Ты — супер! сынагына катышкан кыргызстандык Карина Амринова

"Ты супер!" сынагына катышкан Карина Амринова: ар бир ырым апама арналат

143
(жаңыланган 11:30 16.09.2020)
Вокал боюнча эл аралык конкурска Кыргызстандан катышып жаткан кыз – келечектеги программалык инженер, бирок жашоосун сахнасыз элестете албайт.

20-сентябрда НТВ каналында "Ты — супер!" деп аталган вокал боюнча эл аралык конкурс башталат. Ал эл аралык Sputnik агенттиги жана радиосунун колдоосу менен өтмөкчү. Аталган долбоордо Кыргызстандын атынан бишкектик 18 жаштагы Карина Амринова чыгат.

Sputnik кабарчысы Данара Курманова жаш аткаруучу менен сүйлөшүп, чоң сахнага биринчи ирет чыгууга болгон даярдыгы жана жаңы жерге кантип көнүп жатканын сураган.

Эгерде "Ты — супер!" болбосо, вокалды таштамакмын

Конкурска катышууга арызды Карина эжесинин көмөгү менен жөнөткөн. "Бул долбоорду ал аябай жакшы көрөт. Бардыгын көрүп чыккан, бир күнү эле мага "кел, сенин да катышканыңа аракет кылып көрөбүз" деп калды. Ал ушундай жол менен менин жаман абалда болуп жүргөн учурумдан алып чыккысы келди көрүнөт, себеби вокалды такыр эле таштап салайын деген ниетим да болгон", — деп эскерди Карина. 

Участница четвертого сезона международного вокального конкурса Ты супер!,  18-летняя Карина Амринова из Бишкека
© Sputnik / Виталий Белоусов
"Ты — супер!" деп аталган вокал боюнча эл аралык конкурсунда кыргызстандын атынан бишкектик 18 жаштагы Карина Амринова чыгат

"Ты супер!" финалына чыккан балдар үйлүү болушту. Ыйлаткан видео

Эки жыл мурда биздин маектештин апасы каза болуп, ошондон бери сахнага чыккандын ал үчүн мааниси деле жоктой сезилип калган. Анткен менен Карина Кыргызстандагы көптөгөн вокалдык сынактарга катышып келген эле.

"Ар бир ырым эле апамды эстетип туруп алды. Менин ырдоо талантымды да кезегинде апам байкаган экен. Үч жашымда эле режиссерлорго, музыканттарга алып барып, талантым бар-жок экендигин текшерте баштаптыр. Качан гана ырдоого жөндөмдүүлүгүмө көзү жеткен соң музыкалык мектепке берип, ал жактан фортепиано үйрөнүп, хорго катыша баштагам", — деп айтып берди маектешибиз.

"Ты — супер!" долбооруна көп киши катышып жаткандыгын билген соң Карина да арыз берип, бирок анысын ойлобой деле калган.

"Өтпөйт болушум керек дегем. Бир күнү эле эжем ашканага чуркап кирип, жакшы кабар айтты. Идиш жууп жаткам, эмне дээримди билбей тура бердим", — деп эскерди Карина ошол ирмемдерди.

Аны айтымына караганда, долбоор вокалга болгон мамилесин өзгөрттү.

"Апам жөнүндө ойлобогон күнүм жок, бирок кайраттандым. Эми жаркылдап, жылмайып жүрөм, себеби аткарган ырларымдын баарын апама арнайм", — дейт Карина.

Мирбек Атабеков "Ты супер!" сынагынан катышуучусу Урматтын кыялын орундатат

Чоң сахна жөнүндө кыялдар

Каринанын Россияга барышы да өзүнчө эле бир төлгө сымал болду. Себеби апасы көп жыл Сургутта иштеген. 

Участница четвертого сезона международного вокального конкурса Ты супер!,  18-летняя Карина Амринова из Бишкека
© Sputnik / Виталий Белоусов
"Ты — супер!" эл аралык конкурсунун төртүнчү сезонунун катышуучулары
"Иштеп, акча таап келем деп кеткенде мен үч жашта экенмин. Эмне болуп жатканына акылым деле жеткен эмес, себеби мени дайыма эле эжем карап калчу. Анткен менен апам тез-тез, жылына 5-6 жолу келип турчу. Андан кийин сээлдей баштады... Төрт жыл келбей калган учуру болгон, бирок дайыма сүйлөшүп турчубуз. Көрүшпөсөк деле ал дайыма жанымда болгондой сезимде болчумун", — деп эскерди маектешибиз.

