Жол инспектор кызмат учурунда. Архивдик сүрөт

Жол кырсыгы болгон жерге эмнеге инспектор чакыруудан качышат? Эреже, кеңештер

212
(жаңыланган 18:50 16.09.2020)
Жол кырсыгы катталган учурда айдоочулардын көбү маселени ЖКККББ өкүлдөрүнө жеткирбей эле ич ара чечип алууга аракет кылышат. Эмнеге? Аларды чакырган күндө мыйзам кандай иштей турганын Sputnik Кыргызстан агенттигинин материалынан окуй аласыздар.

Кыргызстанда күн сайын ондогон жол кырсыктары катталат. Бирок эксперттердин айтымында, алардын көпчүлүгү инспекторлордун статистикасына түшпөйт.

"Жол эрежеси" рубрикасынын алкагында дал ушул темага токтолобуз.

Жадыбалдай жатта! Жол кырсыгына кабылган айдоочу көрө турган 5 чара

ЖКККББнын маалымат катчысы Тилек Исаевдин айтымында, айдоочулар кырсык катталган учурда материалдык чыгымды жабуу боюнча чечимди өздөрү кабыл алат. Бул жол эрежесинде так жазылган.

"Эгер анча олуттуу эмес жол кырсыгы болуп, эч ким жабыркабаса айдоочулар инспекторлорду чакырбай койсо болот. Бирок автоунааны техникалык кароо станциясына ремонтко алып барыш үчүн милициядан маалым кат алышы керек. Милициянын кызматкерлери машинаны көрүп, текшеришет. Документти андан кийин беришет. Маалым кат акысыз", — деди Исаев.

Ал эгер автоунааны техникалык кароо станциясында иштегендер жол кырсыктан жабыркаган машинаны маалым кат жок ремонтко алса, алар жазаланып, ири өлчөмдө айып пул төлөп калышат. 

Последствие столкновения 2 автомашин на пересечении улиц Байтик Баатыра и Медерова
© фото очевидца, отправленное по Whats App-каналу
Эгер анча олуттуу эмес жол кырсыгы болуп, эч ким жабыркабаса айдоочулар инспекторлорду чакырбай койсо болот

Жол кырсыкка күнөөлүү адамды ким аныктайт?

ЖКККББ өкүлүнүн айтымында, инспектор кырсык катталган жерге келгенде окуяны териштирип, ал жерди көрүп, күбөлөрдөн эмне болгонун сурашат. Андан кийин жол кырсыктын схемасын түзүшөт.

"Эгер эч ким жабыркабаса милиция аталган фактыны Эреже бузуулар кодекси боюнча бирдиктүү реестрге каттап, тийиштүү экспертизаны дайындашат. Эгер жабыркагандар болсо, жерине ыкчам тергөө тобу чакыртылат. Алар аталган фактыны бирдиктүү реестрге каттап, сотко чейинки териштирүү иштерин башташат. Экспертиза дайындалгандан кийин анын жыйынтыгын 3 күндөн 10 күнгө чейинки убакыттын ичинде алса болот", — деди Исаев.

Бишкектеги баа берген компанияда иштеген (бул компания жол кырсыктын кесепетинен келип чыккан чыгымды баалап берет) эксперт Александр Рубановдун айтымында, экспертизанын жыйынтыгына карап токтом чыгат. Анда жол эрежесин бузган айдоочу көрсөтүлөт.

Баланын жолдогу коопсуздугу. Ата-энелерге жол эрежеси боюнча 9 кеңеш

"Токтом айдоочуну мамлекетке айып пул төгүүгө милдеттендирет. Эгер кылмыш иши болбосо, кырсыктан эч ким жабыркабаса, келтирген чыгым миллион сомдон аз болсо, анда кырсыктын күнөөкөрү менен жабыркаган тарап компенсация төлөп берүү боюнча сүйлөшүп алышат же жарандык соттун негизинде маселесин чечип алышат. Эгер кылмыш иши болсо, анда тергөөчү ишти сотко өткөрүп берет. Анда айып пул төлөгөндөн сырткары айдоочу абакка кесилип кетиши ыктымал", — деди Рубанов.

Ал соттук териштирүүлөр айлап, ал тургай жылдап созулуп кетиши мүмкүн экенин белгиледи. Ошондой эле азыркы тапта материалдык чыгымдан кутулуу да оңой болбой калганын кошумчалады.

