Премьер-министр Кубатбек Боронов Республикалык штабдын жыйыны учурунда

Боронов жаңы ооруканалардын курулушунан шек санап, өзү көзөмөлдөмөй болду

51
(жаңыланган 15:00 15.09.2020)
Өкмөт башчы Республикалык штабдын жыйынында кагаз түрүндөгү отчёттор менен иш жүзүндө жасалган иштер дал келбей жатканына кейиген.

БИШКЕК, 15-сен. — Sputnik. Жаңы курулуп жаткан жана профилин өзгөрткөн ооруканалардын даярдыгын, оңдоо иштеринин сапатын жеке көзөмөлүмө алам. Бул тууралуу премьер-министр Кубатбек Боронов Республикалык штабдын жыйынында айтканын өкмөттүн маалымат кызматы билдирди.

  • Премьер-министр Кыргызской Республики Кубатбек Боронов на очередном заседании Республиканского оперативного штаба. 15 сентября 2020 года
    Жаңы курулуп жаткан жана профилин өзгөрткөн ооруканалардын даярдыгын, оңдоо иштеринин сапатын жеке көзөмөлүмө алам
    © Пресс-служба правительства / Алишер Алиев.
  • Премьер-министр Кыргызской Республики Кубатбек Боронов на очередном заседании Республиканского оперативного штаба. 15 сентября 2020 года
    Бул тууралуу премьер-министр Кубатбек Боронов Республикалык штабдын жыйынында айтканын өкмөттүн маалымат кызматы билдирди.
    © Пресс-служба правительства / Алишер Алиев.
1 / 2
© Пресс-служба правительства / Алишер Алиев.
Жаңы курулуп жаткан жана профилин өзгөрткөн ооруканалардын даярдыгын, оңдоо иштеринин сапатын жеке көзөмөлүмө алам

Премьер кагаз түрүндөгү отчёттор менен иш жүзүндө жасалган иштер дал келбей жатканына кейиген.

"Бизге берилген отчёттор боюнча бардыгы жакшы. Бирок чындыгында абал башкачараак болууда. Мен ар бир курулган жана профилин өзгөрткөн ооруканага барып, иш жүзүндө кандай иштер аткарылгандыгын көрүп келем. Биринчи кезекте жетишпеген медициналык жабдуулар менен камсыздоо керек. Бул өпкөнү жасалма дем алдыруучу аппараттар, рентген, компьютердик томография, абаны тазалоочу жабдыктар. Алардын сатып алынышын жана туура бөлүштүрүлүшүн көзөмөлдөө зарыл", — деди Боронов.

Күмөн жараткан жаңы оорукананын курулушу эмнеге кечигүүдө. Видеорепортаж

Мындан сырткары, өкмөт башчы медициналык тез жардам көйгөйүн белгилеп, пандемия күчөгөн маалда Бишкек шаарын болгону 38 тез жардам унаасы тейлегенин айткан.

Өз кезегинде Саламаттык сактоо министрлиги жыл аягына чейин эл аралык донорлордун долбоору аркылуу өлкөгө 115тен ашуун тез жардам унаасы алып келинерин маалымдады.

51
Белгилер:
курулуш, оорукана, көзөмөл, өкмөт, Кубатбек Боронов
Тема:
Коронавируска байланыштуу Кыргызстандагы кырдаал (2271)
Тема боюнча
Кыргызстанда курулуп жаткан 14 ооруканага 206,5 млн. сом сарпталат
Бишкекте COVID менен ооругандарды эми бир эле оорукана кабыл алат. Себеби
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

23
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

23
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны
Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды

Москвада көпүрө кырсыгында жабыркаган кыргызстандыктардын абалы айтылды. Сүрөт

46
(жаңыланган 22:47 01.10.2020)
Кыргызстандын Россиядагы элчиси көпүрө кырсыгында жабыркаган кыргызстандыктардын абалынан кабар алды.

БИШКЕК, 1-окт. — Sputnik. Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды. Бул тууралуу дипломатиялык өкүлчүлүктүн маалымат кызматы билдирди.

  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Эске салсак, 27-сентябрь күнү Россиянын Москва облусундагы "FM LOGISTIC" (кампа комплекси) логистикалык ишканасында жөө адамдар өтүүчү көпүрө урап, андан 51 кыргыз жараны жабыркаган
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Анын 22си медициналык кароодон кийин үйүнө жиберилген
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Каза болгондор катталган эмес
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    29 адам ооруканага жактырылган, бирөөнүн абалы өтө оор, дагы эки мекендештин абалы оор деп айтылган.
    © Фото / пресс-служба посольства Кыргызстана в России
1 / 5
© Фото / пресс-служба посольства Кыргызстана в России
Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды

Эске салсак, 27-сентябрь күнү Россиянын Москва облусундагы "FM LOGISTIC" (кампа комплекси) логистикалык ишканасында жөө адамдар өтүүчү көпүрө урап, андан 51 кыргыз жараны жабыркаган. Анын 22си медициналык кароодон кийин үйүнө жиберилген. Каза болгондор катталган эмес. 29 адам ооруканага жаткырылган, бирөөнүн абалы өтө оор, дагы эки мекендештин абалы оор деп айтылган. Үч адамга операция жасалган. Ооруканага жаткырылгандардын арасында 16 жаштагы кыргызстандык бар.

“Домодедово ооруканасынын башкы дарыгери мээсине кан кетип, катуу жабыркаган 24 жаштагы Ч.К. аттуу жаранды дарылоого өзгөчө көңүл буруларына ишендирди. Анын абалы туруктуу оор. Жандандыруу бөлүмүнөн өзгөчө ыңгайлуу палатага которулган. Элчилик учурда анын апасын жана карындашын Россияга алып келүү боюнча иштеп жатат. Алардын жолго кеткен чыгымы жумуш берген компаниянын эсебинен болот”, — деп айтылат элчиликтин билдирүүсүндө.

Россияда көпүрө кырсыгынан жабыркаган кыргызстандыктардын саны 51ге жетти

Балдар хирургиясынын бөлүм башчысы 16 жаштагы М.А. аттуу жаранды дарылоо үчүн зарыл болгон бардык аракеттер көрүлгөнүн, учурда ал өзүн жакшы сезип калганын билдирген. Анын билеги жана жамбаш сөөгү сынып ооруканага түшкөн. Операция ийгиликтүү жасалып, өспүрүмдүн абалы канааттандырарлык экени айтылды. Кеткен медициналык чыгымдарды жумуш берген компания төлөгөн.

Элчи жабыркагандардын баарына кенемте төлөтүү боюнча жүргүзүлгөн сүйлөшүүлөрдүн жыйынтыгын айткан. Анын билдиришинче, россиялык компания жабыркагандарды дарылоого кеткен чыгымды төлөөгө кепилдик кат жазып берген. Мындан сырткары, элчилик менен жабыркаган мигранттар үзгүлтүксүз байланышта болуусу үчүн соцтармакта жалпы топ түзүлгөн.

46
Белгилер:
Кыргызстан, мигранттар, Подмосковье, Россия, кырсык, көпүрө
Тема боюнча
Элчилик: компания көпүрө урап жабыркаган КР жарандарынын бүт чыгымын төлөйт