Учурда Карина эне жөнүндө автордук ырын жаздырып даярданууда. Аны менен катар эле университеттеги окуусун калтырбоо аракетинде, себеби тандап алган болочок кесиби да жөнөкөй эмес – программа иштеп чыккан иженер.

Келечектеги инженер бир нерсени ойлоп чыгып, түзгөндү жакшы көрөрүн баяндап берди.

"Чыгармачылыктан сырткары адамдын бир кесиби болушу керек деп эсептейм. Эмне үчүн бул адистикти тандап алдым? Биринчиден, азыр өтө керектүү жана жакшы киреше алып келет. Экинчиден, бир нерсени жаратканды жакшы көрөм, буюрса окуумду бүтүп алсам, сайттарды жасам", — деген кыялы менен бөлүштү.

Канат байлап... "Ты супер!" сынагынын 3-турунун ачылышы болду

Анткен менен азыркы кыялы – ырчы болуу. 

Участница четвертого сезона международного вокального конкурса Ты супер!,  18-летняя Карина Амринова из Бишкека
© Sputnik / Виталий Белоусов
Каринанын азыркы кыялы – ырчы болуу

"Мен өзүмдү белгилүү ырчы деп элестетем. Чоң сахнага чыккым келет. Ошондой эле үй-бүлөм чогуу жашаса дейм, аларды Түркияга алып кетүүнү кыялданам, себеби бул өлкөдө дайыма жылуу жана сонун. Андан сырткары, мени жанындай көрүп, камкордугунан жазбай келе жаткан эжем да ошол жакта иштейт", — дейт келечектеги ырчы.

Эң жаманы — үйүңдү сагынганың

Мектешип жаткан учурда Карина бир нече жолу эжеси болгонуна каниет кылганын, эми аны апа деп айтарын кайталады.

"Өзүңдүн бир тууганың эмес, мындайраак тууганың болсо дагы бир боор жакын адамың катары эсептелет. Күйөөсү экөө тең мени кем кылбай, камсыздап турууга аракет кылып келишет. Аларды жана пекинести (кичинекей бойлуу иттин бир түрү) сагындым. Аты Лаки, 13 жашта. Күндө чалып, анын кандай жашап жатканын сурап турам", — деп ички ыраазылык сезимдери менен бөлүштү.

Каринанын айтымында, жаңы жерге тез көнүп кетүүгө конкурстун деми жардам берген. 

Участница четвертого сезона международного вокального конкурса Ты супер!,  18-летняя Карина Амринова из Бишкека
© Sputnik / Виталий Белоусов
Каринанын айтымында, жаңы жерге тез көнүп кетүүгө конкурстун деми жардам берген

"Баары кичи пейил, боорукер адамдар экен, мындайды күткөн эмесмин. Негизи өзүм атаандашып, айыгышып бир нерсе жасаганга жокмун. Анткен менен бул деген жарыш, башкалар да күчүн сынаганга келди деп ойлодум. Бирок карай келсем, баары ачык, ойлорун жашырып-жаппайт экен. Эми болгону мени байкап калышса экен деп калдым. Жашырганда эмне, өзүмдү телевизордон көргөн мага жагымдуу эле болот", — деп сөзүн аяктады Карина.

"Ты — супер!" долбоорунун эң биринчи сынагына кезегинде Кыргызстандан Урмат Мырсаканов аттуу бала катышкан.

143
Белгилер:
Карина Амринова, вокал, сынак
Тема боюнча
Тывалык бала "Ты супер" сынагында өзгөчө үнү менен калыстарды таң калтырды
Бишкектеги жаштар аллеясы. Архив

Дүйшөмбүгө карата аба ырайы

49
(жаңыланган 21:23 27.09.2020)
28-сентябрда түнкүсүн Чүй облусунун кээ бир райондорунда жамгыр, тоолуу аймактарында кар жаайт, калган өрөөндөрдө жаан-чачын күтүлбөйт.

БИШКЕК, 27-сен. — Sputnik. Дүйшөмбү күнү, 28-сентябрда күндүз республиканын тоо этектеринде жамгыр, тоолуу райондорунда жаан, кар, бийик тоолуу жерлеринде кар жаайт. Ал эми өрөөндөрдө жана Талас облусунда күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден Ысык-Көл, Нарын облустарынын кээ бир райондорунда 15-20 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жергесинде +14...+19, Ош, Жалал-Абад облустарында +20...+25, Баткенде +19...+24, Ысык-Көл аймагында +13...+18 градус болот.