"Мурда жол кырсыгына себепкер адам акы төлөөдөн "иштебейм" деген шылтоону айтып кутулуп кетчү. Азыр мыйзам ага жол бербейт. Шектүүнүн мүлкү камакка алынат же болбосо сот аткаруучу күнөөкөрдүн мүлкү пайда болгонго чейин аны күтүп, ишти жаппайт. Мүлкү пайда болору менен аны камакка алышат да, жабыркаган тарапка сатып жиберет", — деди эксперт. 

Дорожный знак Внимание на автомобильной дороге. Архивное фото
© AFP 2020 / PHILIPP GUELLAND
ЖКККББ өкүлүнүн айтымында, инспектор кырсык катталган жерге келгенде окуяны териштирип, ал жерди көрүп, күбөлөрдөн эмне болгонун сурашат. Андан кийин жол кырсыктын схемасын түзүшөт.

Эмне себептен айдоочулар жол кырсыгы катталган жерге инспекторлорду чакырышпайт?

Эксперттердин айтымында, айдоочулар адатта акчаны жана убакытты үнөмдөө үчүн милицияны аралаштырбаганга аракет кылышат.

"Эгер кырсык олуттуу эмес болсо ал арзан жана жеринде эле чечилет. Бюрократия, ири суммадагы айып пул жана кетирген убакыт айдоочуларды чочутат. Менин көз карашымда, бирөө-жарым жаракат албаса катардагы жол кырсыкты иликтөөгө 2-3 күн кетет. Бирок процесс бир айга чейин узарып кетиши мүмкүн. Бул аралыкта автоунаа айып короодо болот", — деди Рубанов.

Ал майда кырсыктарга экспертиза дайындалбай турганын айтып, бирок ишке келгенде көп нерсе тергөөчүдөн көз каранды экенин белгилеген.

Айдоочу ГБРдин автоунаасына жол бошотуп берүүгө милдеттүүбү? Эрежелер

Кыргызстандын айдоочулар союзунун жетекчисинин орун басары Дүйшөнаалы Токтакунов эксперттин оюна кошулат. Анын айтымында, бул кырдаал айдоочуларга да, милицияга да ыңгайсыз.

"Милицияны чакырууга айдоочулар ашыкпайт. Анткени жол эрежесин бузганы үчүн айып пул төлөйт, автосун айып короого токтотот. Кырсык болгон жерге келген инспекторлор да кырдаал түшүнүксүз болсо, айдоочуларга жөн эле айып салып же аларды коё бере алышпайт. Автону сөзсүз айып короого токтотот. Бул учурда ашыкча бюрократия жана ыңгайсыздыктар жаралат", — деди Токтакунов. 

Автотранспорт на автодороге Бишкек-Ош
© Пресс-служба президента КР / Султан Досалиев
Бишкекте 3 000 чукул айдоочу автоунаасын камсыздандырган

Мыйзамда кеткен каталар

Камсыздандыруу компаниялардын бириндеги авариялык комиссар Кайрат Өмүрбеков жол кырсыгына кабылган айдоочуларга консультациялык кызмат көрсөтөт. Ал дагы ашыкча чыгымга учурап калбаш үчүн айдоочулар милиция чакырбай турганын айтты.

"Эки автоунаа кагышып кетип бирөөнүн бампери жабыркады дейли. Аны ремонт кылдырыш үчүн айдоочунун 3-4 миң сому кетет. Эгер ЖКККББ өкүлдөрүн чакыра турган болсо, айып пул эле 5 500 сом болот. Андан сырткары, айып короого, экспертизага да акча төлөш керек. Көптөгөн Европа өлкөлөрүндө жана Россияда инспекторлор кырсык болгон жерге келип схеманы түзүп, протокол жазып, маселени ошол жерден чечет. Бизде андай система жок. Кокус башка көлүктү 5 сантиметр кылып чийип алсаң дагы унааңды айып короого алып кетет. Менин оюмча, бул биздин мыйзамдагы катачылык", — деди комиссар.

Ал кырсык болгон жерлерде автоунаасын камсыздандырган гана айдоочуларга жардам бере турганын кошумчалады. Андайлар Бишкекте 3 000 чукул.

212
Белгилер:
экспертиза, текшерүү, инспектор, кырсык, айдоочу
Тема боюнча
Ылдамдыкты азайтып, фара күйгүзүүнү унутпаңыз! Көлгө бара жаткандагы жол эрежелери
71 кырсык катталган. Кайгуул милициясы велосипедчендерге 5 кеңеш берди
Шайлоо участогу. Архив

Шайлоо-2020: талапкерлердин бир тобу партиясынан чыгып кетти. Соңку окуялар

258
(жаңыланган 22:06 29.09.2020)
Эки күндүн аралыгында бир партиядан 10 талапкер кетип калды. Шайлоонун чыгымдарына каралган каражат жетпей дагы 1,8 миллион сом бөлүндү.

