Автоунаанын ачкычын кармап турган адам. Архив

Кыргызстанда автоунааны убактылуу жашаган жеринен каттатууга уруксат берилди

231
ЧПУ: kyrgyzstan-avtounaa-kattoo "Унаа" ишканасынын бардык бөлүмдөрү ар бир регионго таандык мамлекеттик номерлер менен камсыздалганы маалымдалды.

БИШКЕК, 14-сен. — Sputnik. Кыргызстанда "Транспорт каражаттарын каттоо" автоматташтырылган маалыматтык системасы ишке киргизилди. Бул туурасында Мамлекеттик каттоо кызматынан билдиришти.

Мунун жардамы менен транспорт каражаттарын каттоо процесси автоматташтырылганы айтылат.

"Кыргызстандыктар туруктуу жашаган жери кайсы жакта экенине карабай, автоунаасын учурда жашап жаткан дареги боюнча каттата алат. "Транспорт каражаттарын каттоо" автоматташтырылган маалыматтык системасында бирдиктүү база түзүлдү. "Унаа" ишканасынын бардык бөлүмдөрү ар бир регионго таандык мамлекеттик номерлер менен камсыздалды", — деп жазылат маалыматта.

Кыргызстанга автолорду мыйзамсыз алып кирген схема ачыкталды

Бул системанын алкагында катталган транспорт каражаттары тууралуу маалыматтар чогултулуп сакталып турат. Кийин ошого карап автоунаага анализ жана мониторинг жүргүзүлөрү белгиленет.

231
Белгилер:
уруксат, маалымат, дарек, каттоо, автоунаа
Тема боюнча
Өлкө бюджети өзгөчө номерлерди сатуудан 2,4 млн сом пайда көрдү
Мамкаттоо элге электрондук кол тамганы акысыз берет. Ал эмне үчүн керек?
Тейлөө кызматкерлер жолду белгилөө учурунда. Архив

Кырсыктарды алдын алуу үчүн Алматыда өзгөчө жол белгисин чийүү пландалууда

2
(жаңыланган 13:29 27.09.2020)
Шаардык административдик полиция башкармалыгынын жетекчиси Жандос Мураталиев кызыл түстөгү жол чийин айдоочулардын көңүлүн өзүнө бурат деп эсептей турганын айткан.

БИШКЕК, 27-сен. — Sputnik. Алматы шаарында авариялык кооптуу делген жерлерге кызыл түстөгү жол белгисин чийүү пландалууда. Бул тууралуу Sputnik Казакстан жазды.

Шаардык административдик полиция башкармалыгынын жетекчиси Жандос Мураталиевдин айтымында, жол белгилерин чийүүдө азыр ар кандай инновациялык материалдар колдонулууда. Ошондой эле ак, сары, жашыл, кара сыяктуу ар кандай түстөр да кеңири пайдаланыла баштаган. Бирок натыйжаны күчөтүү максатында кызыл түстү да колдонуп көрүү каралууда.

"Кызыл түстөгү чийин — айдоочулардын көңүлүн буруудагы эң натыйжалуу ыкма", — деди Мураталиев.

Кызыл жол чийинин шаардагы кооптуу делген жерлерге колдонуу пландалып жатканы кошумчаланды.

2
Белгилер:
коопсуздук, кырсык, жол чийин, Алматы
Тема боюнча
Жолдун экинчи катарынан кайсы учурда кайрылса болот? Айдоочуга кулак кагыш
Аэропорт Манас жанында кишилер. Архив

"Манас" аэропортундагы узун кезек. Жүргүнчү бүгүнкү окуяны сүрөттөдү

147
(жаңыланган 12:52 27.09.2020)
Аэропорттун маалымат катчысы Алия Курбанова "бир эле эшиктен киргизип-чыгарып жатат" деген маалымат чындыкка дал келбей турганын айтты.

БИШКЕК, 27-сен. — Sputnik. "Манас" эл аралык аэропортунда бүгүн эртең менен жүргүнчүлөрдүн узун кезеги жаралды. Бул тууралуу Facebook баракчасынын "Кара тизме" тайпасына Черик Сыдыков аттуу колдонуучу жазды.

"27-сентябрь. "Манас" аэропорту. Бул жакта башаламандык орун алды. Бир эле эшик ачык. Аэропортко ушул эле эшик менен киргизип-чыгарып жатышат. "1,5 аралыкты сактагыла" дейт. Бир жакка учуп кетчүлөр болсо, аэропортко эртерээк келгиле. Болбосо учакка жетишпей калышыңар ыктымал", — деди Сыдыков.

Ал эми аэропорттун маалымат катчысы Алия Курбанова "бир эле эшиктен киргизип-чыгарып жатат" деген маалымат чындыкка дал келбей турганын айтты.

"Терминалда кирип-чыгуу үчүн өз-өзүнчө эшиктер бар. Ошол эле учурда аэропортко билети бар, бет кап тагынган, уча турчу жүргүнчүлөр гана киргизилет. Алар дезинфекциялоочу тоннелдер аркылуу өтөт. Бул иш-аракеттин баары коронавирус инфекциясынын жайылып кетүүсүн алдын алуу максатында жүргүзүлүүдө. Биз адамдарды аралыкты сактоого чакырып жатабыз. Бирок аны баары эле аткарган жок. Ошондой эле жүргүнчүлөрдү коштоп келгендер да кезекке туруп алган учурлар катталып жатат", — деди Курбанова.

"Манас" эл аралык аэропорту бардык жүргүнчүлөрдү жүргүзүлүп жаткан иш-аракеттерге түшүнүү менен мамиле кылуусун суранып, уча турчуларды аэропорттун аймагына эртерээк келүүгө чакырды.

147
Белгилер:
коронавирус, видео, кезек, аэропорт, Бишкек, Кыргызстан
Тема боюнча
Өзбек авиакомпаниясы Бишкекке каттамдарын 1-октябрдан тарта көбөйтөт