Колун кармап турган келин. Архив

Кайненем көңүлдөшүн мага шылтап... Күйөөсүнүн ишениминен чыккан келиндин каты

(жаңыланган 13:30 19.09.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул ирет кайненесинин калпынан улам күйөөсүнүн ишениминен чыгып, үй-бүлөсүз калган келиндин каты жарыяланды.

Саламатсыздарбы! Сырттан караган кишиге менин акыркы жарым жыл ичиндеги жашоом кино сыяктуу көрүнүшү мүмкүн. Бир жыл мурда тумушка чыккам. Жолдошум жакшы үй-бүлөнүн уулу, иши кылып, жашоом өзүмө жомоктогудай сезилчү. Кайненем менен кайнатам дагы башында абдан ынтымактуу, гармонияда жашаган жубайлардай көрүндү. Кайненем болгону 45 жашта, өзүн жакшы караган сымбаттуу аял. Акырындык менен айлар өтүп, көбүрөөк туугандар менен тааныша баштадым. Ошол күндөрү эмнегедир биздин апабызды туугандардын көбү жактырбасын байкадым. Жадагалса кайнатамдын бир туугандары аны жек көрүшөт экен.

Себебин билгим келип, бирок сурар кишим болгон жок. Жолдошумдан сурайын дейм, оозум барбайт. Бир күнү алысыраак кайнагамдын үйүнө конокко барып, ашканада иш кылып жүрүп билгим келген нерсенин баарын уктум. Көрсө кайненем балдары кичине кезинде башка эркек менен кетип калып, бир нече жылдан кийин кайра келген экен. Абысындарынын сүйлөшүп жатканынан байкасам, бир топ эле жеңил ойлуу аялдай көрүндү. Башында чындап эле шок абалында болдум, бир жумадай ошол нерсе оюмдан кетпей койду. Же эч кимден чын-бышыгын тактай албайм, анткени үйдө бул тема баарына жагымсыз экени айтпаса деле түшүнүктүү да. Акырындык менен бул ойго деле көнүп, жашоо өз нугунда кете берди.

Үй-бүлөдөн да, там-таштан да жок сызга отуруп калдым. Мигрант күйөөнүн көйгөйү

Бир күнү курбу кызымдын туулган күнүнө барып, көпкө кармалып калдым. Жолдошум командировкада болгондуктан, үйгө такси чакырып кетүүгө туура келди. Жете бергенде карасам, биздин дарбазанын алдында бейтааныш автоунаа токтоп турат. Үйгө бирөөлөр келген го деген ойдо шаша-буша эшикти ачып жатсам бирөө Айка деп атыман чакырып калды. Карасам кайненем жанагы машинадан түшүп келе жатыптыр. Жаныма келе бергенде ичимдиктин жыты бур дей түштү. “Сен дагы эми келдиңби?” деп жылмая карады дагы экөөбүз үйгө кирдик. Бөлмөмө жаңы киргенде ары жактан кыйкырыктар башталды. Сөздөр даана угулбаса дагы “мен такси менен келдим, курбуларым менен отурдум, ишенбесең Айжамалга чал” деп кайненем айтканын кулагым чалды.

Жүрөгүм жамандыкты сезгендей шуу дей түштү. Такси менен мен келдим да, эмнеге кайненем алдап койду деген ой кетти. Эртеси таң атпай ашканада жүрсөм, кайнатам кирди дагы “Эркин келгиче алчуңду алгын дагы, чыгып кет үйдөн!” десе болобу. Үстүмө муздак суу куюп ийгендей селейип туруп калдым. Же эмне деп айтарымды билбей, ыйлап гана туруп бергенден башка эч нерсе кыла алган жокмун.

Көрсө кайнатам кечиндеги бейтааныш машина биздин үйдүн жанында жарым саттай турганын билген экен. Кайненем болсо курбулары менен отуруп, такси менен келсе, тиги автодон мен чыкканымды айтыптыр. Кайнатам бул тууралуу жолдошума кабарлап, эчак аны тетири бурап коюуга дагы жетишиптир.

