ИИМ жөлөк болуп чогуу жүргөн кызматтык иттери тууралуу айтып берди. Сүрөт
(жаңыланган 09:48 19.09.2020)
Кызматтык иттер оор кылмыштардын бетин ачууда, жашыруун заттарды табууда жана массалык иш-чараларды коомдук коопсуздукту сактоого тартылышат.БИШКЕК, 19-сен. — Sputnik. Ички иштер министрлиги өзүнүн карамагындагы "Шумкар" атайын багыттагы полкунун кинология борборунун иши тууралуу кенен айтып берди.
Министрликтин билдиришинче, кинологдор кызматтык иттерди оор кылмыштардын бетин ачууда, шектүүлөрдү, курал-жарактарды, жарылуучу заттарды, баңгизаттарды табууда жана массалык иш-чара, митинг, акцияларда коомдук коопсуздукту сактоо максатында тартылышат.
Ички иштер министрлиги өзүнүн карамагындагы "Шумкар" атайын багыттагы полкунун кинология борборунун иши тууралуу кенен айтып берди.© Фото / Пресс-служба МВД КР
Министрликтин билдиришинче, кинологдор кызматтык иттерди оор кылмыштардын бетин ачууда, шектүүлөрдү, курал-жарактарды, жарылуучу заттарды, баңгизаттарды табууда жана массалык иш-чара, митинг, акцияларда коомдук коопсуздукту сактоо максатында тартылышат.© Фото / Пресс-служба МВД КР
Иттер ыкчам аракеттерге колдонулгандыктан ИИМдин спецназы — "Шумкар" атайын багыттагы полкунун карамагына мындан төрт жыл мурда өткөрүлүп берилген.© Фото / Пресс-служба МВД КР
©
Фото / Пресс-служба МВД КР
Иттер ыкчам аракеттерге колдонулгандыктан ИИМдин спецназы — "Шумкар" атайын багыттагы полкунун карамагына мындан төрт жыл мурда өткөрүлүп берилген.
"Альфа","Шумкар", "Скорпион".... Эң сырдуу кызматтар тууралуу баян
Кинология борборунун жетекчиси, милициянын полковниги Сергей Брюзгин айрым кызыктуу учурларга токтолгон.
"Иттерди тандап алууда түрдүү критерийлер боюнча сынайбыз. Алардын саламаттыгына мал доктурлар көзөмөл жүргүзүп турат. Күн сайын кинологдор иттер менен машыгууларды өткөрүп, издөө, кармоо жөндөмдөрүн кайталап, дагы башка ыкмаларды өздөштүрүп турушат", — деген Брюзгин.
Маалыматта айтылгандай, кинология борбору 1972-жылы ачылгандан бери далай иштин бети ачылып, кылмышкерлер колго түшкөн.
"Эгер соңку жылдагы ишибизге токтоло кетсек, 2017-жылы кинологдор кылмышкерден 6 килограмм 640 граммдан ашык баңгизатын тапкан, 2018-жылы болсо ири суммадагы акча менен зергер буюмдарын уурдагандарды, ошондой эле кеңсени тоноп, чоң суммадагы акчаны чыгарып кеткендерди табууга көмөктөшкөн. Ушул сыяктуу иштерди аткарууда кызматтык иттердин салымы чоң", — деп айтылат маалыматта.
Ошондой эле акыркы жылдары атайын операцияларды жүргүзүүдө иттердин арасында жоготуулар болбогону кошумчаланды. Кайгылуу окуя 80-жылдардын аягында катталган. Тагыраагы, кызматтык ит кылмышкерди кармап, барымтага алынган адамды бошотуу учурунда өзү жаракат алып өлгөн.
Министрлик кинологдун иши жоопкерчиликтүү жана татаал, ал эми кызматтык ит ал үчүн эң ишенимдүү дос экендигин белгиледи.
Белгилер:
Беш айда 40 килограммга арыктаган аял салмак таштоонун сырын ачты
БИШКЕК, 24-янв. — Sputnik. Индияда беш айда 40 килограммга арыктаган аял салмак таштоонун сырын ачты. Бул тууралуу РИА Новости жазды.
32 жаштагы Саана Шеттинин айтымында, дарыгерлер анын канында кант менен холестерин жогору экенин, булар ден соолукту талкалай турганын айтканда капалана нес болгон. Кийин ал өзүн колго алып, арыктоону чечкен. Анда анын салмагы 125 килограмм болчу.
Анын айтымында, салмак таштоонун сыры жеген тамактын түрүнөн эмес анын көлөмүнөн көз каранды.
"Ченеми менен жеш керек. Тамактын порциясына тыкыр көз салып жатып кыска убакытта чоң салмактан арыла алдым. Ошондой эле азыкты жакшылап чайнап туруп анан жутуш керек", — деген ал.
Мындан тышкары, дароо шекерден, ун азыктарынан жана вегетериандык эмес азыктардан баш тарткан. Буга кошумча жөө басып, йога менен алектенген.
Бишкекте айыл чарбасын камсыздандыруу боюнча жыйын өтөт
БИШКЕК, 24-янв. — Sputnik. Кийинки жуманын биринчи күнү, 25-январда, айыл чарбасын камсыздандыруу боюнча жыйын өтөт. Бул тууралуу Айыл чарба, тамак-аш өнөр жайы жана мелиорация министрлиги билдирди.
Министр Тилек Токтогазиев тегерек столдун алкагында айыл чарбасын камсыздандырууну өнүктүрүү концепциясын талкуулап, аны ишке ашыруу боюнча конкреттүү сунуштарды иштеп чыгуу керектигин айткан.
"Дүйнөдөгү айыл чарбанын динамикалуу өнүгүп жатканын эске алуу менен өндүрүүчүлөр үчүн мамлекеттик деңгээлде шарттарды түзүп берүү керек", — деген Токтогазиев.
Министрлик бардык кызыкдар тараптарды айыл чарбасын өнүктүрүүгө багытталган маселелерди талкуулоого чакырды. Ал үчүн 0502 40 39 69 телефон номери же alchynbek.b@gmail.com электрондук дареги аркылуу байланышууга болот.
Белгилер: