Бишкектеги Чыңгыз Айтматовдун атындагы парк. Архив

Кыштын илеби жакындап... Октябрь айына карата аба ырайы

685
(жаңыланган 14:47 16.09.2020)
Синоптиктер Кыргызстанда октябрь айынын экинчи жарымында күн сууктап, үшүк жүрө турганын эскертүүдө.

БИШКЕК, 16-сен. — Sputnik. Кыргызгидромет агенттиги күздүн экинчи айы октябрга карата аба ырайынын божомолу туурасында маалымат таратты.

Чүй облусу

Абанын айлык орточо температурасы климаттык норманын чегинде болуп, 9…11 градус, тоо этектеринде жана Кемин өрөөнүндө 5…7 градус жылуу болушу мүмкүн.

Айдын биринчи жарымында абанын температурасы түнкүсүн 3…8 — 9…14 градус болуп өзгөрүлүп турушу, күндүз 13…18 — 21…26 градуска жетери күтүлөт. Айдын экинчи жарымында түнкүсүн 2…7, кээ бир күндөрү -1...-3 градуска чейин түшүп үшүк жүрүшү мүмкүн. Күндүз 11…16 — 18…23 градус жылуу болот. Кээ бир күндөрү 4…9 градуска чейин төмөндөшү ыктымал.

Кемин өрөөнүндө жана тоо этектериндеги райондордо абанын температурасы айдын биринчи жарымында түнкүсүн 0…5, күндүз 9…14 — 18…23 градуска жылыйт. Айдын экинчи жарымында түнкүсүн -2…+3, күндүзү күндүн табы 5…10 — 13…18 градуста сакталып турат.

Синоптиктер жаан-чачындын айлык көлөмү нормага жакын болорун божомолдойт .

Талас облусу

Абанын айлык орточо температурасы климаттык норманын чегинде сакталып, 7…9 градус жылуу болмокчу.

Октябрда абанын температурасы түнкүсүн 1…6 — 7…12 градус жылыйт, бирок айрым күндөрү -1...-3кө чейин суук болушу мүмкүн. Күндүз 13…18 — 21…26 градус, кээ бир күндөрү 4…9 градус жылыйт.

Жаан-чачындын айлык көлөмү нормага жакындайт.

Ош облусу

Абанын айлык орточо температурасы климаттык норманын чегинде болуп, 11…13, тоо этектеринде 7…9 градус жылыйт.

Айдын биринчи жарымында түнкүсүн 3…8 — 9…14 градус, күндүз 15…20 — 22…27 градус жылуу болуп турат. Айдын экинчи жарымында 4…9, кээ бир күндөрү абанын температурасы 0...-2 градуска чейин төмөндөп үшүк жүрүшү мүмкүн. Күндүз 13…18 — 19…24 градус, кээ бир күндөрү 7…12 градус жылыйт.

Жаан карга айланып, үшүк жүрөт. ӨКМ шашылыш билдирүү таратты

Тоо этектеринде айдын биринчи жарымында түнкүсүн 2…7 — 8…13, күндүз 13…18 — 20…25 градус болот. Айдын экинчи жарымында түнкүсүн 3…8 градустун тегерегинде болуп, айрым күндөрү -1...-3 градуска чейин түшөт. Күндүз 10…15 — 15…20 градус, кээ бир күндөрү 4…9 градус болору айтылат.

Жаан-чачындын айлык көлөмү өрөөндөрдө нормага жакын, тоо этектеринде нормадан жогору болушу мүмкүн.

Жалал-Абад облусу

Абанын айлык орточо температурасы климаттык норманын чегинде болуп,  12…14, тоо этектеринде 8…10 градус жылуу болот.

Айдын биринчи жарымында түнкүсүн 10…15, күндүз 17…22 — 23…28 градус жылуулукка чейин өзгөрүлүп турушу күтүлөт. Айдын экинчи жарымында түнкүсүн 4…9, айрым күндөрү 0...-2 градуска чейин суук, күндүз 13…18 — 19…24, кээ бир күндөрү 8…13 градус суук болот.

Тоо этектериндеги айылдарда жана Токтогул районунда айдын биринчи жарымында түнкүсүн 2…7 — 8…13 градус, күндүз 13…18 — 20…25 градуска чейин өзгөрүлүп турат. Айдын экинчи жарымында 3…8 градустун тегерегинде болуп, кээ бир күндөрү -1...-3 градуска чейин сууктайт. Күндүз 10…15 — 15…20 градус, кээ бир күндөрү 4…9 градуска чейин төмөндөйт.

Жаан-чачындын айлык көлөмү нормадан жогору болот.

Баткен облусу

Абанын айлык орточо температурасы климаттык нормадан 1 градуска төмөн болуп, 10…12 градус, тоо этектеринде 6…8 градус жылуу болот.

Ай ичинде түнкүсүн 2…7 — 8...13, айдын экинчи жарымында кээ бир күндөрү 0…-2 градуска чейин суук болот. Күндүзү күндүн табы 13…18 — 22…27 градуска жетсе, кээ бир күндөрү 6…11 градуска чейин төмөндөшү мүмкүн.