Күндүн табы борбор калаа Бишкекте +17...+19, Ош калаасында +23...+25 градуска жетет.

49
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов

Романов: сибирь жарасынын инкубациялык мөөнөтү 3-4 күн

32
(жаңыланган 21:11 27.09.2020)
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов ооруган малдын этин пайдаланганга болбой турганы байма-бай айтылганына карабай адамдар аны союп, этин таратып салган учурлар болуп жатканын айтты.
Романов: сибирь жарасынын инкубациялык мөөнөтү 3-4 күн

Ооруган малдын этин бышырып, көпкө кайнатып, кууруса деле сибирь жарасы сырткы чөйрөгө туруктуу болгондуктан илдет жуктуруп алуу коркунучу жогору. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ат-Башы: сибирь жарасы менен ооруган уйдун эти элге тарап, эки киши жабыркады

Анын айтымында, Кыргызстанда жылына сибирь жарасына кабылган 2-3 учур аныкталат.

"Микроб териге кирген жерде алгач кызыл так пайда болот, андан кийин томпоюп шишимик тартат. Кийинчерээк ал ыйлакчага айланып, сууга, бир аздан кийин ириңге толуп, бат эле жарага айланат. Ал эми өпкөдөн же ичеги-карындан кармаган күйдүргү өмүргө коркунучтуу. Бактыга жараша, бизде мындай формада кармаган учур каттала элек. Оору сасык тумоого кабылгандай эле башталып, бактерия тез көбөйүп, канга өтүп кетет. Сибирь жарасынын инкубациялык мөөнөтү 3-4 күн. Диагнозду өз убагында коюп, дарылабаса оорулуу 2-3 күндүн ичинде эле өлүмгө учурашы мүмкүн. Клиникалык белгилери температура көтөрүлүп, ичи өтүп, жөтөлгөндө кан аралаш какырык чыгат, тамак шишип кетет", – деди Романов.

Адис быйыл сибирь жарасы малдан жана топурактан эки, ал эми адамдардан үч учур катталганын кошумчалады.

32
Белгилер:
дарылоо, сибирь жарасы
Тема боюнча
Дене ууланат. Малдан адамга жуккан күйдүргүдөн кантип сактануу керек
Беларусь президенти Александр Лукашенко. Архив

Лукашенко президенттиктен кетүүнү сунуштаган Макронго жооп кайтарды

0
(жаңыланган 23:58 27.09.2020)
Лукашенко Париждин көчөлөрүнө чыккан “Сары кемселчендерди” Макрондун эсине салып, аны жетиле элек саясатчы катары сыпаттады.

БИШКЕК, 27-сен. – Sputnik. Беларусь президенти Александр Лукашенко француз кесиптеши Эммануэль Макронду жетиле элек саясатчы деп атады. Бул тууралуу РИА Новости жазды.

Белгилей кетсек, бүгүн эртең менен Макрон Лукашенкого президенттик постунан кетүүнү сунуштаган. Буга Беларусь башчысы жооп кайтарды.

“Эгер Макрондун логикасына таяна турган болсок, анда ал өзү дагы эки жыл мурун эле, “Сары кемселчендер” Париждин көчөлөрүнө чыкканда кызматынан кетиши керек болчу”, – деген Лукашенко.

Ал ошондой эле Black Lives Matter кыймылынын жана Марсель менен Лиондогу мусулмандардын каршылык акцияларын эске салып, Минск ошол кыймылдын мүчөлөрү менен Макрондун сүйлөшүүлөрүнө аянтча болуп берүүгө даяр экенин белгиледи.

Лукашенко анын француз кесиптеши Беларустагы шайлоого өтө эле көп көңүл буруп жатканын кошумчалаган.

Евробиримдик жана АКШ: Беларусь менен көйгөйлөрүн Польша өзү чечип алсын

Эске салсак, 9-августта Беларуста президенттик шайлоо өткөн. БШКнын эсеби боюнча, өлкөнүн учурдагы башчысы Александр Лукашенко добуштардын 80,1 пайызына ээ болсо, экинчи орунду 10,12 пайыз менен Светлана Тихановская ээлеген. Ал эми оппозиция шайлоонун жыйынтыгын тааныбай, Тихановская Литвага чыгып кеткен.

0
Белгилер:
Эммануэль Макрон, Александр Лукашенко, Беларусь
Тема:
Беларустагы нааразылык акциялары
Тема боюнча
Лукашенко расмий түрдө президенттик кызматына киришти