Балдарга сасык тумоого каршы вакцина берүү. Архивдик сүрөт

Эскертүү! Сасык тумоого каршы бекер вакцина калктын 13 пайызына гана жетет

116
(жаңыланган 12:55 17.09.2020)
Быйыл эмдөө сентябрь айында эле башталды. Буга коронавирустун экинчи толкуну башталып кетсе, элге оор болуп калат деген жүйө келтирилди.

БИШКЕК, 17-сен. — Sputnik. Сасык тумоого каршы бекер эмдөө тобокелчилик тобуна кирген адамдардын 13 пайызын гана камтыйт. Бул тууралуу Коомдук саламаттык сактоо башкармалыгынын жетекчиси Айнура Акматова брифинг учурунда билдирди.

Ал 119 663 миң дозадагы биринчи партия региондорго жиберилгенин эскертти. 16-сентябрдан тарта Бишкек менен Чүй облусунда эмдөө башталды. Вакцинация үй-бүлөлүк борборлордо жасалууда. Ошондой эле мобилдик бригадалар дагы тартылды.

Сасык тумоого каршы эмдей турчу жеке клиникалардын тизмеси

Акматова белгилегендей, вакцина өнөкөт оорулары барларга, жашы 65тен өткөндөргө жана карылар үйүндөгүлөргө биринчи кезекте сайылат.

Вакцинанын экинчи партиясы 21-сентябрдан кийин, үчүнчүсү 27-октябрдан кийин алып келинет.

Быйыл эмдөө сентябрь айында эле башталды. Себеби бийлик коронавирустун экинчи толкуну башталып калса, жарандарга оор болуп калышы ыктымалдыгын эскертти.

116
Белгилер:
эмдөө, вакцина, Кыргызстан
Тема боюнча
Өлгөндөр миллионго жетип... БУУ COVID көзөмөлдөн чыгып бара жатканын айтты
Гриппке каршы эмдөө качан башталып, кимдерге акысыз сайылары айтылды
Боронов Кыргызстанга келген гриппке каршы вакциналардын баасын ачыктады
Украинадагы кулаган учактын кырсыгы

Кулаган учактан аман калган курсанттын атасы: мен дагы үч жолу кырсыктагам

13
(жаңыланган 11:26 27.09.2020)
25-сентябрь күнү кечинде Украинанын Харьков облусунда аскер учагы кулап, борттогу 27 кишинин ичинен бир гана курсант аман калган.

БИШКЕК, 27-сен. — Sputnik. Украинадагы учак кырсыгынан аман калган курсанттын атасы Виталий Золочевский дагы үч ирет учак кырсыгына кабылган. Бул тууралуу "Сегодня" басылмасына өзү билдиргенин "Известия" жазды.

Эске салсак, 25-сентябрь күнү кечинде Украинанын Харьков облусунда аскер учагы кулаган. Борттогу 27 кишинин ичинен бир гана курсант аман калган.

"Мен дагы буга чейин үч ирет учак кырсыгына кабылгам. Балам да эсен калды. Бул — атасынын уулу дегенди түшүндүрөт", — деди Золочевский.

Ал учак кырсыгынан баласы болгону этин оорутуп алганын кошумчалаган.

Украинада аскер учагы кулады. 23 адамдын өмүрүн алган кырсыктын видеосу

"Баары эле уулумду учактан секирип кеткен деп айтышууда. Бирок чындыгында андай болгон эмес. Ал катуу басымдан ыргып кеткен. Мен билгенден ал досун куткарууга аракет кылган", — деди ал.

Маалым болгондой, кырсыктаган аскер учагынын ичинде 27 киши болгон. Анын жетөө экипаж мүчөлөрү, 20сы аскер-аба күчтөрүнүн Харьков улуттук университетинде билим алган курсанттары эле.

Аман калган курсант учурда ооруканада жатат.

13
Белгилер:
ата, курсант, окуя, кырсык, учак, Украина
Тема боюнча
38 адам жер алдында калган. Жер көчкүгө күбө болгон өзгөндүк Калдыбаевдин маеги
Медициналык кызматкерлер иш учурунда

Коронавирустан айыккандардан жуктургандар көбөйдү. Статистика

90
(жаңыланган 11:22 27.09.2020)
Бир сутка ичинде беш медик коронавирус жуктуруп алган. Анын ичинен үчөө Бишкекте, бирөө Баткенде, бирөө Ошто.

БИШКЕК, 27-сен. — Sputnik. Кыргызстанда өткөн суткада коронавирустан 151 бейтап айыкса, 161 кишиден вирус табылды. Бул тууралуу Республикалык штабдан кабарлашты.

Айыккандар:

  • Бишкек – 38;
  • Чүй облусу – 17;
  • Ош облусу – 32;
  • Талас облусу – 4;
  • Ысык-Көл облусу – 10;
  • Жалал-Абад облусу – 19;
  • Баткен облусу – 18;
  • Ош шаары – 13.

Жуктургандар:

  • Бишкек – 29;
  • Ош – 13;
  • Чүй облусу – 9;
  • Ош облусу – 33;
  • Талас облусу – 1;
  • Нарын облусу – 2;
  • Ысык-Көл облусу – 6;
  • Жалал-Абад облусу – 23;
  • Баткен облусу – 45.

Ушуну менен өлкөдө коронавирус жуктургандардын жалпы саны 46 251ге жетти. Анын ичинен 42 453ү ооруну жеңди. Тилекке каршы, илдет 1 063 адамдын өмүрүн алган.

Коронавирустун белгилери байкалса кайда кайрыласыз? Министрликтин жообу

Азыркы учурда стационарда 693 бейтап коронавирустан дарыланып жатса, 1 590 киши медициналык жардамды үйлөрүнөн алууда.

Бир сутка ичинде беш медик коронавирус жуктуруп алган. Алар:

  • Бишкек шаары – 3;
  • Ош облусу – 1;
  • Баткен облусу – 1.

Ошол эле учурда 14 медик ооруну жеңип, үйлөрүнө чыгарылган.

90
Белгилер:
оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Вирусолог: пандемияны биринчи, экинчи толкун деп бөлүүнүн кажети жок