Келинимдин жүдөөлүгү көкөйгө тийди. Айласы куруган кайнененин каты

Кыскасы, ошентип мени үйдөн кууп чыгышты. Төркүндөрүмө бетиме көө жаап, жеңил ойлуу аял катары көрсөтүштү. Албетте, апам менен атам мага ишенип, мен тарапта болушту, бирок жолдошум ишенбегенден кийин эмне кылмак элем? Ата-энемдин үйүнө келгенден эки жума өткөн соң кош бойлуу экенимди билдим. Балким, бул кабар жибитип, кепке-сөзгө келтирер бекен деп сүйүнчүлөсөм, жолдошумдун оозунан “кимден боюңа бүткөнүн кайдан билем” дегенден башка сөз чыккан жок.

Ошондон бери төрт ай өттү. Уйкум качып, катуу стресске түшкөндүктөн, бир ирет боюман түшүп кала жаздап, ооруканага жатып чыктым. Атам менен апам көзүмдүн кареги менен айланып, кичине дагы убакытка жалгыз калтырышпайт.

Балада күнөө жок, өзүбүз багабыз деп кадимкидей небере күтүп атышат. Алаксышың керек деп апамдын курбусунун дүкөнүнө жумушка киргизип коюшту. Курсагым чыга баштагандан бери кичине болсо дагы өзүмө келип, баламды ойлоно баштадым. Бирок жолдошумдун мени менен бир ооз сүйлөшпөй туруп, буга чейинки жашообуздун бардыгын жокко чыгарып салганына такыр түшүнбөй турам. Өзү жогорку билимдүү киши, бир эле ата-энесинин айтканы менен мени жашоосунан чийип салабы? Ушинтип эле кайненемдин калпынын айынан садага чабылып кетемби? Кантип адилеттүүлүккө жетем? Кантип бетиме жабылган көөнү кетирем? Кеңеш бериңиздерчи?

Психолог Перизат Калмаматова:

— Урматтуу автор, ата-энем мага ишенет, мени колдойт дедиңиз. Экинчиден, курсагым чоңойо баштагандан бери өзүмө келип калдым деп жатасыз. Сиз кабылган оор кырдаалда бул эки нерсе абдан маанилүү. Демек, мындан ары жакшы жашап кеткенге түрткү, себеп, тирек бар.

Эмнеге жубайлар тез ажырашып кетишет. Психологдун жообу

Ал эми жаңы үй-бүлөңүз жана анда болгон окуя тууралуу айтсак, бул жерде психолог сизге эмес, дал ошол адамдарга керек экен. Сиздин айтканыңызга караганда, кайненеңиз жеңил ойлуу адам, муну жолдошу жана балдары билет. Качандыр бир учурда анын азабын тартышкан. Күйөөңүз энесинин айынан бала кезинен аял жолдошун алдайт, көзүнө чөп салат деген түшүнүк менен чоңойгон. Ал азыр бир гана сизге эмес, бүтүндөй тагдырына таарынып жаткандай.

Мындай учурда эки тараптан тең аракет болбосо, бир нерсени өзгөртүү кыйын. Андыктан жолдошуңузга убакыт бериңиз. Бактыга жараша, азыр сиздин жаныңызда жакын адамдарыңыз бар экен. Андан көрө бала, ден соолук тууралуу көбүрөөк ойлоно туруңуз. Бирөөгө ак экениңизди далилдөө аракети ого бетер энергияңызды алып, абалды оорлотушу гана мүмкүн.

Белгилер:
үй-бүлө, психология, кайнене, келин
Тема:
Психолог менен баарлашуу (146)
Тема боюнча
Күйөөмдүн "сүйүктүүсү" тынчтык бербей... Жолдошу баркына жетпеген келиндин каты
Ооруканада палатадагы капельница. Архив

Бишкекте уу коргошунга ууланып төртүнчү бейтап ооруканага түштү

(жаңыланган 22:48 20.04.2021)
Учурда бейтап Бишкектеги Травматология жана ортопедия илим-изилдөө борборунда жатат. Абалы туруктуу экени айтылды.

БИШКЕК, 20-апр. — Sputnik. Бишкек шаарында уу коргошунга ууланган төртүнчү адам ооруканага түштү. Бул тууралуу кабарды Саламаттык сактоо жана социалдык өнүктүрүү министрлигинин маалымат кызматы тастыктады.

Билдирүүгө ылайык, бейтап тундурманы беш күндөн бери үйүндө ичип жатканын айткан. Учурда ал Бишкектеги Травматология жана ортопедия илим-изилдөө борборунда жатат. Абалы туруктуу.

Кыргызстандын президенти Садыр Жапаров
© Пресс-служба президента КР / Султан Досалиев
Ушуну менен борбор калаада уу коргошунга ууланган төртүнчү бейтап катталганы маалым болду. Бүгүн аталган ооруканага 71 жана 67 жаштагы жубайлар түшүп, алдын ала диагнозу "аконитке уулануу, аритмогендик шок" деп коюлган.

Андан мурдараак Тез жардам кызматы уу коргошунга ууланган киши ооруканага жеткирилгенин билдирген. Министрлик ал белгисиз затка ууланганын айтып, каны менен заарасы экспертизага жиберилгенин маалымдады. 

Уу коргошун чуусу

Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчы өзү аконит (уу коргошун) кайнатып жасап жатканы белгилүү болду

Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.

Белгилер:
Бишкек, уулануу, бейтап, оорукана, Ысык-Көл тамыры, уу коргошун
Тема:
Уу коргошун чуусу
Тема боюнча
Уу коргошун ичкендерден кагаз жүзүндө уруксат алган эмеспиз. Министрдин маеги
Милиция кызматкерлерин фуражкалары. Архив

Айзада киши колдуу болгон жердин сүрөтүн жарыялаган 3 милиционер жазаланды

(жаңыланган 22:52 20.04.2021)
Анын ичинде кылмыш катталган жерге медициналык кол капты таштап салуу фактысы боюнча да иликтөө жүргүзүлгөн.

БИШКЕК, 20-апр. — Sputnik. Айзада Канатбекова киши колдуу болгон жердин сүрөтүн жарыялаган үч милиция кызматкери жазаланды. Бул тууралуу Чүй облустук милициянын маалымат кызматы билдирди.

Социалдык тармактарга тарап кеткен сүрөт, анын ичинде кылмыш катталган жерге ташталган медициналык кол каптар боюнча фактынын негизинде кызматтык иликтөө жүргүзүлгөн. Иликтөөнүн башкы максаты милдетин так аткарбай, көңүл кош мамиле жасаган кызматкерлерди жоопко тартуу болгон.

Ким кандай жаза алды:

  • Аламүдүн РИИБдин жоруктар бөлүмүнүн кызматкери, милициянын лейтенанты А. Экеевге катуу сөгүш;
  • Аламүдүн РИИБдин криминалдык милиция кызматынын жетекчиси, милициянын майору К. Самаевге катуу сөгүш;
  • Аламүдүн РИИБдин Криминалдык топту коштоп жүрүүчү инспектор-криминалист, милициянын капитаны М. Янванчиновго кызматына дал келбестиги боюнча эскертүү.

Айзаданын өлүмү

5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.

Белгилер:
Айзада Канатбекова, жаза, сүрөт, өлүм, кызматкер, милиция, кылмыш
Тема:
Бишкекте 27 жаштагы кыздын уурдалып, өлтүрүлүшү
Тема боюнча
Кабар алып туралычы! Эже-карындашына кайдыгер ага-инилерге кайрылуу
ИИМ: митингчилерди милиция кызматкерлери кууган эмес