БИШКЕК, 29-сен. — Sputnik. Парламенттик шайлоого саналуу эле күндөр калды. Sputnik Кыргызстан агенттиги өнөктүк маалында болуп жаткан соңку окуяларды чогултуп окурмандарга сунуштайт.
Жогорку Кеңештин депутаттарын шайлоо 4-октябрда өтөт. Бул күнү 3 миллион 523 миң 532 шайлоочунун добушун алуу үчүн 16 саясий партия ат салышууда.

Соңку окуялар:

  • Бүгүн вице-премьер, Шайлоону уюштуруу жана өткөрүү боюнча республикалык штабдын жетекчиси Акрам Мадумаров маалымат жыйын өткөрдү. Анда суроого жооп берип жатып "шайлоодон беш-алты партия өтүшү мүмкүн" деген божомолун айтты;
  • Шайлоо өнөктүгү маалында 104 мыйзам бузуу катталып, соттук өндүрүш жүрүп жатат. Анын ичинен 64ү кылмыш, 40ы жорук деп бааланууда;
  • Парламенттик шайлоону өткөрүүгө эсептелген акча жетпей калып, дагы 1 миллион 857,2 миң сом кошулду. Ошону менен депутаттарды шайлоого бюджеттен 449,58 миллион сом сарпталат;
  • БШК дүйнөнүн 31 мамлекетинен келе турчу 24 эл аралык уюмдун өкүлдөрүнөн турган 219 адамды эл аралык байкоочу катары аккредитациядан өткөрдү;
  • "Кыргызстан" партиясынын квотасы менен дайындалган Нурбакыт Маматалиев Ош аймактык шайлоо комиссиясынын мүчөлүгүнөн алынып, ордуна Аида Сатыбалдиева келди. Маматалиев өз арызынын негизинде кеткен;
  • Кечээ "Кыргызстан” партиясынын тизмесинен сегиз талапкер чыгарылды. Алар — Азамат Дүйшеев, Алмазбек Дыйканбаев, Данишбек Курманбеков, Каныбек Кубатов, Улук Кыдырбаев, Кубан Мырзаканов, Абдумиталиб Тургунбаев, Космосбек Чыдынов. Шайлоого аз калганда эмнеге партияга кол шилтеп кеткени белгисиз. Өздөрү тизмеден чыгарууну сурап БШКга арыз жазганы айтылат;
  • Бүгүн ЖКнын учурдагы депутаты Алмазбек Токторов БШКга кат түрүндө кайрылып, “Кыргызстан” партиясынан чыгып кетти. Аны менен катар эле дагы бир талапкер, Кудрет Тайчабаров өзүнүн арызынын негизинде тизмеден чыгарылды;
  • “Бүтүн Кыргызстан” партиясынан үч талапкер — Люшер Мусаев, Нурлан Мамытов, Айтбек Абдысатаров жарыштан четтеди. Партия аларды тизмеден чыгарууну сурап БШКга билдирүү жиберген;
  • “Социал-демократтар” саясий партиясы БШКга кайрылып, тизмесинен төрт талапкерди чыгарды. Алар — Камилла Талиева, Бахадир Маматбуваев, Машхура Самиева, Мамир Заитов;
  • “Мекенчил” партиясынын талапкерлеринин тизмесинен үчөө — Сонунбу Кадырова, Азамат Аспек уулу, Айбек Озокеев четтетилди. Алар да партиянын сунушу менен кетип жатышат;
  • “Афганистан согушунун ардагерлери” партиясынын арызынын негизинде Зарипахон Насирдинова тизмеден чыкканы маалым болду.
258
Белгилер:
чыгым, БШК, чыгаруу, тизме, талапкер, шайлоо
Тема:
Шайлоо-2020
Тема боюнча
Жээнбеков парламентке канча партиянын келишин каалай турганын айтты
Кайсы облуста шайлоочулардын саны көп? Тизме
Бет кап бекер берилет. Шайлоодо COVID-19дан коргонуу алгоритми иштелип чыкты
Учак. Архив

Жээнбеков менен Орбан Бишкек Будапешт авиакаттамын ачууга макулдашты

55
(жаңыланган 21:16 29.09.2020)
Венгриянын премьери эки өлкөнүн байланышы жана достугу туруктуу болушу үчүн түз аба каттамын ачуу зарылдыгын айтты.

