Ооруканада кандын анализдерин чогулткан медик. Архивдик сүрөт

Кыргызстандагы коронавирус: бир суткада айыккандар жана жуктургандар

194
(жаңыланган 11:46 16.09.2020)
Жалпысынан Кыргызстанда коронавирусту илештирип алгандардын саны 45 миңден ашып, анын көбү сакайды. Тилекке каршы, миңден ашуун адам өтүп кетти.

БИШКЕК, 16-сен. — Sputnik. Өлкөдө акыркы суткада коронавирус инфекциясынан 107 киши сакайып чыкса, дагы 73 киши илдетти жуктуруп алган. Бул тууралуу Республикалык штаб кабарлады.

Экинчи толкунга даярдыкпы? Бийлик дарынын 65 түрүн камдай баштады

Дартты жеңгендер төмөнкү жерлерде катталды:

  • Бишкек — 47;
  • Ош шаары — 1;
  • Чүй облусу — 4;
  • Ош облусу — 4;
  • Талас облусу — 6;
  • Ысык-Көл облусу — 5;
  • Жалал-Абад облусу — 14;
  • Баткен облусу — 26.

Ал эми кечээ оору бул аймактарда катталган:

  • Бишкек — 11;
  • Ош — 3;
  • Чүй облусу — 5;
  • Ош облусу — 14;
  • Талас облусу — 3;
  • Нарын облусу — 1;
  • Ысык-Көл облусу — 9;
  • Жалал-Абад облусу — 9;
  • Баткен облусу — 18.

Өткөн сутка ичинде Кыргызстанда COVID-19 илдетинен каза болгондор катталган жок.

Адис: коронавируска каршы эмдөө жүрмөйүн экинчи эмес, онунчу толкун да болот

Ошондой эле акыркы сутка ичинде өлкө боюнча жети медицина кызматкери коронавирус жуктуруп алганы аныкталган. Ал эми бир суткада ооруканалардан алты медкызматкер жана үй карантининен 13 ак халатчан айыгып чыгарылды.

Жалпысынан Кыргызстанда коронавирусту илештирип алгандардын саны 45 072ге жетти, анын 41 210у сакайды. Тилекке каршы, 1 063 адам өтүп кетти.

194
Белгилер:
айыгуу, жуктуруу, оору, коронавирус, Кыргызстан
Тема:
Кыргызстандагы коронавирус жуктуруп алгандар (1315)
Тема боюнча
Адис: коронавируска каршы эмдөө жүрмөйүн экинчи эмес, онунчу толкун да болот
Адис: коронавирусту кайталап жуктургандар жокко эсе болуп чыкты
Окумуштуулар коронавирусту өзү аныктай алган бет кап ойлоп табышты. Видео
Кыргызстан Россия желектери. Архивдик сурөт

Бишкекте Кыргыз-Россия өкмөттөр аралык комиссиясынын жыйыны башталды

14
(жаңыланган 15:49 22.09.2020)
Жыйындын алдында комиссиянын теңтөрагасы, Россиянын өкмөт башчысынын орун басары Алексей Оверчуктун КР президенти Сооронбай Жээнбеков жана премьер-министри Кубатбек Боронов менен жолугушуусу болгон.

БИШКЕК, 22-сен. — Sputnik. Бишкекте Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйыны башталды.

Анын алдында аталган комиссиянын теңтөрагасы, Россиянын өкмөт башчысынын орун басары Алексей Оверчуктун КР президенти Сооронбай Жээнбеков жана премьер-министри Кубатбек Боронов менен жолугушуусу болгон.

Жээнбеков Кыргызстандын БУУнун Коопсуздук кеңешине өкүл болууга умтулганын эскертти

Мындан тышкары, Оверчук вице-премьер Эркин Асрандиев менен кезигип, бир катар экономикалык маселелер талкууланган.

Бүгүнкү кеңешмеде жыйынтыктоочу протоколго кол коюлуп, аягында өкмөт мүчөлөрү ЖМКга маалымат берет.

14
Белгилер:
жыйын, Россия, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти
Светофор орнотуу. Архивдик сүрөт

Бишкекке жаңы светофорлор орнотулат. Даректери

12
(жаңыланган 15:43 22.09.2020)
Светофорлор орнотула турган жол кесилиштери комиссия аркылуу тандалды. Мында шаардыктардын дагы ою эске алынган.

БИШКЕК, 22-сен. — Sputnik. Бишкек мэриясына караштуу Шаардык транспорт башкармалыгы сегиз жерге светофор орнотуу үчүн тендер жарыялады.

Муниципалитеттин маалымат кызматынан билдиришкендей, жаңы жол чырактарга 4 миллион 874 миң 765 сом каралган. Тендердин жеңүүчүсү 28-сентябрда аныкталат.

Светофорлор коюла турган кесилиштер:

  • Профсоюз менен Мессарошанын кесилиши;
  • Профсоюз менен Кайназарова;
  • Дэн Сяопин менен Кустанай;
  • Алтымышев менен Асаналиев;
  • Токтогул менен Гоголь;
  • Токтогул менен Шопоков;
  • Жукеев-Пудовкин менен Саманчин;
  • Юнусалиев көчөсүндөгү жөө адамдар өтө турган чийинге орнотулат ("Мега ситинин" маңдайы).

Светофорлор орнотула турган жол кесилиштери комиссия аркылуу тандалды. Мында шаардыктардын дагы ою эске алынган.

12
Белгилер:
дарек, светофор, жол чырак, Бишкек мэриясы
Тема боюнча
Жол кесилиштеринен өтө албай кыйналып калбаңыз! Айдоочуга кеңештер