Тоо этектериндеги райондордо түнкүсүн 1…6 — 7...12 градус, айдын экинчи жарымында кээ бир түндөрү -1…-3 градус болот. Күндүз 10…15 — 18…23 градус, кээ бир күндөрү 2…7 градуска чейин төмөндөйт.

Жаан-чачындын айлык көлөмү нормадан жогору болот.

Ысык-Көл облусу

Абанын айлык орточо температурасы климаттык нормага жакын болуп, күндүн табы 6…8 градуста сакталып турат.

Ай ичинде абанын температурасы түнкүсүн 1…6 градустун тегерегинде болуп, кээ бир күндөрү -1…-3 градус суук болуп, үшүк жүрүшү мүмкүн. Күндүз 9…14 — 15…20 градус, айдын экинчи жарымында кээ бир күндөрү 3…8 градуска түшөт.

Жаан-чачындын айлык көлөмү нормадан жогору болот.

Ак-Сай жайлоосуна малчылар жакага түшө электе кар жаап салды. Видео

Нарын облусу

Абанын айлык орточо температурасы климаттык норманын чегинде болуп, күн 5…7 градус жылыйт.

Ай ичинде абанын температурасы түнкүсүн -3...+2 — 3…8, айдын аягында -3…-8 градус суук болот. Күндүзү 7…12 — 13…18 градус, айдын аягында 5…10 градус жылуу болот.

Жаан-чачындын айлык көлөмү нормадан жогору болот.

Алай өрөөнү

Абанын айлык орточо температурасы климаттык нормага жакын болуп, -1…+1 градуста турат.

Ай ичинде абанын температурасы түнкүсүн 0...-5 — -6...-11 градус, күндүз -2...+3 — 6...11 жылуу болору күтүлөт.

Жаан-чачындын айлык көлөмү нормага жакын болот.

Суусамыр өрөөнү

Абанын айлык орточо температурасы климаттык норманын чегинде болуп, 0…2 градыс жылыйт.

Ай ичинде абанын температурасы түнкүсүн -2…+3 — -6…-11, күндүзү 4…9 — 11...16 гардуска чейин өзгөрүлүп турушу, кээ бир күндөрү 0…5 градуска чейин төмөндөйт.

Жаан-чачындын айлык көлөмү нормадан жогору болот.

685
Белгилер:
Кыргызстан, Кыргызгидромет, суук, аба ырайы, октябрь, жамгыр
Тема боюнча
Электр энергиянын жоготууларын эсептеген 3 млн. долларлык долбоор ишке ашууда
"Түндүк электр" миллиондоп карыз болгон 10 ишкананын тизмесин чыгарды
Бишкектин камера коюлган көчөдө бараткан унаа. Архивдик сүрөт

Жол эрежесин бузуп камерага түшүп, айып төлөбөй жүргөндөргө көрүлчү чаралар

204
(жаңыланган 21:11 23.09.2020)
Жол эрежесин бузуп "Коопсуз шаардын" камерасына түшүп калган айдоочулардын арасында айып пулун көптөн бери төлөбөй жүргөндөр болсо керек.

Sputnik Кыргызстан агенттиги "Жол эрежеси" рубрикасынын алкагында мындай учурда айдоочуга кандай чаралар көрүлүп, кантип жазалана турганын билип көрдү. Аларды ЖКККББнын маалымат кызматынын жетекчиси Тилек Исаев айтып берди.

Айып пулду канча убакытка чейин төлөш керек?

Жол эрежесин бузгандыгы тууралуу айып пулдун кагазы келген күндөн тарта автоунаа ээси (автокөлүк кимге катталган болсо, айып кагаз ошол адамга жиберилет) аны жарым айдын ичинде төлөшү керек. Башкача айтканда, 15 календарлык күндүн ичинде төлөгөн учурда айып пулдардын көлөмдөрү 50 пайызга азайтылат. Эгер ал убакыттан ашып кетсе, анда айыпты толук төлөөгө туура келет. Айтор, мыйзам боюнча айдоочу бул милдеттен бир айдын ичинде кутулушу керек.

Жол кырсыгы болгон жерге эмнеге инспектор чакыруудан качышат? Эреже, кеңештер

Белгилей кетсек, жол эрежесин одоно, адам өмүрүнө коркунуч жаратып бузгандар, мисалы, жол кырсыгына себепкер болгондор, машинаны мас абалында башкаргандар, автокөлүктүн айнегин караңгылатып айдагандар, жолдун каршы тилкесине чыккандарга 50 пайыздык арзандатуу берилбейт. Алар айып пулду 15 күндүн ичинде болсо дагы толук көлөмдө төлөөгө туура келет. 

Цифровизированный командный центр, который ведет онлайн-видеонаблюдение за столицей
© Sputnik / Табылды Кадырбеков
Санариптештирилген командалык борбор

Бир айдан ашып кетсе, кандай чаралар көрүлөт?