БИШКЕК, 29-сен. — Sputnik. Кыргызстан менен Венгриянын ортосунда Бишкек — Будапешт маршруту боюнча түз аба каттамын ачуу тууралуу макулдашылды. Бул туурасында Венгриянын премьер-министри Виктор Орбан билдирди.

Белгилей кетсек, учурда президент Сооронбай Жээнбеков аталган өлкөдө расмий сапар менен жүрөт.

“Эгерде байланыштарыбыздын жана достугубуздун туруктуу болушун кааласак, анда биз түз аба каттамын ачуубуз зарыл. Будапешт менен Бишкектин ортосунда сөзсүз түрдө аба каттамы болушу керектигин макулдаштык. Биз юридикалык жана каржылык шарттарды түзөбүз. Каттамдар жакынкы мезгилде ачыларына үмүт кылабыз, — деп айтты Орбан.

Кыргыз-венгер кызматташтыгы боюнча 12 документке кол коюлду. Тизме

Ошондой эле ал Кыргызстан менен Венгриянын ортосунда көптөгөн маанилүү макулдашууларга кол коюлганын баса белгилеп, мурда эки өлкө ортосундагы байланыштарга талаптагыдай көңүл бурулбаганын белгиледи.

55
Белгилер:
Венгрия, аба каттам, Сооронбай Жээнбеков
Тема боюнча
Европадагы биринчи стратегиялык өнөктөш. Жээнбеков Орбанды Кыргызстанга чакырды
Гимндер жаңырып... Жээнбеков Венгрияда премьер Орбан менен расмий жолукту
Армениянын премьер-министри Никол Пашинян менен Азербайжандын президенти Илхам Алиев. Архив

Армения менен Азербайжандын башчылары телеэфирде катуу билдирүү жасашты

0
(жаңыланган 01:15 30.09.2020)
Пашинян жаңжалга Түркиянын аралашканын сындап чыкса, Алиев аталган өлкө Азербайжанга моралдык гана колдоо көрсөтүп жатканын билдирди.

БИШКЕК, 30-сен. — Sputnik. Армениянын премьер-министри Никол Пашинян менен Азербайжандын президенти Илхам Алиев "Россия 1" телеканалынын "60 минут" программасынын эфиринде Тоолуу Карабахтагы жаңжал тууралуу бири-бирине комментарий беришти.

Маанилүү билдирүүлөрү:

  • Илхам Алиев Азербайжан тараптан 11 жай тургун, анын ичинде эки жаш бала каза таап, аскерлер дагы набыт болгонун билдирди. Мындан улам Баку тийиштүү жооп кайтарганын айтты;
  • Никол Пашинян Түркия Карабахтагы жаңжалга кадимкидей аралашып, жадагалса Түркиянын жогорку даражалуу адамдары аскердик аракеттерди жетектеп турганын билдирди;
  • Алиев Түркия Ереван менен болгон жаңжалга катышып жатканы туурасында маалыматты четке кагып, "фейк" деп атады;
  • Пашинян армян элине коркунуч жаралып жатканын айтып, дүйнөлүк коомчулукту Баку менен Анкаранын аракеттерин талкуулоого жана Түркияны "Түштүк Кавказдан кетүүгө" аргасыз кылууга чакырды.
  • Алиев Армениянын талаптары Карабах боюнча сүйлөшүүгө ылайыксыз деп атады. Ал "Армениянын премьер-министри "Карабах — бул Армения, ошону менен чекит коюлушу керек" деп ачык эле айтууда. Мындай учурда кандай сүйлөшүү процесси тууралуу кеп кыла алабыз?" — деди;
  • Пашинян Карабахтагы жаңжалга түркиялык учактын катышканы көрүнүп турган факт экенин айтты;
  • Алиев Түркия Азербайжанга моралдык гана колдоо көрсөтүп жатканын билдирди.

Кыргызстан Азербайжан менен Армениянын жаңжалы боюнча позициясын билдирди

Карабахтагы жаңжал

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялады.

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ЕККУ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

0
Белгилер:
Жаңжал, Тоолуу Карабах, Армения, Азербайжан
Тема боюнча
ЖККУ Карабахтагы абал боюнча тынчсыздануусун айтты. Башкы катчынын билдирүүсү
Карабахтагы абалдын курчушу Кавказдагы чырга Россияны аралаштыруу аракетиндей...