Газ плитасы. Архив

"Газпром Кыргызстан" карызын төкпөгөндөргө туум чегерет

62
(жаңыланган 15:06 16.09.2020)
"Газпром Кыргызстан" ишканасы эпидемиологиялык оор абалды эске алып, абоненттерге аралыктан төлөө жолун сунуш кылууда.

БИШКЕК, 16-сен. — Sputnik. "Газпром Кыргызстан" ЖЧКсы жаратылыш газы үчүн карызын өз убагында төкпөгөндөр үчүн кошумча төлөм жазып жатат. Бул тууралуу мекеменин маалымат кызматы кабарлады.

Компания билдиргендей, өкмөттүн көрсөтмөсү менен коронавирус пандемиясына байланыштуу 1-марттан тарта туум чегерүүнү токтотуу чечими кабыл алынган.

Эми мыйзамга ылайык, карызды өз убагында төлөбөгөндөргө газ берүүнү токтотуп, сот аркылуу төлөтө алат.

"Түндүк электр" миллиондоп карыз болгон 10 ишкананын тизмесин чыгарды

Каражатты Pay24, Quickpay, "Оңой", UMAI, "О!" төлөм терминалдары, компаниянын сайты жана мобилдик тиркемеси, мындан сырткары, "Элсом", MegaPay, Balance, "О!Деньги" мобилдик капчыктар, коммерциялык банктар жана "Кыргыз почтасы" мамлекеттик мекемесинин бөлүмдөрү аркылуу да салса болот.

Эпидемиологиялык абал оор бойдон калганына байланыштуу "Газпром Кыргызстан" ишканасы абоненттерге аралыктан төлөө жолун сунуш кылат.

Абоненттер ошондой эле компаниянын кызмат көрсөтүү борборлорунан төлөм жүргүзө алышат. Даректер:

  • Горький көчөсү, 22, дүйшөмбү-ишемби күндөрү саат 8:00дөн 16:00гө чейин (12:00-13:00 түшкү тыныгуу);
  • Фучик көчөсү, 19, дүйшөмбү-жума күндөрү саат 8:00дөн 16:00гө чейин (12:00-13:00 түшкү тыныгуу);
  • Ахунбаев көчөсү, 186/1, дүйшөмбү-ишемби күндөрү саат 8:00дөн 16:00гө чейин (12:00-13:00 түшкү тыныгуу).

Төлөмдүн суммасын www.gazprom.kg сайтына кирип тактоого же Gazprom.kg тиркемесин көчүрүп, ага катталып, ошол аркылуу маалымат алууга болот.

"Газпром Кыргызстан" ушул жылдын апрель айында бир куб метр газдын баасы калк үчүн 15,3 сомдон 17,6 сомго кымбаттаганын жарыялаган. Ал эми бизнес чөйрөсү (өнөр жай ишканасы, коммерциялык түзүмдөр жана бюджеттик мекемелер) үчүн тариф 18,7 сомдон 21,3 сомго көтөрүлгөн. Баанын өсүшү доллар курсунун жогорулаганына байланыштуу экени айтылган. Өкмөт менен сүйлөшүүлөрдөн кийин коронавирустук кырдаалга байланыштуу компания март айындагы баага токтолгон.

62
Белгилер:
төлөм, абонент, тариф, баа, табигый газ
Тема боюнча
"Түндүк электр" эртең карызы барлардын жарыгын өчүрө баштайт
Өспүрүм бала. Архив

Акыйкатчы институту: Чүйдөгү балдар үйүндө өспүрүм белгисиз жагдайда каза болду

31
Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган.

БИШКЕК, 13-июн. — Sputnik. Военно-Антоновкадагы балдар үйүндө 13 жашар өспүрүм көз жумуп, мындан улам өлкө акыйкатчысы аталган мекеменин жетекчисинин кызматтан четтетилишин талап кылып жатат. Бул тууралуу окуяны өз көзөмөлүнө алган Акыйкатчы институтунан билдиришти.

Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

"Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. КР Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынын четтетүү тууралуу кат жолдоду", — деп айтылат билдирүүдө.

Акыйкатчы институтунан билдиришкендей, каза болгон өспүрүм буга чейин өзүн асырап алуучулар менен төрт жолу жолуккан.

"Якуниндин трагедияга чейин ден соолугу чың болгону тууралуу медициналык маалым каттар бар. Дагы бир маанилүү нерсе, 2020-жылы февралда КР Акыйкатчы аппаратынын балдарды коргоо бөлүмү балдар мекемелерине, анын ичинде Военно-Антоновкадагы балдар үйүнө да мониторинг жүргүзгөн эле. Жыйынтыгында бир катар сунуштамалар берилген. Бирок алар өз убагында аткарылган эмес. Бул фактылар боюнча да күнөөлүү адамдарды жоопкерчиликке тартуу боюнча иштер жүргүзүлүүдө", — деп айтылат билдирүүдө.

Мекемеден кошумчалашкандай, бул фактыны иликтөө боюнча өкмөттүк комиссия түздүрүү боюнча аракеттер көрүлүп жатат.

Ал эми өлкө президентинин маалымат кызматынан билдиришкендей, аталган окуя боюнча ведомстволор аралык комиссия түзүлүп, маселени Кыргызстандын Балдар укугу боюнча ыйгарым укуктуу өкүлү Жыпариса Рысбекова өз көзөмөлүнө алды. Учурда окуянын чоо-жайы такталып жатат.

31
Белгилер:
иликтөө, Акыйкатчы институту, өлүм, өспүрүм, балдар үйү
Тема боюнча
Айзаданы ала качууга шектүүлөрдүн бири окуянын чоо-жайын айтып берди
New Shepard кемесинде Blue Origin жана Amazon ишканаларынын негиздөөчүсү Жефф Безос. Архив

11 мүнөт үчүн 28 миллион доллар. Безос менен космоско учуучу орун сатылды

30
(жаңыланган 13:31 13.06.2021)
Аукционго катышуу ниетин билдирип дүйнөнүн 159 өлкөсүнөн 7 600 киши катталды. Жеңүүчү аукцион бүткөндөн бир нече апта өткөн соң жарыяланат.

БИШКЕК, 13-июн. — Sputnik. Аты айтылбаган сатып алуучу америкалык Blue Origin компаниясынын New Shepard кемеси менен космоско учуу мүмкүнчүлүгү үчүн 28 миллион доллар төлөдү. Бул тууралуу аталган компанияга таянып "Известия" жазды.

Сатыкка катышуу үчүн 159 өлкөдөн 7 600дөй киши катталган. Аукциондун жеңүүчүсү New Shepard кемесинде Blue Origin жана Amazon ишканаларынын негиздөөчүсү Жефф Безос жана анын агасы Марк менен бирге 20-июлда космоско учат. Асманга учуу болжол менен 11 мүнөткө созулат.

New Shepard Техастагы космодромдон көтөрүлөт.

Капсула экипаждан ажырагандан кийин тигинен конууга туура келет, капсула Жердин бетинен болжол менен 105 чакырым бийиктикке көтөрүлүп, андан кийин парашют менен конот.

Жеңүүчү аукцион бүткөндөн бир нече апта өткөн соң жарыяланары белгиленет. Кийинчерээк төртүнчү жана экипаждын акыркы мүчөсүнүн ысымдары айтылат.

Blue Origin буга чейин New Shepard космос кемесинде пилотсуз режимде 15 ирет тесттик учуулар жасалган. Акыркысы апрель айынын орто ченинде болгон.

30
Белгилер:
АКШ, Жефф Безос, учуу, космос, аукцион
Тема боюнча
Кытай алгачкы жолу Марска космостук аппаратын кондурду