР
Ош облусунун Өзгөн районунда 200 орундуу мектептин курулушу аяктап, ишке берилди

Алча-Башат айылында жайгашкан №86 Кысык-Алма орто мектебинин ачылышына министрликтин статс-катчысы Жапаркул Ташиев катышкан.

 

"Мектептин курулушу 2015-жылы башталып, республикалык бюджеттен 32 миллион 700 миң сом бөлүнгөн. Мектептин ашканасы заманбап талапка ылайык салынган. Компьютердик классы бар. Мектептин спорт залынын курулуш иштери уланууда", — деп айтылат маалыматта.

Мындан сырткары, ушул эле райондун Жалпак-Таш айыл аймагына караштуу Т. Оморкулов атындагы мектептин жаңы 150 орундуу имаратынын (спорт залы менен бирге) курулушу башталды.

Аталган мектеп 1990-жылы салынган. Анын 1-корпусу 2015-жылдын 17-ноябрындагы жер титирөөдөн улам жараксыз абалга келген. Курулуш иштерине республикалык бюджеттен 54 миллион сом бөлүнгөнү маалым болду.

15
Белгилер:
Билим берүү жана илим министрлиги, курулуш, курулуш материалдары, Өзгөн
Тема боюнча
Министрлик: окуучулар мектепке октябрда барар-барбасы арсар