Коронавируска тест жасоо үчүн алынган анализ

Баткенде жуктургандар көп болууда. Коронавирус боюнча соңку статистика

272
(жаңыланган 12:11 21.09.2020)
Акыркы суткаларда өлкө аймагында коронавирус жуктуруп алгандардын саны сакайгандардыкы менен барабар, ал тургай көбүрөөк болгон учурлар катталып келет. Бактыга жараша, өткөн суткада сакайгандар басымдуулук кылды.

БИШКЕК, 21-сен. — Sputnik. Бир сутканын ичинде коронавирус илдетинен 104 адам айыгып, 55 кыргызстандык вирус жуктуруп алганы аныкталды. Бул туурасында Республикалык штабдан билдиришти.

COVID-19дан сакайып чыккандар:

  • Бишкек шаары – 68;
  • Ош облусу – 1;
  • Ысык-Көл облусу – 2;
  • Жалал-Абад облусу – 9;
  • Баткен облусу – 24.

Ушуну менен өлкөдө 41 682 бейтап коронавирусту жеңип чыкты.

Бир сутка ичинде COVID-19 жуктуруп алгандар:

  • Бишкек шаары – 8;
  • Ош шаары – 1;
  • Чүй облусу – 1;
  • Ош облусу – 7;
  • Талас облусу – 5;
  • Нарын облусу – 2;
  • Ысык-Көл облусу – 2;
  • Жалал-Абад облусу – 4;
  • Баткен облусу – 25.

Пандемия башталгандан бери коронавирус илештирип алган кыргызстандыктардын саны 45 471ге жетти.

Балдар арасындагы COVID-19ду дарылоо эрежелери камтылган протокол бекиди

Аны менен катар кечээтен бери өлкө боюнча үч медицина кызматкери коронавирус жуктуруп алганы тастыкталды. Ал эми 6 медик айыгып ооруканадан чыгарылды, үй карантининдеги 15 медкызматкер сакайды.

Кыргызстанда ак халатчандардын арасында 3 202 учур катталып, алардын ичинен 2 822си ооруну жеңе алган.

Өткөн суткада оорудан көз жумгандар болгон жок. Өлкөдө буга чейин COVID-19 илдетинен ажал тапкандардын саны 1 063тү түзөт.

Учурда 554 бейтап ооруканада дарыгерлердин көзөмөлүндө жатса, 1725 киши үй шартында дарыланууда.

 

272
Белгилер:
статистика, коронавирус, Кыргызстан
Тема:
Кыргызстандагы коронавирус жуктуруп алгандар (1365)
Тема боюнча
Россияга барыш үчүн кыргызстандыктар ПЦР-тесттин жыйынтыгын көрсөтүшү керек
Боронов: форс-мажордук абалга даяр болуп, дарыларды камдайлы
Отоларинголог кызмат убагында. Архивдик сүрөт

Бир гана коронавирустан эмес! Жыт сезбей калуунун себептери

32
Дарыгер эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган.

БИШКЕК, 20-окт. — Sputnik. Коронавирус инфекциясын жуктурган учурда гана жыт билбей калат деген түшүнүк туура эмес экенин Sputnik радиосуна отоларинголог, медицина илимдеринин кандидаты Владимир Зайцев айтып берди.

Адистин билдиришинче, жыт билүүнүн жоголушу бир нече оорудан кабар бериши мүмкүн.

"Мурун көңдөйүнө суук тийгенде, мисалы, курч же өнөкөт ринитте, дем алуу жолунун былжыр чели менен көңдөйү сезгенген учурда жыт сезгичтердин кабыл алуусу алгач төмөндөп, андан кийин таптакыр жоголуп кетет", — деди адис.

Коронавирустун мээ менен нерв системасына тийгизген таасири ачыкталды

Отоларинголог учурдагы эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган. Ошондой эле өз алдынча дарылануудан оолак болууну айткан.

32
Белгилер:
оору, мурун, коронавирус
Тема:
Дүйнөгө жайылган коронавирус
Тема боюнча
Кулактан дагы кармайт. Коронавирустун жаңы симптому белгилүү болду
Бейтап СOVID же КРВИге чалдыкканын кантип билет. Дарыгердин аныктамасы
Ооруканадагы палата. Архивдик сүрөт

Коронавирус менен ооруган бейтаптарды кабыл алган ооруканалар. Тизме

21
Учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылганы маалым болду.

БИШКЕК, 20-окт. — Sputnik. Борбор калаада COVID-19га кабылган бейтаптарды 11 стационар кабыл алууда. Бул тууралуу Республикалык штабдан кабарлашты.

Ага ылайык, учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылды.

COVID-19 менен ооругандарды кабыл алып жаткан ооруканалар:

  • Республикалык клиникалык жугуштуу илдеттер ооруканасы;
  • Кыргыз-түрк "Достук" ооруканасы;
  • №1 шаардык клиникалык оорукана;
  • Улуттук госпиталь;
  • Улуттук фтизиатрия борбору;
  • Эне жана баланы коргоо улуттук борбору;
  • Улуттук онкология жана гематология ооруканасы;
  • Улуттук хирургия борбору;
  • Улуттук кардиология жана терапия борбору;
  • Темир жол ооруканасы;
  • №2 клиникалык төрөт үйү.

Кайсы аймакта коронавирустан көп киши каза болду? Статистика

Аталган ооруканаларда жалпысынан 561 орун даярдалган. Бирок кайсы медициналык мекемеде канча бош орун бар экенин министрликтин картасына (map.covid.kg) кирип карап алуу зарыл.

21
Белгилер:
тизме, оорукана, коронавирус, Бишкек
Тема:
Коронавируска байланыштуу Кыргызстандагы кырдаал
Тема боюнча
Министрлик коронавирусту дарылаган стационарлардын картасын жарыялады
Коронавируста бөйрөк оорусу өлүм коркунучун эки эсеге жогорулатат
Өткөн суткада 482 киши коронавирус жуктуруп, 127 бейтап айыкты