Айып пул бир айдын ичинде төлөнбөсө, ага бир күндө бир пайыздык туум чыга баштайт. Мисалы, бир күнгө 10 сом. Эгер айып пулдун көлөмү 1000 сом болсо, үч айдын ичинде ага 1000 сом кошулуп, 2000ге жетет. Же болбосо айып пулдун өлчөмү 5500 сом болсо, ага үч айда ушундай эле сумма кошулуп 11 000 сомго көтөрүлүп кетет. Башкача айтканда, туум үч айдын ичинде айып пулдун өзүнүн көлөмүнө жетет.

Туумдун көлөмү айып пулдун өзүнүн көлөмүнө жеткен күндө, башкача айтканда, үч айдан кийин ЖКККББ тиешелүү кагаздарды чогултуп ишти сотко өткөрөт. Бул учурда соттун дагы өз укуктары бар. Алар айдоочуга ар кандай чектөөлөрдү коюшу мүмкүн. Мисалы, мамлекеттик органдардан паспорт же маалымат кат алууда чектөө коет. Иш сотко өткөндө автоунааны сатуу да кыйын болуп калат. Башкача айтканда, айып пулду төлөмөйүн айдоочу темир тулпарын сата  да албай, башкага каттай да албай алат. Мындан сырткары, эгер айып пул төлөбөгөн айдоочу мамлекеттик кызматтарда эмгектенсе, иштеген мекемесине эскертүү кагаздарын жибериши мүмкүн. Мындай айдоочулар айып пулдан кутулмайын чет өлкөгө да чыга албай калышы толук ыктымал. 

Сотрудники патрульной милиции на оцепленном квадрате между улицами Жукеева-Пудовкина, Ахунбаева, Медерова и набережной в Бишкеке
© Sputnik / Табылды Кадырбеков
ЖКККББнын Кайгуул кызматынын өкүлү айдоочуну токтотууда

Айып пул төлөбөгөнүн кайгуул кызматы кантип биле алат?

ЖКККББнын Кайгуул кызматынын өкүлдөрү айып пул төлөбөгөн айдоочуну тез эле аныктап кое алышат. Азыр алар "Коопсуз шаар" долбоору туташтырылган электрондук планшеттер менен иштейт. Рейд учурунда, мындай күндөрү деле автоунаанын артынан кетип бара жатып анын номерин терип айып пулунун мөөнөтү өткөн-өтпөгөнүн планшеттин жардамы менен текшерип коюшат.

Айдоочуларга айып пул төлөтүүдө кандай тоскоолдуктар бар экени айтылды

Эгер автоунаага жазылган айып пулдун тууму бар болсо, инспекторлор айдоочусун жолдун чекесине токтотуп, Эреже бузуулар кодексинин 31-беренесине таянып машинаны айып короого киргизип коюуга толук укугу бар. Айдоочу жол эрежесин бузгандыгы үчүн айыпты төлөмөйүн анын автокөлүгү чыгарылбайт.

204
Белгилер:
автоунаа, айдоочу, айып пул, Коопсуз шаар
Тема боюнча
Баланын жолдогу коопсуздугу. Ата-энелерге жол эрежеси боюнча 9 кеңеш
Ылдамдыкты азайтып, фара күйгүзүүнү унутпаңыз! Көлгө бара жаткандагы жол эрежелери
Айдоочу ГБРдин автоунаасына жол бошотуп берүүгө милдеттүүбү? Эрежелер
Балыкчы шаарындагы үйлөр. Архивдик сүрөт

Бейшембиге карата аба ырайы

28
(жаңыланган 21:02 23.09.2020)
24-сентябрда түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 23-сен. — Sputnik. Бейшемби күнү, 24-сентябрда, күндүз республика боюнча күн ачык болот. Бул тууралуу Кыргызгидромет маалымдады.

Табият албууттанганда. Кыргызстандагы жүрөк үшүн алган жаратылыш кырсыктары

Абанын температурасы Чүйдө +19...+24, Талас, Ысык-Көл жана Нарын аймактарында +18...+23, Ош, Жалал-Абад, Баткен облустарында +23...+28 градус болору айтылды.

Термометрдин көрсөткүчү борбор калаа Бишкекте +21...+23, Ош калаасында +26...+28 градуска көтөрүлөт.

28
Тема боюнча
Кыштын илеби жакындап... Октябрь айына карата аба ырайы
Бир рубль монетасы жана долларлык монета жана купюрасы. Архив

Россияда доллардын баасы кескин кымбаттап кетти

0
(жаңыланган 00:14 24.09.2020)
Доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

БИШКЕК, 23-сен. — Sputnik. Россияда апрель айынан бери биринчи жолу доллар 77 рублге чыгып, кескин кымбаттады. Бул тууралуу РИА Новости жазды.

Москва биржасынын маалыматына караганда, бир доллар Бишкек убактысы боюнча саат 20:24тө 77,07 рублди түздү (96 тыйынга кымбаттады). Ал эми евро 80 тыйынга кымбаттап, 89,93 рубль болду.

Белгилей кетсек, доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

0
Белгилер:
баа, доллар, Россия
Тема боюнча
Россияда евронун баасы рекорддук көрсөткүчкө жетти. Кыргызстанда абал кандай?