Жашылчалар. Архивдик сүрөт

Арыктоо үчүн күнүмдүк тамакка колдончу азыктар тизмектелди

140
(жаңыланган 08:31 16.09.2020)
Адис жашылчадан жасалган салаттар ашказанда жакшы сиңиши үчүн өсүмдүк майы менен аралаштырууну сунуштаган. Ошондой эле кычкыл тартып турган азыктарды, тагыраагы, имбирь, хрен, чеснок жана пиязды колдонуу керектигин айткан.

БИШКЕК, 16-сен. — Sputnik. Дарыгер-диетолог Наталья Пугачева арыктайм дегендер күнүмдүк тамакка колдоно турчу азык-түлүктөрдү санап берди. Анын кеңештерин РИА Новости жазды. 

Адистин билдиришинче, ашыкча салмактан арылам дегендер салат жегенди адатка айлантышы керек. Бөтөнчө шпинат менен сельдерейден жасалгандары пайдалуу.

30 килограммга чейин арыктаган. Улгайган аял сыры менен бөлүштү

Ошондой салат жалбырактары клетчаткага, фолий жана аскорбин кислотасына бай. Ал эми курамындагы калий табигый заара чыгаруучу касиетке ээ.

"Капуста, бадыраң, кызылчанын дагы калориясы аз болгондуктан арыктаганга жакшы жардам берет. Ошондой эле тамактын сиңишин жөнгө салып, энергиянын алмашуусуна көмөктөшөт. Андан сырткары, ачуу тартып турган жашылчаларды — имбирь, хрен, чеснок жана пиязды азыкка колдонууну сунуштайм. Ар биринин пайдалуу компоненттери менен биологиялык активдүү заттары бар", — деген Пугачева.

Дарыгер жашылчадан жасалган салаттарды ашказанда жакшы сиңирүү үчүн өсүмдүк майы менен бир аз аралаштырууну сунуштаган.

140
Белгилер:
салат, салмак, арыктоо, диетолог
Тема боюнча
Кайсы тамак-аш мээ клеткаларынын иштөөсүн бузат. Адистин пикири
Күнгө туура жана текши күйүүгө тамак-аш да таасир этет
Кыргызстан Россия желектери. Архивдик сурөт

Бишкекте Кыргыз-Россия өкмөттөр аралык комиссиянын жыйыны башталды

19
(жаңыланган 15:54 22.09.2020)
Жыйындын алдында комиссиянын теңтөрагасы, Россиянын өкмөт башчысынын орун басары Алексей Оверчуктун КР президенти Сооронбай Жээнбеков жана премьер-министр Кубатбек Боронов менен жолугушуусу болгон.

БИШКЕК, 22-сен. — Sputnik. Бишкекте Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйыны башталды.

Анын алдында аталган комиссиянын теңтөрагасы, Россиянын өкмөт башчысынын орун басары Алексей Оверчуктун КР президенти Сооронбай Жээнбеков жана премьер-министр Кубатбек Боронов менен жолугушуусу болгон.

Жээнбеков Кыргызстандын БУУнун Коопсуздук кеңешине өкүл болууга умтулганын эскертти

Мындан тышкары, Оверчук вице-премьер Эркин Асрандиев менен кезигип, бир катар экономикалык маселелер талкууланган.

Бүгүнкү кеңешмеде жыйынтыктоочу протоколго кол коюлуп, аягында өкмөт мүчөлөрү ЖМКга маалымат берет.

19
Белгилер:
жыйын, Россия, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти
Светофор орнотуу. Архивдик сүрөт

Бишкекке жаңы светофорлор орнотулат. Даректери

13
(жаңыланган 15:43 22.09.2020)
Светофорлор орнотула турган жол кесилиштери комиссия аркылуу тандалды. Мында шаардыктардын дагы ою эске алынган.

БИШКЕК, 22-сен. — Sputnik. Бишкек мэриясына караштуу Шаардык транспорт башкармалыгы сегиз жерге светофор орнотуу үчүн тендер жарыялады.

Муниципалитеттин маалымат кызматынан билдиришкендей, жаңы жол чырактарга 4 миллион 874 миң 765 сом каралган. Тендердин жеңүүчүсү 28-сентябрда аныкталат.

Светофорлор коюла турган кесилиштер:

  • Профсоюз менен Мессарошанын кесилиши;
  • Профсоюз менен Кайназарова;
  • Дэн Сяопин менен Кустанай;
  • Алтымышев менен Асаналиев;
  • Токтогул менен Гоголь;
  • Токтогул менен Шопоков;
  • Жукеев-Пудовкин менен Саманчин;
  • Юнусалиев көчөсүндөгү жөө адамдар өтө турган чийинге орнотулат ("Мега ситинин" маңдайы).

Светофорлор орнотула турган жол кесилиштери комиссия аркылуу тандалды. Мында шаардыктардын дагы ою эске алынган.

13
Белгилер:
дарек, светофор, жол чырак, Бишкек мэриясы
Тема боюнча
Жол кесилиштеринен өтө албай кыйналып калбаңыз! Айдоочуга кеңештер